Kagiira Skills Development Center, Agriculture With New SkillsOmuhwezi wa RDC ahabwa kisoro kwetsimba ahantebe y'omunyeishengyero aha bwa kashaari ey'amatemba.
Omuhwezi wentumwa ya Mukuru weihanga
Nekya Agoweitu
0
Orwokubanza 2020-06-22
Obwe turikugumizamu turikwetebakanisiza okuteera akaruuru, obwa hati abarikwenda entebe y'okujwekyera abantu ba kashaari ey'amatemba baahika bataano (5)
Ahiturikugambira, amakuru agatungirwe nigworeka ngu omuhwezi w'entumwa ya Mukuru w'eihanga omuri Kisoro nawe obwahati yaamazire kuba naayoreka ekiteekateeko ky'okwetsimbaho aha ntebe niyo emwe .
Obwa hati abantu abamazire kworeka ekyetengo kyabo ky'okwetsimbaho aha ntebe ey'omunyeishengyero ahabwa kashaari ey'amatembe barimu Nuwagaba Moses entwiga yakashaari Kandi ori omuhwezi w'entumwa ya Mukuru w'eihanga omuri Kishoro,Basil ori disturikiti kanshara ahabwa Rubindi,Muhairwe Grace Kyankonko owabaireho disturikiti kanshara aha bwa kashare nk'egomborora Kandi nabwe akabaho sipiika ahabwa Mbarara disiturikiti,Daniel Kananura Damazol owa Damazo Foundation orikumanywa baingi nk'ow'emotoka.Baitu, ogu n'omwe aharyabo abari omu buzineesi y'entambura Kandi aine emotoka nyamweingi aha ruguuto nyeigyendwa Ibanda -Mbarara road , Hon.Urban Tibamanya owabeireho omuny'eishengyero ahabwa kashaari hamwe na Jude Bankunda .
We Nuwagaba Moses entwiga ya kashaari, areebukireho omumaisho g'abanyamakuru baitu, agumize ngu ekimureetsire omukuhayanira entebe y'okujwekyera abantu ba kaashari n'ahabw'okugira ngu areebire abantu ba kashaari barikwenda omuntu omukozi Kandi omugambi murungi arikubaasa kuza omw'eishengyero erikuru erya Uganda Kandi akagambirira abantu be batari nk'abo abarikuzayo kukora busha bateine n'ekibakoreire abantu abubarikujwekyera .
Moses agumiizemu arikugira ngu obwa hati, Kashaari ey'amatemba n'emwe ahamyanya eine ekizibu ky'obutagira amaizi marungi,ambulance,tibaine mihanda mirungi nangwa n'amarwariro tigarikumara ngu Kandi n'omunyeishengyero owubateereire akaruuru baamukutuma eryambwenu, tobaasa kumureeba akabuza amaisho.
Baitu, omushaki waitu omukugambaho n'abatuuragye omuri kashaari ey'amatemba nabo babaire bagumize ngu n'ekyamazima omuny'eishengyero wabo taine ekyabakoreire ngu obwire nibw'obu obubashemereire kuba nibatoorana omujwekyerwa oine engoga hamwe n'amaani kandi owakubaasa kubakorera nayo kashaari ey'amatemba ekaza aharurengo rw'omutindo.
Obwahati nikigambwa oku Moses Nuwagaba arikwija kuraara yaasinga nangwa yaatwara entebe y'okujwekyera abantu ba kashaari ngu ahabw'okuba n'omuntu omwekambi ,omukozi Kandi omuntu w'abantu ngu nangwa bamwinemu n'amatsiko g'okubakorera kureebuka ngu baatunga obuheereza bw'omutindo otaireho n'okushakira abantu ba kashaari
Huumura Tuganiire
Abakatoriki (2) Africa (3) Agekibarukiraho (43) Akaruuru 2011 (1) Akaruuru 2021 (26) Amagara (2) Amaka (5) Amakuru (538) America (1) Ebaruha (8) Ebirango (8) Eizooba Eri (5) Ekyanga Kyawe (9) Enfumu (3) Enganda (2) Esente (1) Haaya (1) Obugabe (8) Obutare (4) Okwiruka (2) Omuntu Waawe (12) Omupiira (24) Omushaho (1) Puriyamare (2) Ruhuuta (18) Senyiga Ya Corona (29)