Kagiira Skills Development Center, Agriculture With New SkillsORUGANDA RW'ABAGAHE
Ente Ngoobe
Nekya Ndi Omunya Nkore
2563
Orwakataano 2020-06-12
Obuhangwa Oruganda rw'Abagahe nibazira "Ente Ngoobe, kandi rwine emiryango yaarwo egi Abasigi, Abasiita, Abasheegi, Aba Kiyombo, Abanegyere, Ababeizi, Abatabarwa, Aba Kinyagiro, Abaishenza n'abandi namunonga egi emiryango einaha aharuguru n'ey'Abanyakigezi. OBUKOMOOKO BW'ABAGANE Okucondooza nikworeka ngu hakaba hariho omushaija Kagahe owaabaire aine abakazi baingi, kandi akaija yaazaara n'abaana baingi. Bamwe omu baana be ni Nkurunkumbi na Kasigi, kandi bombi bakaba bari ab'omukazi omwe, haza ahabw'okuba entega-karyaija, baaguma nibeeyeta beene Kagahe.
Ahabw'okuba omutungi n'okugira abakazi baingi, n'okuzaara abaana baingi, abantu abaabaire bamuhereire bakaguma nibafuruka nibamuhiguza nari abandi bacwamu kumweyeterera nk'abe.
Eka ku yaagyenzire neehanguha, Kasigi yaayekwatira omwanya ogwe, kandi abaana abu yaazare n'abo abaizire kurugawamu oruganda baaba Beene Kasigi, nikyo orikureebera ekigambo beene nanka nikikozesibwa.
Omu bakazi ba Nkunkumbi, hakaba harimu owaabaire naayetwa Kinyagiro Omwinika, owaabaire ari omushaakiizi, kandi omwamuzi w'enjura, arikumanya kugyenda n'abashaija aha rugambaa kuza kurwana.
Omukazi ogu naagambwa kuba niwe yaabaire aragurira n'okwomoora obuhuta bw'abarwani abaahutaarira aha rugamba. Ahabw'obumanzi bwa Kinyagiro, abaana be abarimu Kaheetsi, Karegyesa hamwe na Kayundo, nangwa na bamwe omu bu yaabaire atazaire abarimu Kacuucu bakamweyeterera baaguma nibeetwa beene-Kinyagiro, baarugamu Omuryango okwagwo n'okuhitsya hati.
Abandi baana ba Kagahe hakaba arimu Rugambira owazaire Kagina owashweire Nturagye owaabaire ari muhara wa Kahaya (Rutindangyezi) mwijukuru wa Murari (iba Kitami kya Nyawera), Murari akaba naazaarwa Kanzira (Ishemurari). Kagina akazaara Kasiita, Kariisa na Nyaburiza. Kasiita niwe yaazaire Mushwa (Muchwa), Muchwa yaazaara Kahurubuka, Kahurubuka yaazaara Rwanyegamo, Rwanyegamo yaazaara Keinamura. Haza abo nibo barikukomookwamu Amos Kaguta, ishe Yoweri Museveni (Purezidenti wa Uganda). Abagahe abo baine emiryago ogw'Abaregyeza, Abasigi, Abaheesi, Abayundo, Abacucu, Abasiita, Aba Kiyombo, Abatabarwa, Abasheegi.
Abagahe omuri KIGEZI Abakoma nkwanzi ba Muyebe aba Kijubwe, Shagasha Abahingira Nyanja ya Kanyabaha. Enyanja egyo Kanyabaha neshangwa omu gomborora ya Kashambya omuri Rukiga. Abagahe aba nibakomooka ahari Nyamukuru Mpigika, Mpigika yaazaara Mugumya, Mugumya yaazaara Mpambara, Mpambara yaazaara Mitwebiri na Nyindo.
Nimwebare kuguma nimushoma ebi tubahandikira butosha, ninshaba eb'enganda ezindi okugumisiriza nazo nitwija kuzigambaho n'obukooko bwazo nangwa ezimwe turasigambireho n'ahabw'ekyo nitubehanangiriza okuguma nimukuratiira endagiriro ezo ezituri kubarekyera aha!
Nebya: Ndi Omunya Nkore (Facebook page).
Huumura Tuganiire
Abakatoriki (2) Africa (3) Agekibarukiraho (43) Akaruuru 2011 (1) Akaruuru 2021 (26) Amagara (2) Amaka (5) Amakuru (538) America (1) Ebaruha (8) Ebirango (8) Eizooba Eri (5) Ekyanga Kyawe (9) Enfumu (3) Enganda (2) Esente (1) Haaya (1) Obugabe (8) Obutare (4) Okwiruka (2) Omuntu Waawe (12) Omupiira (24) Omushaho (1) Puriyamare (2) Ruhuuta (18) Senyiga Ya Corona (29)