Ebirango Bikuru

   Kagiira Skills Development Center, Agriculture With New Skills
   Diary Farm Training By Kagiira Skills Development Center in conjunction with Eiraka Radio

Ahabwaki Nuwahereza Nicolus nabaasa kusinga Hon.Mwesigwa Rukutana - Rushenyi


Rushenyi
Nekya Agoweitu
889

Orwakataano 2020-06-26

Eihanga ryoona abantu bariyo amaisho bagahangire owa Nyamuhanga obwe barikushaba eshaara ngu oba oryaho abantu abubarikuhagira bakaraara barya akaruuru omumyanya eyibesimbiremu.

Obwahati twakuretera ebirikufa omw'Ishaza rya Rushenyi.

Ekyabeire omuri Ruhinda omumwaka gwa 2015 ahagati ya Kahinda Otafiire hamwe na Capt. Kahonda Donozio nikirara kyabaho ogundi murundi omuri Ntungamo.

Amakuru agatuungwa Agoweitu eshaaha egi kuruga omw'Ishaza rya Rushenyi erikushangwa omuri Ntungamo disturikiti nigoreka ku omunyeto ensinganto Nicholas Niwahereza abaasa kwija kuraara yasinga akaruuru kandi obwahati ariyo noyeyoreka omubantu oteireho n'okuhangura emitima y'abatezi b'akaruuru.

Niwahereza,n'omwe aharyabo abarikurondesa akaruuru ekibunu n'omutwe obwe arikukaronda aha muntu owahansi, arikukorera abantu, oteireho okubahereza obuhereza butari bumwe na bumwe .

Niwahereza arugireyo yarahira kandi yakomba ahakwezi okwarikwija kutwara entebe eyi Mwesigwa Rukutana ashutamamu omw'ishengyero erikuru erya Uganda obwe agumize ngu oba Rukutana nayenda ninga tarikwenda naija kugyenda, takubaasa kunuuka ahakaruuru .

Enshonga ahabwenki Niwahereza nabaasa kusinga akaruuru, nikigambwa ngu Hon.Rukutuna akabura ahabantu abamutereire akaruuru emyaka nk'ena nekicweeka.

Abantu abagambireho n'Agoweitu kuruga omuri Rushenyi babeire bagumize ngu Rushenyi neyeteenga omuntu aine amaani hamwe n'engonga owubakubaasa kuhikirira omubwire bwona obubaramwenderemu. Bagumiizemu barikugyira ngu emyaka makumi abiri (20) eyi Rukutana yamara ari kubajwekyera omw'ishengyero erikuru erya Uganda nebamara, ngu obu n'obwire obubashemeriire kuba nibareeba omuntu omutsya n'emikorere ye.

Abandi abarikwenda entebe y'okujwekyera abantu ba Ishaza erya Rushenyi ni Naume Kabasharira,owabeireho omujwekyerwa w'abakyara ahabwa Ntugamo disiturikiti beitu abantu bagambire ahamukyara ogu bagumize ngu akaremwa kuhikiriza ebiyaraganiise kubakorera obuyabeire ari omujwekyerwa w'abakyara ahabwa Ntungamo n'ahabw'ekyo tibakubaasa kumuha akaruuru ogundi murundi.

Okuba omunyeeto ensingaanto Nicolus Niwahereza abasize kuba natuunga obushagiki omu minyeeto arikurabira omukubashomesa hamwe n'okubahabura omumyoga etari emwe n'emwe ekibarikuteekateka ngu yaza omw'ishengyero naija kubakorera ebitwire biremire kukorwa Rukutana.

Nikigambwa ngu hariho n'obuteikirizana obwabeireho ahagati ya Naume Kabasharira hamwe na Hon.Rukutana ekyatumeire abantu nyamwingyi barugayo batandika kuhagira Nicolasi .

Ekindi aba bantu babiri Rukutana hamwe na Kabasharira boona nibaruga omugomborora emwe eya Rugarama eki abantu bagizire ngu aba bantu batwire nibarya omugati ahabw'okuba Kabasharira akabaho omuny'eishengyero ahabwa abakyara ba Ntungamo kandi Rukutana nawe atwire ari omunyeishengyero ahabwa Rushenyi mbwenu ngu obu nibwo bwire obu bashemeriire kuba nibagyezaho omuntu kuruga omugomborora endiijo.

Eshonga endeijo ey'otakwima maisho Niwahereza n'omunyakaturikyi omuri boona abarikwenda entebe y'okujwekyera abantu ba Ishaza erya Rushenyi nikimanyisa kuba akaruuru nikatererwa omubunyadiini nkokubatwire nibakateera, naija kuba nasiinga entebe niyo emwe.

Nicholas aine emyaka 31 y'obukuru akazarirwa omuri Rutooma nk'ekyaro ,Rwahi ,Rwentobo towuni kanso omuri Ntungamo disturikiti.

Huumura Tuganiire

Abakatoriki (2) Africa (3) Agekibarukiraho (43) Akaruuru 2011 (1) Akaruuru 2021 (26) Amagara (2) Amaka (5) Amakuru (538) America (1) Ebaruha (8) Ebirango (8) Eizooba Eri (5) Ekyanga Kyawe (9) Enfumu (3) Enganda (2) Esente (1) Haaya (1) Obugabe (8) Obutare (4) Okwiruka (2) Omuntu Waawe (12) Omupiira (24) Omushaho (1) Puriyamare (2) Ruhuuta (18) Senyiga Ya Corona (29)