Ebirango Bikuru

   Kagiira Skills Development Center, Agriculture With New Skills
   Diary Farm Training By Kagiira Skills Development Center in conjunction with Eiraka Radio

Eng.John Byabagambi aheerize boona abari aha mutimbagano gweye ogwa watsap group Mbs


Eng.John Byabagambi
Nekya Agoweitu
878

Saande 2020-06-28

Obwe eihanga ryoona abantu barikwebuza okubarikwija kuteera akaruru omwaka ogu abamwe bamazire kuba nibaronda emiringo yoona okubakubaasa kuronda akaruru kurabira aha sosomediya ningasi emitimbagano y'empurizingana mugeita byaro etari emwe n emwe .

Beitu nikigambwa abarikukurira eby'okuronda omwihanga (Electoral commission) ekarugayo yarangirira oku akaruuru karikwija kuteerwa Kandi oku atarabeho abetsimbireho kubugabugana nabateezi baabo bakaruuru (campaigns) .

Ab'ebyokuronda bakaragira bagumize ngu abatsimbire bashemerire kuba nibaronda akaruuru kurabira aha mitimbagano y'empurizigana etari emwe n'emwe nka za radio,Tivi,sosomediya nka watsap groups ,Facebook groups ,zoom, Twitter n'endeijo yoona eki neky' okuyambaho omukatangira okujanjaara kw'ekirweire Kya Covid 19 omwihanga.

Eizooba ry'ebiro 25/06/2020 omushaija omanyirwe nka Ahimbisibwa Frank akarugayo yakora omutimbagano mugeita byaro oguyayesire "Team Hon.John Byabagambi"

Eng.John Byabagambi niwe omuny'eishengyero ahabwa Ibanda ey'amashuuma Kandi minisita w'enshonga za karamoja obwahati abantu barikwingana 5 nibo bayorekire okubarikwenda entebbe niyo emwe.

Eizooba rya nyomwebazo ebiro 27/06/2020 Ahimbisibwa Frank arugireyo yashaba boona abari ahamutimbagano nigwe gumwe kubatetekaho enamba za amasiimu gabo nikwe obundi akabasindikiraho data okurugirira aha butumwa oburebirwe omushaki wa Agoweitu obutumwa bubiri buhandikirwe omururimi rwa seeri Frank abeire agumize "Dear team Hon.JB please put your contacts here with names.I will soon today load to everyone's number mbs . let's keep mobilising for our own.I also request we keep organised as brothers and sisters in harmony blessings" obwe nibwo butumwa obuheirweyo Frank arikurabira aha mutimbagano mugeita byaro ogwa watsap group .


Abantu nyamweingyi kurabira aha mukutu nigwe gumwe batungire mbs zirikwingana 300mbs kuza ahari 2gb buri omwe .

Abantu nibo bamwe Abatungire mbs basiimire Hon.John Byabagambi ahabw'okubijuka Kandi akabahereza mbs nikwo kuraganisa okubarikwija kugumizamu barikumurondera akaruuru mpaka .

Abamwe barebirwe barikushaba abandi abatsimbireho aha ntebe zitari zimwe na zimwe kubakora eki John Byabagambi yakora nabo bakahereza mbs abantu abari ahamutimbagano mugeita byaro yaabo "watsap groups" eki ngu nikikuyambaho Omukuronda akaruuru ahamikuti etari emwe n'emwe.

Huumura Tuganiire

Abakatoriki (2) Africa (3) Agekibarukiraho (43) Akaruuru 2011 (1) Akaruuru 2021 (26) Amagara (2) Amaka (5) Amakuru (538) America (1) Ebaruha (8) Ebirango (8) Eizooba Eri (5) Ekyanga Kyawe (9) Enfumu (3) Enganda (2) Esente (1) Haaya (1) Obugabe (8) Obutare (4) Okwiruka (2) Omuntu Waawe (12) Omupiira (24) Omushaho (1) Puriyamare (2) Ruhuuta (18) Senyiga Ya Corona (29)