Kagiira Skills Development Center, Agriculture With New SkillsAbaturagye ba Sigirira Kihaani bantungiire amaizi marungi kuruga owa Panadol ya Ibanda
Omushaaho John Paul Ninkusiima Panadol ya Ibanda yaamashuuma nataaha amaizi aha nayikondo eyakozire omuri Sigirira Kihaani.
Nekya Agoweitu
788
Orwakashatu 2020-06-10
Abaturagye ba Sigirira y'okubanza n'eyakaana omumuruka gwa Kihani egomborora ya Kikyenkye omuri Ibanda disiturikiti, amashemerwa beine mingi kandi nibasiima Ruhanga bataine bugarukiro bwanyiima y'omushaija enkwata buta Omushaaho John Paul Ninkusiima abeingi ohubakumanya nka Panadol ya Ibanda y'amashuuma kubaretera amaizi marungi obwo arikubakoorera ekyoma kya rwechuunda n'angashi nayikondo ebaire amazire emyaaka erikurenga etaano etarikukora kandi etakubaaha amaizi.
Omushaki wa makuru geitu omubyaanga ebyo kwagire kuruga omumyanya egyo, abaturagye babaire beine enyungu, eshaare, ebidomoora, ebaafu n'ebindi bintu by'okukoozesibwa omu kutaaha amaizi kandi amashemererwa garikwenda kubeita obwo bariyo nibataaha amaizi marungi aha kyooma kya rwechuunda ekibakozire.
Abaturagye na abebembezi bagambireho nitwe ahabwa ekikoozirwe omubyaaro byaabo kandi nibyeebi ebibaatungambire kandi bakusiima Panadol;
John Tinkamanyire owekyaaro kya Sigirira ya kaana asiimire Panadol ahabwo kubiguriira nayikondo yaabo bakatunga amaizi marungi omukyaanga kyaabo kandi John amusiimire munonga ataine bugarukiro. Ngu Panadol nayeebare kubateraho oburyo akabiguriira amaizi ahabwokuba babaire b'amazire emyaaka mingi bataakureba amaizi marungi.
Dovina L abandize y'asiima Ruhanga ahabwekibeireho eizooba eryanyomwebazyo kandi yaayongyera yaasiima Panadol okureba nabiguriira amaizi gaabo. Agizire ngu babaire nibaboona boona munonga, amaizi barikugataaha omwiziiba ryaahare kandi babaire baboonabwine obwiire buringwa konka hati Panadol amaizi gaabo agabaakoreire. Ahendire nagira ngu Ruhanga abe niwe yaba omuhwezi wa Panadol omubyakukora byoona kandi Ruhanga amwebembere.
Arikangiro Tibaremwa owa Sigirira ya kaana kandiwe atandikiire nasiima Omwami Panadol ateireho agegoona kureba naijuka abaturagye ba Sigirira. Agizire ngu abantu babaire nibaboonaboona na amaizi g'okunywa na amaizi g'okuteeka kandi babaire nibanywa amaizi gebiziiba kwonka Panadol Mukama amuhe emigisha ahabwa ekyakozire.
Tumushaabe Proscovia kandi ogu abaire naruga omukyaaro kya Sigirira y'okubaanza agizire n'ansiima Panadol n'obuhanguzi bwingi ahabwa ebyabakoreire, kandi okubayamba akakuura amaino gabakaikuru agabaire nigabashaasha kandi akagaaruka akakuura amaino gabaana baato agafeire bakatunga obwihikizo obwe otebirwe amaino agahendeekire. Mbwenu ogu omukyara asiimire Panadol ateine bugarukiro. Proscovia tarekiraho, ayongiire yagiira Panadol abijukiire yabakoreera amaizi gaabo. Ashabire abaturagye ba Kikyenkye batuume Panadol abajwekyeere omwishengyero ry'eihanga. Ahendire nagira ngu n'omunyaamahe koporo Tumushabe Proscovia.
Haruna Badru kandi akutwaara eby'okwerinda omukyaro kya Sigirira ya kaana, ogu asiimire Panadol ateine bugarukiiro ahabwokuba amaizi agarebire kandi nayikondo buziima ekoziire. Atugiziire ngu nayikondo egi ebaire amazire emyaaka nka mukaaga eremire kukorwa. Abaturagye babaire nibeshoroozamu esente konka baremereerwa. Obumwe bakiiba bahitsya emitwaaro etaano (50,000/=), baremererwa obundi bakihitsya emitwaaro ikumi (100,000/=) nabwk baremwa. Ayongiire yagiira nayikondo egi ebaire neyetagisibwa emitwaaro nkaanga (600,000/=) kukorwa. Badru ahendereire omumashemererwa maingi munonga arikugiira ngu Panadol yabakoreera nayikondo.
Kyomugisha Jackline, oguwe atugizire butosha naba naza kugwa omwiziiba yaaba agiire kutaha amaizi, mbwenu hati Panadol yabakoreera nayikondo. Ahendire nagira nansiima Panadol ekyabakoreire kandi n'amusiima ateine bugarukiiro kandi yaashaba buryomwe weena amuhereeze akaruuru ngu Panadol Mukama amuhereeze emigisha y'onka kandi amwongyereeho hoona ahayiihire.
Nyangoma Joy Omukazi wa Kyemaani w'okubaanza w'ekyaro kya Sigirira ya kaana hamwe na Rumanzi Nicholas arikukuriira eminyeto y'omugomboroora ya Kikyenkye bagiizire ngu abaturagye batwire nibashorooza akasente omubantu kwonka oshanga katamaara.
Joy ayongiire yagiira ngu abaturagye babaire nibashoroza esente z'okukora nayikondo zityo ziburiira omungaro nikwo nayikondo ebarema kukoora. Asiimiire Panadol arikugiira Mukama ahayiihire amwongyereho.
Rumanzi nawe ayongire yagiira ekyaaro kya Sigirira 1 ekyakurugamu n'akyo nikiitaha amaizi aha nayikondo egyo. Agizire nk'ekyaaro, nk'omutaaka kandi nk'omwebembezi ayine okusiima kuhango ahabwokuba abaturagye bakagyezaho kurundana esente z'okukora nayikondo egyo zareema konka omwebembezi kandi arikwenda obwebembezi Dr. Ninkusiima John Paul abingi ohubakumanya nka Panadol ya Ibanda eyamashuuma ayiizire y'areeba okushaasha kwa abantu b'ebyaaro bya Sigirira 1 na 4, y'areeba nayikondo ebaire amazire emyaaka mushaanju etarikukoora yagikoora kandi amaizi gashoohora. Ahendire nagiira abantu b'ebyaaro ebyo baine okushemererwa kwingi ahabwokugaaruka bakanywa amaizi marungi.
John Paul Ninkusiima Panadol ya Ibanda kandi akozire nayikondo egyo arikugambaho n'omunyamakuru weitu wa Agoweitu, atugiiziire ngu abaturagye babaire nibamutereera amasiimu mingi bwatsya bwiira nangwa abamwe bakuhiika omumaakage barikumugiira ngu ekiziibu kyaabo n'ekya amaizi ahabwokuba nibataambura egyendo ningwa munonga kuza kuronda amaizi marungi kandi barikutambura engyendo ezirengiire kiro mita eibiri kandi bataaha amaizi mabi omubiziiba.
Panadol, agiizire kuyahuriireho ebiziibu nk'ebyo kandi nk'omuntu akutamba obusaasi, yakwaata yaaronda ba ingiiniya ba amaizi beiza bakoora nayikondo egyo.
Asiimiire Ruhanga ahabwokugiira nayikondo ekoziregye.
Ayongire yagiira ngu abantu babaire nibabatereera omuranga ngu banaabe omungaro barikwejunitsa sabundi n'amaizi kwonka batageine.
Nkomushaaho, nagiira amaizi marungi na magaara marungi kandi eki kyaaba ekintu kikuru munonga omuri Sigirira Kikyenkye ahabwa ekyakoorwa.
Ahendiire nagiira omuntu ayiine amaizi naba ayiine amagaara.
Eby'eshongoro by'eshongwirwe bikusiima Panadol ahabwokureta amaizi marungi omumyaanya egyo.
Huumura Tuganiire
Abakatoriki (2) Africa (3) Agekibarukiraho (43) Akaruuru 2011 (1) Akaruuru 2021 (26) Amagara (2) Amaka (5) Amakuru (538) America (1) Ebaruha (8) Ebirango (8) Eizooba Eri (5) Ekyanga Kyawe (9) Enfumu (3) Enganda (2) Esente (1) Haaya (1) Obugabe (8) Obutare (4) Okwiruka (2) Omuntu Waawe (12) Omupiira (24) Omushaho (1) Puriyamare (2) Ruhuuta (18) Senyiga Ya Corona (29)