Kagiira Skills Development Center, Agriculture With New SkillsAkakiiko K'ebyobururu Kangiire Okweterana Omukuronda Obururu, Karikutebenkanisiza Akaruru ka 2021
Omuramuzi Byabakama akukurira akakiiko kebyobururu omwihanga
Nekya Agoweitu
0
Orwakabiri 2020-06-23
Orugambo n'okwebuuza yaaba akaruru kaaraterwe 2021 kuhwire obu akakiiko akari kutebenkanisisa obururu (electoral commission) omuri Uganda okurugayo kakarangirira oku obururu buraterwe n'angashi ekyenderwaho (roadmap).
Tikirikwija kuba nkaburijo oku abesimbireho okubatwire nibatambura bakarundana abantu kubagambira ebibariza kubakorera (manifestos), ahamurundi ogu, ahabwa endwara ya corona vayirasi, okurundana abantu tikurikwija kubaho ahabwokukuratira engyenderwaho ya Minisiture y'ebyamagara okugyezaho kutangira okukwatwa no nokujanjara kwendwara ya corona vayirasi.
Ahamwanya gwokukunganya abantu, abokuza kwesimba nibaza kukozesa emikutu ya intaneti, Tivi na Rediyo okuhika abaronzi baabo, okurugirira okuhabura kwa omuramuzi Simon Byabakama, orikukurira akakiiko kebyokuronda abebembezi obuhweireho arikugambaho nabanya makuru omuri Kampala.
Agizire ngu akakiiko karebire kandi kayetegyereza ebiragiro bikuru by'eihanga (constitution), kandi bashanga ngu nibikirizibwa okusharaho batyo.
Omuramuzi Byabakama agizire ngu naza kugambaho nabukirikukwataho kurebeka ngu, abantu bakama za rediyo naza Tivi, bahereeza omugisha abari kurwanira entebe zitarizimwe omugisha gwokukozesa za rediyo na Tivi zaabo.
Kandi agizire ngu ahabwebicweka ebimwe nka Sebei ebitakuhikamu obuhereza mbwempurinzigana nka Tivi, nayija kugambaho na minisiture y'ebyempurizingana okurebuka ngu nabo bakikora omumuringo ogurikuhiika abantu baabo.
Kubamuburize yaba kibeire kitahikire okwongyezayo okuronda ahabwendwara ya corona vayirasi, agizire ngu babiire baine kukora ekirikubasika kyona kurebeeka ngu bakora eki eishe amateeka (constitution) erikuragira kurebeka ngu batebenkanisa okuteera obururu omu biiro 120, encuro ya Purezidenti ninga memba wa paramenti erikuhwaho.
"Twiine kurwaniisa byona ebirikuturemesa kurebeka ngu titwahenda eki eishe amateeka ga Uganda erikuragiira. Ebibiina by'obutegyeki beine kugumira burikimwe.
Ekigyendererwa kyeitu kyokubanza nokureeba ngu amagara g'abantu garigye." Bigambirwe Byabakama.
Okurugirira aha enteekateka y' ebwokuronda (roadmap), ebibiina by'obutegyeki bishemeirere kugira akaruru kokubanza (primaries) rwagati yebiro 22 Okwamukaaga (June) hamwe nebiro 21 okwamushanju (July) 2020.
Niheija kubaho okwehandiikisa kwabesimbireho aha zagavumenti zahansi (Local government) hamwe naabo boona abeine oburema n'obutebaasa (special interest groups), rwagati yebiro 7 hamwe na 17 omumwezi gwokwamushanju 2020.
Obururu bwa paramenti, okwehandikisa nikwija kubaho rwagati yebiro 12 hamwe na 13 omumwezi kwikumi, 2020.
Kandi okwehandikisa kwabo abesimbiro ahabwa purezidenti, nikwija kubaho ebiro 2-3 omumwezi gwa ikumi nagumwe 2020.
Zakampiini zaba paramenti ahamukutu gwempurizingana, niziija kubaho rwagati y'okwemwezi kwa ikumi ebiro 20, 2020 hamwe n'ebiro 8 by'okokubanza 2021, kandi zakampiini zaba purezidenti zibeho rwagati yebiro 10 omukwezi kwa ikumi, 2020 kuhitsya ebiro 8 omukwezi kwokubanza, 2021.
Akakiiko k'ebyokuronda obururu kagizire ngu, obwire bw'okuteera akaruuru k'omwaka 2021, nikwija I hamwe n'ebiro 8 omukwezi kwakabiri, 2021.
Huumura Tuganiire
Abakatoriki (2) Africa (3) Agekibarukiraho (43) Akaruuru 2011 (1) Akaruuru 2021 (26) Amagara (2) Amaka (5) Amakuru (538) America (1) Ebaruha (8) Ebirango (8) Eizooba Eri (5) Ekyanga Kyawe (9) Enfumu (3) Enganda (2) Esente (1) Haaya (1) Obugabe (8) Obutare (4) Okwiruka (2) Omuntu Waawe (12) Omupiira (24) Omushaho (1) Puriyamare (2) Ruhuuta (18) Senyiga Ya Corona (29)