Ebirango Bikuru

   Kagiira Skills Development Center, Agriculture With New Skills
   Diary Farm Training By Kagiira Skills Development Center in conjunction with Eiraka Radio

Franc Kamugisha Omuny'Ibanda asingire eza Halcyon Buraaya


Franc Kamugisha
Nekya Agoweitu
1125

Orwakana 2020-07-09

Obwe ensi erikugumizamu erikukora munonga omukutungura ebintu bitari bimwe na bimwe, obwe oteireho n'emyoga etari emwe n'emwe erya nyakazooba twakureteera omuny'Ibanda osingire amahanga goona omumpaka za Halcyon oriwe mukama wa Ecoplastile Franc Kamugisha.

Franc Kamugisha oriwe mukuru Kandi owatandikire kampuni erikumanywa nka Ecoplastile oubeingi barikumanya nk'omuntu arikukora amategura hamwe n'ebikondo omu bicuupa (plastics).

Franc Kamugisha akatandiikaho kampuni niyo emwe omugwa 2017 obwahati yamaara emyaka erikwingana eshatu ariikukora amategura hamwe n'ebikondo obwe arikubikora omu bicuupa (plastics) .

Akatandiika kukora emirimo niyo emwe obwe arikugikorera omururembo orukuru orw'ibanda omugwa 2017 Franc Kamugisha akarugayo yasharamu kutwara kampuni ye omururembo orukuru orw'Ihanga omuri Kampala obwahati niyo kamupuni eri hamwe n'offisi zirikushangwa.

Kamugisha obwahati aine ama offisi nyamweingyi omumahanga gatari gamwe na gamwe nka Kenya , Tanzania ,Rwanda,Ghana , Australia hamwe na America .

Franc ahangwire emidaari hamwe n'ebirabo bitari bimwe na bimwe omumahanga gatari gamwe na gamwe.

Omubwire bukye enyimaho tukarebaho Franc Kamugisha arikusinga empaka ezabeire omwihanga rya Australia.

Eizooba rya nyomwebazyo ab'ekitongore ekirikumanywa nka Halcyon kurabira ahamutimbagano gwabo gwa website barugyireyo Kandi barangirira abantu ikumi na bashatu abariyo nibakora ebintu bitari bimwe na bimwe oteireho n'okuhindura embeera y'ensi .

Okurugirira ahari Franc Kamugisha arikugambaho n'omushaki wa Agoweitu abeire agumize ngu Halcyon n'ekitongore ekirikurondora abantu abarikukora ebintu ebirikutangaza obwe ebirikutahiza amagooba mukama wayo Kandi bikayamba n'abantu abakwetorire nangwa bikayamba ahaby'obuhangwa.

Franc Kamugisha naija kuba naza omwihanga rya America omukwa mwenda aharikuza kumarayo emyeezi erikurenga etaano obwe arikusomesibwa ebintu nyamweingyi ebikwatereine na buzinesi arikutwarwa ekitongore nikyo kimwe ekya Halcyon.

Franc Kamugisha asimiire buri omwe ahabw'okukunda hamwe n'okuhagira kampuni yeye eya Eco-plastile omunsi yoona.

Huumura Tuganiire

Abakatoriki (2) Africa (3) Agekibarukiraho (43) Akaruuru 2011 (1) Akaruuru 2021 (26) Amagara (2) Amaka (5) Amakuru (538) America (1) Ebaruha (8) Ebirango (8) Eizooba Eri (5) Ekyanga Kyawe (9) Enfumu (3) Enganda (2) Esente (1) Haaya (1) Obugabe (8) Obutare (4) Okwiruka (2) Omuntu Waawe (12) Omupiira (24) Omushaho (1) Puriyamare (2) Ruhuuta (18) Senyiga Ya Corona (29)