Kagiira Skills Development Center, Agriculture With New SkillsEmbeera y'amaizi omuri Ibanda ey'amashuuma neyarariikiriza. Reeba abarikwenda entebe y'okujwekyera abantu ba Ibanda ey'amashuuma ekibarikugamba
Amaizi agibarikukoresa kunaaba engaro
Nekya Agoweitu
0
Saande 2020-06-28
Obwe turikwetorora emyanya etari emwe n'emwe obwe turikureba embeera okweyemerire omunshonga ezikwatereine n'okurwanisa okujanjaara kw'ekirweire kya covid 19 omwihanga.
Obwahati abantu abari omumyanya etari emwe n'emwe omuri Ibanda ey'amashuuma barugyire aha kunaaba engaro hamwe n'okuta omunkora emiringo eyateirweho okutangira okujanjara kw'ekirweire kya covid 19 omwihanga, amaisho bagata ahaby'obutegyeki .
Okurugirira aha baturagye omuri Ibanda ey'amashuuma abagambire n'agoweitu, bagizire ngu enshonga ahabwaki batakinaba engaro nahabw'okugira ngu tibeine maizi marungi .
Okurugirira ahari Isingoma Nicholas omuturagye omuri Kicuzi agizire ngu amaizi gonka agubeine, wagareba norwara Corona otakaganabire omungaro ahabw'okuba nigashushana kubi munonga . Obwahati nikigambwa ngu okutunga amaizi marungi omuri Ibanda ey'amashuuma nobanza watambura orugyendo ruraingwa beitu waba wahirirwe noshanga abantu abariho burikwingana ebyaro nka bishatu, noba oine kurinda ab'omukyaro ekiwagashagamu babanza bataaha nikwe iwe owaruga omukyaro ekindi obona kutahaho amaizi.
Ibanda ey'amashuuma n'emwe ahamyanya erikwebembwerwa minisita nk'omujwekyerwa omwe'ishengyero erikuru erya Uganda .
Ibanda ey'amashuuma nejwekyerwa minisita John Byabagambi kandi ori minisita w'enshonga za Karamoja.
Obwahati Ibanda ey'amashuuma eine abantu abarikurenga bataano abayorekire ekyetengo kyabo ky'okujwekyera abantu baabo kandi abarikuraganisa kukorera abantu ba Ibanda ey'amashuuma ekirikubasika kureba ngu batunga amaizi marungi obwe kubarabahereze obushangiki bwabo baza omwe'ishengyero erikuru erya Uganda.
Okurugirira ahari Dr Atuhe Innocent owa Atuhe Foundation kandi ogu n'omwe aharyabo abarikwenda entebe y'omunye'ishengyero ahabwa Ibanda ey'amashuuma omukugambaho n'agoweitu agizire ngu obu nibwo bwire obu burimuntu ashemerire kuba natunga oburinganiza namunonga omuntu w'ahansi kandi araganise ku arikwija kurebuka ngu abantu ba Ibanda ey'amashuuma batunga amaizi marungi kwaraheze kuhika omwe'ishengyero erikuru erya Uganda.
Okurugirira ahari Dr John Paul Ninkusiima owu beingi barikumanya nka Panadol ya Ibanda y'amashuuma tumushangire arikukora nayikondo eyi abamwe barikweeta amaizi ga rwecunda, nikigambwa ngu habeire hariho ekidiba eki abantu batwire nibatahamu amaizi kandi obwahati abaana barikwingana babiri nibo babeire bamazire kugwa omukidiba ekyo, Dr Panadol Ninkusiima nikwo kubakorera nayikondo.
Obwahati nikigambwa ngu yamazire kubakorera nayikondi zirikwingana Ishatu kandi araganiise kugumizamu arikubakorera ezindi omumyanya nka Kihani ya kashatu, Irimya ,Kichenche hamwe na Rukiri.
Okurugirira ahabaturagye babeire bagumize ngu obwire obu minisita John Byabagambi amazire omwe'ishengyero teine eky'abakoreire ekirikurebuka, ngu akaburira Kampala hamwe na Karamoja yashutama yaihamu okukoresa esimu hamwe n'okusindikira bamwe za mobayiro money ngu obundi bakakora emirimo eyashemerire kuba nakora nk'omujwekyerwa w'abantu konka nabo abu arikwesiga akasindiikira sente nibakora ogw'okureberera amaka gaabo oteireho n'okugura ebibanja hamwe n'emotoka nungi beebwa omuntu owateireho amaani ge hamwe n'obwiire arikurondera Byabagambi akaruuru hamwe n'okumuterera akaruuru. Kandi bagarukire bagira ngu mbwenu obu nibwe bwire obu ashemereire kuba nasharuura ebiyabubire nka baiburi erikugamba.
Huumura Tuganiire
Abakatoriki (2) Africa (3) Agekibarukiraho (43) Akaruuru 2011 (1) Akaruuru 2021 (26) Amagara (2) Amaka (5) Amakuru (538) America (1) Ebaruha (8) Ebirango (8) Eizooba Eri (5) Ekyanga Kyawe (9) Enfumu (3) Enganda (2) Esente (1) Haaya (1) Obugabe (8) Obutare (4) Okwiruka (2) Omuntu Waawe (12) Omupiira (24) Omushaho (1) Puriyamare (2) Ruhuuta (18) Senyiga Ya Corona (29)