Ebirango Bikuru

   Kagiira Skills Development Center, Agriculture With New Skills
   Diary Farm Training By Kagiira Skills Development Center in conjunction with Eiraka Radio

Meeya Kakyebezi kutwara gavumenti omu kooti ahabw’obwebembezi bwa City


Meeya kakyebezi
Nekya Agoweitu
839

Saande 2020-06-28

Meeya w’orurembo rwa Mbarara, Robert Mugabe Kakyebezi, ou baingi barikumanya nka “Etaara” arahire yakomba nahagwamakara na pasi okwarikwija kutwara ekitongore kya gavumenti z’ebyanga (Local Government) omu kooti kuri nibagyezaho okumuremesa kwebembera Mbarara City erikutandiika ebiro 01.07.2020.

Kakyebezi naagira ngu akakora endagaano y’emyaka 5 n’abantu be abaamuteereire akaruuru okwetooroora za Diviijoni 6 ezirikukora Munisiparite ya Mbarara ezirimu Kakiika, Biharwe, Nyakayojo, Kakoba, Nyamitanga hamwe na Kamukuzi kandi obwire bwe tibukahweireyo.

Ebi abigambaire omurukiiko rwa abanyamakuru orushutamire aha kitebe kikuru ekya Munisiparite enshumi nkye ehewaire kandi rwetabirwemu na Tawuni Kiraaka, Theophilus Tibihika n’abarikukurira ebitongore bya Kanso

Beitu nikigambwa hatwireho okunyurura omuguha ahagati y’abeebembezi ba Munisiparite hamwe n’aba disiturikiti ahabw’obwebembezi bw’okubanza kwebembera City (City Interim).

Abeebembezi ba Munisiparite batwire baine okwerarikirira n’okutiina ngu Capt. JB Tumusiime Bamuturaki na ba kansara be abatwire nibajwekyera za Divijoni za Munisiparite aha Disiturikiti ngu nibo abarikuza kutooranwamu Meeya n’orukiiko rwe rw’okubanza kwebembera City okuhitsya obu akaruuru karateerwe.

Kakyebezi ashoboroire Kandi yahamya oku Munisiparite ekuziibwe kuruga ah’idaara rya Munisiparite kuba City kandi ngu tihariho eiteeka na rimwe eririkuragiira abeebembezi ba Disiturikiti kuba nibo batooranwamu Meeya n’orukiiko rw’okubanza kwebeembera City.

Ngu bo baine obukugu bw’okwebembera ebyaro etari tauni.

Ayorekire ngu ebiro 30.06.2020, nibaza kushaba pooriisi okubaikiriza kugira ngu betoorore diviijoni 6 okumanyisa ngu ekitweire kiri ekirooto kya Mbarara eky’okuba City kyahikirira.

Huumura Tuganiire

Abakatoriki (2) Africa (3) Agekibarukiraho (43) Akaruuru 2011 (1) Akaruuru 2021 (26) Amagara (2) Amaka (5) Amakuru (538) America (1) Ebaruha (8) Ebirango (8) Eizooba Eri (5) Ekyanga Kyawe (9) Enfumu (3) Enganda (2) Esente (1) Haaya (1) Obugabe (8) Obutare (4) Okwiruka (2) Omuntu Waawe (12) Omupiira (24) Omushaho (1) Puriyamare (2) Ruhuuta (18) Senyiga Ya Corona (29)