Kagiira Skills Development Center, Agriculture With New SkillsIbanda disturikiti kutunga esimu za 'smartphone' za busha!
Esimu za Shodaho naangashi Smartphones
Nekya Google
915
Orwamukaaga 2020-07-04
Obwo turiyo nitwetekateekyera akaruuru ka 2021, abany'ibanda bantungire amakuru marungi kuruga omuri bamwe abarikwenda kwetsimba aha ntebe zitari zimwe na zimwe omu byanga bya Ibanda!
Ag'owaitu tutungire okumanyisibwa ngu kuruga obu engyenderwaho ya karuuru yarangirirwa abekintongore ky'ebyokuronda abebembezi omwihanga ekya E.C, kandi ekyagizire ngu akaruuru nikaza kuba aka sayaantifiki nanga shi kuronderwa aha mitimbagano ya Tiivi, eya za Rediyo kandi na Intaneeti, abarikwenda kwetsimbaho omuri Ibanda disturikiti ekintu bakiteire aha rurengo orundi. nk'oku mukuru w'eihanga yaraganiise abanya Uganda za reediyo na za Tiivi, abantu aba nabo baraganiise abatuuragye ba Ibanda esimu eza shondaho, nari shi abaingi ezibarikumanya nka 'Smartphone' ngu obundi bakaronderaho oburuuru kandi batunga amakuruu agakwatiraine n'oburuuru omubwire.
Ekigyendererwa ky'okuha abahagizi baabo na'bayambi baabo (agents) esimu ezi, n'okureebuka ngu amakuru agabakweitseho, gahika aha bahagizi baabo omubwire kandi nabo babagarukiramu omubwire.
John, ogu n'omwe aha barikwenda kwetsimba, nagira ngu enkora ya tekenorogiya nebaasa kuyamba ekintu kihango omukujanjaaza obutumwa obw'omuntu weena arikwenda kwetsimba kandi obutumwa obwo burikumwihika omubwire.
Atuhaire, nawe Orikwenda entebe y'abakyara omu g'omborora emwe omu matemba g'ibanda, atugizire ngu ekintu eki nakihagira ahabwokuba obwire obwa COVID19 tikyoribi kutsindika obutumwa aha muntu arikwenda kukuha akaruuru kwonka abantu barabira aha mitimbagano ya 'smartphone' nanga shi intaneeti, obutumwa niburahuka kuhika aha bantu abo kandi basharamu gye!
Abandi batugizire ngu, tihaine muringo ogwakubasa kwanguha kutsindika obutumwa kuhika aha muteezi w'akaruuru kwihaho omuntu yaba akozise intaneeti.
Omukugu omubya kanyabwengye nangashi omubya tekenorogiya Omwami Benon Arinaitwe kandi omutuuze wa Ibanda tawuni atugizire ngu obwiire nibwobu, abantu abarikwenda kwetsimba kukoseza intaneeti kuhika abateezi b'oburuuru ahabwokwerinda endwara ya COVID19. Ayongeire yagira ngu wakozesa esimu omukuronda akaruuru kyanguhi kandi tikikuteganisa ahabwokuba eshaaha yoona nobaasa kutunga amakuru agakwatsire ahabantu abarikwenda kwetsimba kandi n'amakuru agokuruga omukitongore ky'ebyokurondesa omwihanga obwo otebirwe kugira ngu tikyobuguzi bwingi.
Mugisha kandi omwe arikurondera abantu abesimbire akaruuru, tumushangire omu katawuni ka Kanyashenko ashemereirwe ahabw'esimu ya intaneeti emuhairwe omwe ahabarikwenda kwetsimba aha bwa MP. Mugisha atugizire ngu esimu egi, omuyambire kugamba n'abantu obwire bwona kandi ayongeire yasiima Ag'owaitu kuhereza amakuru omururimi rw'orunyankore ahabwokuba ngu nikibanguhira kwetegyereza ekirikugyenda omumaisho.
Huumura Tuganiire
Abakatoriki (2) Africa (3) Agekibarukiraho (43) Akaruuru 2011 (1) Akaruuru 2021 (26) Amagara (2) Amaka (5) Amakuru (538) America (1) Ebaruha (8) Ebirango (8) Eizooba Eri (5) Ekyanga Kyawe (9) Enfumu (3) Enganda (2) Esente (1) Haaya (1) Obugabe (8) Obutare (4) Okwiruka (2) Omuntu Waawe (12) Omupiira (24) Omushaho (1) Puriyamare (2) Ruhuuta (18) Senyiga Ya Corona (29)