Kagiira Skills Development Center, Agriculture With New SkillsAba kagongo divijoni basiimire Deus Murinde ahabw'okuhunduza emiduumo yabo
Amaizi agubabire nibataaha
Nekya Agoweitu
635
Orwakashatu 2020-07-01
Obwe eihanga rya Uganda turikwetebakanisiza kuteera akaruuru obwe turikuronda abebembezi batari bamwe na bimwe obwahati abarikurwanira entebbe zitari zimwe na zimwe obwahati nibarara nibakora obutahumura obwe barikuronda akaruuru.
Erizooba nakuretera orikwenda entebbe y'okujwekyera abantu ba Ibanda Munispariti omwe'ishengyero erikuru erya Uganda orikumanywa nka Murinda Deus Kandi orebirwe nasiimwa abantu ba Kagongo divijioni ahabw'okubahunduriza emiduumu yabo.
Murinde n'omwe aharyabo abarikwenda entebe y'okujwekyera abantu ba Ibanda Munispariti Kandi akabaho meeya w'orurembo rwa Ibanda akagumizamu yeija yayetsimba ahantebe y'okujwekyera abantu ba Ibanda Munispariti n'obubirabe bitaramugyendeire kurungi bakamusinga.
Obwahati Ibanda Munispariti eine abantu barikurenga omuri bataano abarikwenda entebe niyo emwe ey'okujwekyera abantu ba Ibanda Munispariti omwe'ishengyero erikuru erya Uganda.
Obwahati Murindi n'omwe aharyabo bantu obwahati abatarikubyama abarikurara nibarondesa akaruuru omutwe n'ekibunu.
Eizooba rya nyomwebazo omushaki wa Agoweitu amushangire omuri kagongo divijoni ahu abeire aine abarikukora emiduumo etarikukora.
Nikigambwa ngu Hon.Mulinde akatandikaho okuhunduza emiduumo etarikukora yoona omumwanya erikushangwa omuri Ibanda Munispariti.
Emyanya etungire obuhereza bw'okuhundaza emiduumo arimu nka Nyamiswiga erikushangwa omuri Kashangura nk'omuruka kangongo divijoni hamwe na Nyarubira nayo erikushangwa omuri Kashangura nk'omuruka kangongo divijoni .
Abantu nyamweingyi barebukireho beine akamwenyo ahamatama ahabw'omurimo ogukozirwe noguriyo nigukorwa Murinda Deus omumyanya etari emwe n'omwe.
Okurugirira ahari John Kandi ori omuturagye omuri Nyamiswiga asiimire Deus ahabw'omurimo ogwariyo nakora .
Musinguzi nawe orikuruga omuri Nyarubira nk'ekyaro asiimire Murinda Kandi yaraganisa okwarikwija kugumizamu arikumurondera akaruuru okuhisya obubarahike ahabusinguzi.
Omunyamakuru wa Agoweitu atungire omugisha yagambaho na Mukuru w'entebe yobanza ahabwa Nyarubira Benywanira Godfrey nawe abeire aine amashemererwa nyamweingyi obwe arikusiima agumize emiduumo eriyo nekorwa ebeire emazire emyaka nyamweingyi etarikukora oteireho na abantu nyamweingyi kubonabona n'okuronda amaizi marungi ,ashabire abantu kuruga omuri Nyarubira okurebuka bakwata kurungi amaizi nigo gamwe nokuguma bari abayonjo namunonga omubwire obuturumu obwa covid 19 oteireho n'okukuratira engyenderwaho eyateirwe mukuru w'eihanga nk'emwe ahamiringo y'okutangira okujanjaara kw'ekirweire Kya covid 19 omwihanga.
Mukuru w'entebe yokubanza yagumizamu yashaba abetsimbire boona abarikuhereza obuhwezi hamwe n'okukora ebintu bitari bimwe na bimwe omumyanya etari emwe n'omwe okuguma bakafayo munonga bakamanyisa bakuru b'entebe yokubanza ayibarikuba nibaaza
Huumura Tuganiire
Abakatoriki (2) Africa (3) Agekibarukiraho (43) Akaruuru 2011 (1) Akaruuru 2021 (26) Amagara (2) Amaka (5) Amakuru (538) America (1) Ebaruha (8) Ebirango (8) Eizooba Eri (5) Ekyanga Kyawe (9) Enfumu (3) Enganda (2) Esente (1) Haaya (1) Obugabe (8) Obutare (4) Okwiruka (2) Omuntu Waawe (12) Omupiira (24) Omushaho (1) Puriyamare (2) Ruhuuta (18) Senyiga Ya Corona (29)