Ebirango Bikuru

   Kagiira Skills Development Center, Agriculture With New Skills
   Diary Farm Training By Kagiira Skills Development Center in conjunction with Eiraka Radio

Ekitoongore kya Light For The World kiheriize eby'okurya abarema omuri Ibanda


Ambrose owa Light For The World naahayo ebyokurya aha kitebe kikuru kya Disiturikiti ya Ibanda
Nekya Agoweitu
558

Orwakabiri 2020-06-23

Obwo gavumenti ya Uganda n'ekitongore ky'ebyamagara bariyo nibarwanitsa endwarwa ya COVID19 omwihanga, kimwe aha bitongore ekya Light for The World ekirikureberera abarema omu Uganda kiheireyo obuyambi bw'ebyokurya omu abantu abaine obureema omuri Ibanda.

Eby'okurya ebihirwe nibihika kiro omutwaro gumwe (10,000kgs).

Ebihimba tani itano (5 tones) kandi obuhunga tani itano (5 tones). Abareema bakuhika magana atano (500) nibo baraganyirwe omu buyambi obu okwetoroora amagomborora goona omuri Ibanda

Ambrose Murangira, omuhabuzi ahabw'ekitongore ekya Light For The World kandi mukuru w'abarema omu disiturikiti ya Ibanda niwe aheireyo obuyaambi obu omukakiiko kw'okurwanitsa endwara ya COVID19 omuri Ibanda akarikwebemberwa entumwa ya Mukuru w'eihanga omuri Ibanda Eliasto Akatuheebwa

the Omukoro gw'okuhayo obuyambi bw'ebyokurya gubaire guri aha kitebe kikuru kya Disiturikiti ya Ibanda eizooba rya nyomwebazyo kandi gubaire gwebembiirwe mukuru w'entebe ya kataano (LC V) ahabwa Ibanda Owekitinitsa Kajwengye Melichiadis na Omuhwezi wa RDC wa Ibanda disiturikiti Mary Bashongoka Kamaduka.

Abandi ababeire bari ahamukoro gw'okutongoza ehururu y'okugaba eby'okurya n'owekitinitsa Godfrey Mugisha mukuru w'eminyeto ya Ibanda Munisiparite, akakiiko kabareema omuri Ibanda n'abandi beebembezi ba disiturikiti ya Ibanda.

Ambrose omukuhayo obuyambi agizire ngu disiturikiti zirikwingana ikumi (10) omu Uganda zihiirwe obuyambi kuruga omukitongore kya Light for The World kandi Ibanda n'emwe aha disiturikiti ezo. Ayongiire yagira ngu eby'okurya nibiija kuheebwa egomborora zoona eziri omuri Ibanda disiturikiti kandi bakuru ba barema omumagomborora ago bakatebekanitsa abarema abaratuungye obuyambi bw'ebyokurya obu.

Ayongiire yaagira ngu, Light For The World teheireyo byokurya byonka, kwonka ekitongore eki kihiireyo obuyambi nka fesi masiki kuyamba abantu abaine oburema aha mubiri gwabo na n'ebihandiiko biri aha byapa bikushoborora aha ndwara ya COVID19 kandi ebi nibiija kubayamba kurwanitsa endwara egi.

Kajwengye Melichiadis kandi mukuru w'entebe ya kataano omuri Ibanda disiturikiti, asiimiire kimwe ekitongore kya Light for The World ahabwa ekikorwa ekyembabazi ekikozirwe kandi n'omutima gw'obugabi ahabantu abaine oburema omu disiturikiti ya Ibanda. Ashabire obukiiko obukuza kugaba ebyokurya omu magomborora kuba obwamazima. Kajwengye asiimire abebembezi ba barema n'abantu abeine obureema omuri Ibanda ahabwa emyooga eyibaririkukora obwahati omubyanga byabo kandi yasiima Mugume omuhandiki w'akakiiko kabareema omuri Ibanda ahabwokuba omuhiingi wamaani womwani.

Omuhwezi wa RDC omuri Ibanda disiturikiti Mary Bashongoka Kamaduuka asiimire ekintongore eki, ahabw'okuyamba abantu abaine oburema omuri Ibanda kandi yagiira ngu obuyambi obu nibwizakwongyera ekintu kihaango aha magara g'abaantu abeine obureema omuri Ibanda disiturikiti.

Bwanyiima y'omukoro gwokuhayo eby'okurya omukakiiko kwokurwanitsa endwara ya COVID19 omuri Ibanda, omuhwezi wa RDC Mary, Ambrose n'akakiiko kabarema batongwize ehururu y'okugaba eby'okurya omumagomborora ga Ibanda goona.

Okugaba ebyokurya kutandikiire Bisheshe Divizoni omuri Ibanda Munisiparite.

Huumura Tuganiire

Abakatoriki (2) Africa (3) Agekibarukiraho (43) Akaruuru 2011 (1) Akaruuru 2021 (26) Amagara (2) Amaka (5) Amakuru (538) America (1) Ebaruha (8) Ebirango (8) Eizooba Eri (5) Ekyanga Kyawe (9) Enfumu (3) Enganda (2) Esente (1) Haaya (1) Obugabe (8) Obutare (4) Okwiruka (2) Omuntu Waawe (12) Omupiira (24) Omushaho (1) Puriyamare (2) Ruhuuta (18) Senyiga Ya Corona (29)