Kagiira Skills Development Center, Agriculture With New SkillsORUGANDA RW'ABASHAMBO OMURI KIGEZI
EPA
Nekya Ndi Omunya Nkore
1448
Orwakabiri 2020-06-23
Obuhangwa
Kahaya Omushambo mwijukuru wa Kanzira (Ishemurari) akaba ari Omukama wa Mpororo, kandi ogu niwe Abakiga barahira ngu "Oshe Kahaya ka Ruguru!"
NK'omu mwaka gwa 1750, Kahaya akahika Rujumbura obwo aine omutabani Kirenzi, yaashanga eri ensi nungi, nikwo kugambira Kirenzi ati "Abahinda ku barikubinga omuri Mpororo oije otuure omuri Rujumbura. Bakagumizamu baahika n'omuri Rukiga, bwanyima baagaruka Mpororo.
Kahaya ku yaafiire, omutabani Kirenzi yaaguma naija omuri Rujumbura arikuruga Mpororo. Ku yaabaire naayetebeekanisa kwizira kimwe omuri Rujumbura nk'omu gwa 1800, yaateera ekigo kye omu mwanya ogurikwetwa Nyakinengo omuri Nyakagyeme, kandi ei yashangire enganda ezi;
Abaishikatwa, Abanyabusaana, Abaraarira, Abaitira, n'Abanyakyahi hamwe n'obundi buganda bukye, atyo yaahinduka omukama yaategyeka Rujumbura.
Omutabani Rwebiraaro nikwo kuzaara Nyinamanyonyi, Nyinamanyonyi akazaara Ruhengye, Ruhengye nikwo kuzaara Muhoozi ahari Kaharagye, owaizire kuhungurira ish'enkuru Nyinamanyonyi.
Muhoozi niwe arikuzaara Daudi Makoobore ishe Karegyesa kandi Kaamu Karekaho Karegyesa yaazaara Filemooni Kitaburaaza na Keesi Karekaho. Abangyereza ku baizire, Rujumbura hamwe n'ekicweka kya Butumbi ebyabaire nibitwarwa Omukama Rubaata rwa Karaara Omwitira ryahinduka eishaza rimw ryatwarwa Makoobore.
ABASHAMBO nibazira EPA omwishiki ataine mabeere. Nebya Ndi Omunya Nkore Facebook page
Huumura Tuganiire
Abakatoriki (2) Africa (3) Agekibarukiraho (43) Akaruuru 2011 (1) Akaruuru 2021 (26) Amagara (2) Amaka (5) Amakuru (538) America (1) Ebaruha (8) Ebirango (8) Eizooba Eri (5) Ekyanga Kyawe (9) Enfumu (3) Enganda (2) Esente (1) Haaya (1) Obugabe (8) Obutare (4) Okwiruka (2) Omuntu Waawe (12) Omupiira (24) Omushaho (1) Puriyamare (2) Ruhuuta (18) Senyiga Ya Corona (29)