Ebirango Bikuru

   Kagiira Skills Development Center, Agriculture With New Skills
   Diary Farm Training By Kagiira Skills Development Center in conjunction with Eiraka Radio

Omujwekyerwa wa Ibanda Joveline Kalisa aheireyo ebitanda omuri Ishongororo


Kimwe ahabitanda ebihirweyo
Nekya Agoweitu
623

Orwakabiri 2020-06-16

Omunyeishengyero omukyara ahabwa Ibanda disturikiti eheireyo ebitanda bishatu ebirikukora burikimwe ah'irwariro rya Ishongororo.

Eizooba rya nyomwabazyo, abantu ba Ishongororo, erikushangwa omuri Ibanda ey'amateemba, borekire okushemererwa obwo barikweshongora hamwe n'okuzinira omuny'eishengyero omukyara Joveline Kaliisa Kyomukama bagumize ngu ekiyabakorera tehaine orakibakoreire!

Ebi bitanda ebiheirweyo omuny'eishengyero Joveline Kaliisa tibitanda ebyaburiijo ebitutwire nitureeba. Nikigambwa ngu ebi nibikora burikintu kyoona oteireho n'okutereeza omuntu owahendeka omukono, okushemerezaho, n'endiijo migasho.

Nikigambwa ngu omuwihanga rya Uganda ryoona, n'amarwariro makye munonga againe ebitanda by'ekika nkeeki.

Joveline Kaliisa agumiizemu kandi yaraganisa oku arikwiija kubakorera ekyooma kyaabo ekirikumuruka omumubiri omunda narishi *scan* ekirikugambwa kuba kyatungiremu obuzibu.

Okurugirira aha bakozi hamwe nabashaho ah'irwariro erikuru erya Ishongororo, barebukireho baine akamweenyo n'amashemerwa maingi munonga barikusiima omujwekyerwa waabo Joveline Kaliisa ekiyakora bagumize ngu nibasiima munonga obuhwezi bwe!

Okurugirira ahari Father Birungi orebukireho arikusiima omukyara Joveline Kaliisa, agizire ngu ekintu ekiyakora eki, n'ekintu ekirikukorwa omuntu aine rukundo kandi arikufa ahamagara g'omuntu w'ahansi.

Father Birungi ahamize oku ebitanda ebiheirweyo omujwekyerwa Joveline Kaliisa okubirikukora burikimwe, oteireho nokushemerezaho.

Omushaho nurse Irene nawe orikukora omw'irwariro niryo rimwe asimiire eki omujwekyerwa Joveline Kaliisa akozire nangwa yagira ngu obwahati tibakine rwekwaso yoona ahabwaki abantu ba Ibanda ey'amateemba bashemerire kuba nibaza kuraguruza Kagongo!

Kaliisa asiimire eirwariro rya Ishongororo ahabwa byoona ebibarikukora kurebuka ngu bahereza abantu ba Ishongororo hamwe n'Ibanda yoona obuhereza bw'omurembe hamwe n'obujanjabi bw'ekika kyaheiguru.

Agumiizemu arikuhabura abantu ba Ibanda hamwe n'eihanga ryoona kubagumizamu barikunaaba engaro hamwe n'okukuratira engyenderwaho ya mukuru w'eihanga hamwe n'ekitongore ky'eby'amagara bateireho, nk'emwe aha miringo y'okutangira okujanjaara kw'ekirweire kya Covid 19 omwihanga.

*Huumura tuganiire*

Huumura Tuganiire

Abakatoriki (2) Africa (3) Agekibarukiraho (43) Akaruuru 2011 (1) Akaruuru 2021 (26) Amagara (2) Amaka (5) Amakuru (538) America (1) Ebaruha (8) Ebirango (8) Eizooba Eri (5) Ekyanga Kyawe (9) Enfumu (3) Enganda (2) Esente (1) Haaya (1) Obugabe (8) Obutare (4) Okwiruka (2) Omuntu Waawe (12) Omupiira (24) Omushaho (1) Puriyamare (2) Ruhuuta (18) Senyiga Ya Corona (29)