Kagiira Skills Development Center, Agriculture With New SkillsAba Kiruhura basiimire Hon.Genensio
Mp Kashongi
Nekya Agoweitu
755
Saande 2020-06-21
Eizooba rya nyomwebazo akakiko akarikukurira ehururu y'okurwanisa okujanjaara kw'endwara ya covid 19 omuri Kiruhura bebembirwe orikukurira akakiko niko kamwe kandi ori entumwa y'amukuru w'eihanga Mr Muhindo, basiimire omujwekyerwa ahabw'abantu ba kashongi omwe'ishengyero erikuru erya Uganda Hon.Genensio Tumuramye ahabw'okubaha ambulance etwire nekora emirimo etari emwe n'emwe nk'o kutwara abakazi abeine enda, hamwe nabarweire abandi omumarwaariro.
Ondiijo osiimire omuny'eishengyero Genensio abeire ari Mukuru w'entebe ya katano ahabwa Kiruhura disturikiti, Rev.Samuel Mugisha Katugunda obwe agumize ngu Mukama amuhereze emigisha nyamwingyi ahabw'ekyabakorire.
Ogu enkundwa yaboona omujwekyerwa wa bantu ba Kashongi Genensio bagumizemu barikumusiima ahabw'obuyambi obuyaheireyo oburimu ebyokurya hamwe n'obukookoro bw'ahamaisho (face masks ) obwe arikubuherezayo omumikono y'abarikukurira akakiko akarikurwanisa ekirweire Kya covid 19 omuri Kiruhura.
Beitu we Omuny'eishengyero Hon Genensio Tumuramye yasiima akakiko aka ahabw'okumuhereza ambulance kugaruka omuri Kashongi ahabw'okuba nabo abantu ba kashongi babeire bari omubwetago bwayo, agumizemu arikugyira abantu bakashongi ngu bahumure, ambulance yabo yagaruka kandi neeza kugumizamu erikuhereza obuhereza bwayo nka burijo.
Akakiko niko kamwe kashabire abantu kubagumizamu barikukuratira engyenderwaho eyi mukuru w'eihanga yateireho nk'emwe ahamiringo egyenderire kutangira okujanjaara kw'endwara ya covid 19 omwihanga.
Huumura Tuganiire
Abakatoriki (2) Africa (3) Agekibarukiraho (43) Akaruuru 2011 (1) Akaruuru 2021 (26) Amagara (2) Amaka (5) Amakuru (535) America (1) Ebaruha (8) Ebirango (8) Eizooba Eri (5) Ekyanga Kyawe (9) Enfumu (3) Enganda (2) Esente (1) Haaya (1) Obugabe (8) Obutare (4) Okwiruka (2) Omuntu Waawe (12) Omupiira (24) Omushaho (1) Puriyamare (2) Ruhuuta (18) Senyiga Ya Corona (29)