Ebirango Bikuru

   Kagiira Skills Development Center, Agriculture With New Skills
   Diary Farm Training By Kagiira Skills Development Center in conjunction with Eiraka Radio

Akesharingo kamaani aha kitebe kya disiturikiti ya Ibanda


Omwesharingi aha kitebe kikuru kya disiturikiti ya Ibanda
Nekya Agoweitu
970

Orwokubanza 2020-06-15

Omukasheshe kahati abantu barebwaho aha kitebe kya disiturikiti ya Ibanda bakwatsire ebipapura, ebipande kandi beine ebaruha eriho n'emikono y'abantu b'egomborora ya Kikyenkye obwe barikutwara okwetombweita kwabo owa DISO wa Ibanda.

Akesharingo kijaho bwanyima y'omushaija omwe arikumanywa nka Mwebembezi Innocent kandi GISO w'egomborora ya Kikyenkye kwihwaho piikipiiki ey'omurimo.

Abesharingi aba baba batwire ebaruha yaabo owa DISO wa Ibanda omutsya.

Abesharingi bayongyera bagiira ngu hariho ab'ebembezi abe by'obutegyegi omuri Ibanda disiturikiti abariyo nibateera ahansi omutsigazi Innocent Mwebembezi ahabw'okugiira ngu nibatekateka ngu n'owekibiina kya FDC.

Abandi bantu bagiira ngu Mwebembezi n'omukozi, ayine omukazi n'omwana omubugufu, nabaasa kwecweramu kandi abantu ab'okwenda kumuremesa omurimo barekyeraho kwekwatsa ngu ishe kizara Innocent n'owekibiina kya FDC.

Abaturagye ba Kikyenkye bashaba DISO agarukye ahereze Mwebembezi Innocent piiki piiki ye y'omurimo agyende ahereze abantu ba Kikyenkye na Ibanda disiturikiti.

Abesharingi nibagiira ngu tibararuge aha kitebe kikuru kya disiturikiti mpaka enshonga zabo DISO na bandi b'ebembezi ba Ibanda bazigarukiremu.

Omunyamakuru wa Agoweitu tiyatunga mugisha gw'okugambaho na Innocent ahabwokuba ahamwanya yaaba atariho kandi esiimu ye yaaba etariho.

Innocent Mwebembezi akashaaba omurimo nkabandi banyi Ibanda kandi nk'omunya Uganda haaza yagutunga kandi bamuha ebikozesibwa. Innocent Mwebembezi n'omwe aha bantu mukaaga abatungire omurimo gwaba GISO (Gomborora Internal Security Officer) omuri Ibanda disiturikiti omumwaka ogu.

Huumura Tuganiire

Abakatoriki (2) Africa (3) Agekibarukiraho (43) Akaruuru 2011 (1) Akaruuru 2021 (26) Amagara (2) Amaka (5) Amakuru (538) America (1) Ebaruha (8) Ebirango (8) Eizooba Eri (5) Ekyanga Kyawe (9) Enfumu (3) Enganda (2) Esente (1) Haaya (1) Obugabe (8) Obutare (4) Okwiruka (2) Omuntu Waawe (12) Omupiira (24) Omushaho (1) Puriyamare (2) Ruhuuta (18) Senyiga Ya Corona (29)