Kagiira Skills Development Center, Agriculture With New SkillsShwenkazi - ORI KUKUNDA KUTEERANIRA OMU MWIRIMA
Abakundine
Nekya Ndi Omunya Nkore
3987
Orwakashatu 2020-07-15
#Shwenkazi
Ndi Omunya Nkore ninsiimwa munonga ahabw'obuhabuzi bwangye aha nshonga zitarizimwe na zimwe namunonga ez'amaka n'ekishengye eki ninkikora okwenda kuhwera abashweraine, nangwa n'abarikwenda kuuza omu bushwere kumanya ku senta y'obushwere hamwe n'okushemererwa kw'abashweraine, kari akazaano k'omu kitande.
Akazaano ako kashangirwe niko kari ingini y'obushwere, nikyo ndi kukaganiiraho munonga. Ahabw'okuba ingini yaaba etarikwaka kurungi otakaayesiga ekiiruka nari ekyoma kyawe kugyenda hare. Kimwe kyonka ekishangirwe kirikwetaagwa kwongyerwamu amaani, n'abashaija kwejumbira omu omu kukuratiira barikushoma ebimbahandikira butosho namunonga ebikukwata aha kitanda n'ekishengye, bakabishoma nabakyara nari abarigirwa baabo, kibayambe bombi kureeba ngu baata omu nkora ebi byoona.
Ekintu ekikizire kucondoozibwa kikashangwa ngu nikiteganisa akazaano komu kitande, nangwa n'okuhika aha kureeta orwari n'empaka omu ka, n'ekigambo ky'enshoni na munonga aha rubaju rw'abakyara abaingi. Oijukyé ngu okuza kuza omu kazaano, buri omwe weena akaabaire naaba ayerekwire kushamba akapiira, ahabw'okuba tihariho orikuba atarikwenda ngu anyweise gooro. Baitu hariho abarikugambwa ngu omu mwanya gw'okushnemererwa omuntu yaaba naaza omu kishaayi, nooshanga ari omu maganya namunonga omukyara, ahabw'okugira enshoni. Reero waashanga n'omushaija nawe aine enshoni, biri oyeteekateekye omuzaano gw'ekihoroosyo nari oshangye nibatuura nka munyaanya aha ndiijo kandi nabwo niyo mishango etahwaire.
Omu mwanya gumwe, omushaija n'omukyara abaabaire baherize nk'ameezi munaana bagaitsirwe, bakaja kureeba Omwahure boona baine obujune aha maisho, kandi omu kwanjurira Omwahure ogwo enshonga, omushaija akaba aizire n'omukyara we, ngu omwahure agarukye abagaiturure, ahabw'okuba omukazi akaba aremirwe emirimo y'ekitande.
Omukyara aho niho yaagambiriire Omwahure, ngu enshonga ei barikufa we n'omushaija we, omushaija naayenda ngu abyame nawe hariho etaara erikwaka, eki we omukyara yaabaire naarahira ngu tayeteekateekire kukora, ahabw'okuba omushaija naayenda ngu amureebe oku yaahangirwe (okumuringura), ati twaba turiab'okutaanau hakiritutaane Omwahure akarahuka kükyetegyereza ngu oburemeezi oburi aha mukyara ogu n'enshoni, nikwo kutangaara oku akashonga katyo kakye karikubaasa kuteganisa abashweraine abo. Omwahure akabaijutsya ku omu bushwere, buri omwe tategyeka mubiri gwe, kureka ku agurekurira mugyenzi we ahakuba baaba batari babiri kureka omwe.
Omuhuumuriza omu nshonga z'obushwere naagira ngu omushaija n'omukazi we tibarikwetaaga kushoberwa munonga n'okubanza baarwana okashusha oti tibarikwetegyereza eki bari nk'abantu abashwereine.
Bombi ni kirungi okwemanya n'okumanya eki barikwenda, kandi na buri omwe kumanya ekirikushemeréza omukundwa we.
Kandi waareeba mugyenzi waawe noomukwatirwa enshoni, kikaabaire kirungi kwemanyiiza kuza nawe omu kishaayi kyanyu obwire bwingi mukashamba akapiira namunonga omu ihangwe, kikuhwere kumumanyiira.
Iwe omanye eki orikwenda hamwe n'ebirikukucamura, kandi oyemanyiize kubigambaho n'omukundwa waawe.
Reeba ngu waaba nooza omu kishaayi, oyemanyiize kujwara omu muringo oguraakuyambe kweikiririzamu. Kuratiira endagiriro egi ahaifo oshoborokyerwe aha mijwarire y'ekishengye;
https://m.facebook.com/story.php?story_fbid=2510597522529304&id=1395354927386908
Okitware nka kikuru kumanya ebicweka by'omubiri eby'omukundwa waawe, n'okumanya ebicweka ebirikumushumuurura, kandi omumanyiize kubikwataho.
N'ekindi iwe oriku teekateeka ngu toine enshoni, obe niiwe waaba eky'okureeberaho ahari mugyenzi waawe omu kishengye. Reka kutiina kumugaaniiza n'okucundana nawe n'okumushesya. Yeemanyiize kuguma noomusiimira ebi arikuba naakora, kandi n'okugyenda nawe omu myanya etari emwe namunonga ey'okushemererwa, kimuhwere okukumanyiira atakikukwatirwa munonga enshoni. Kandi iwe omushaija, gyezaho kworeka omukyara waawe ngu noomukunda.
Mugurire obwenda iwe obu orikureeba ngu yaabujwara nibukushemeza, kandi ku araakajware omugambire ku yaabonera na ku yaareebeka kurungi haza ahari imwe abaine enshoni, abatarikwenda ngu abakundwa baanyu babareebe mumanye eki. Ekintu ekirikukirayo kuta omuntu omu muudu ni yaakureeba weena gwemereire nari omushaija yaareeba omukazi we amaizi garikwitururuka. N'orikuba aine amaani makye naarahuka kugaruka kwemerera. Mbwenu waaba nookiteeranira omu mwirima, omanye ngu hariho kihango eki orikufeerwa.
EBIRIKWOREKA NGU OMUNTU AINE ENSHONI
Abashaija abamwe n'obu baraabe nibakira kwekazakaza nokweyoyereka nk'abari ba kafuru omu nshonga z'akazaano, hoona nabo nooshanga baine enshoni, nagwa n'abamwe nizihika aha kubaremesa kweshabira omwishiki, nari kushwera omukazi.
Hariho ebirikworeka butunu omuntu ku aine enshoni namunonga omu nshonga z'ekishengye, ebirimu okushanga omukyara nari omushaija arikutiinira kimwe mugyenzi we kumureeba ajwaire busha, n'okumureebaebicweka bye by'ekihama. N'abamwe naakireebe kimwe ngu yaaza kujuura nibaragiirwa kubanza kwihaho etaara.
Eki nikireeta okushanga nk'omushaija n'obu ari kuteerana n' omukazi we, kwonka tamanya oku ashusha, buri kintu nibakikorera omu mwirima. Nekindi omuntu oine enshoni naatiinira kimwe mugyenzi we kumukwataho, nk'omukazi nakyankyangira kimwe kumukwata ah'ibeere, omu matu, okumukirigita, n'okumukwata omu bicweka bye by'ekihama. Omuntu oine enshoni, ti kyorobi okugaaniira na mugyenzi we barikureebana omu maisho, tarikwenda mugyenzi we okumureeba omu maisho.
Ab'omuringo ogwo, yaaba ataareebire ahaiguru, naareeba ahansi nari areeba aha rubaju, omuhuumuriza naayoreka ngu nooshanga hariho eky'okugira enshoni ahi kirikwetaagisa, ahabw'okuba omuntu tarikwetaaga kuba rwomire, okahurira nibagira ngu we enshoni zikamuhwa aha maisho.
Naashoboorora ngu omuntu yaaba aine enshoni, nikimuhwera kukuuma ebihama by'eka, tarikwija kugamba buri kimwe namunonga ebirikuta omuu kishengye.
Abantu baaba baine enshoni nikibahwera obutashiisha baana baabo, ahabw'okuba nibaija kwerinda kutakorera buri kintu omu maisho gabaa na baabo, nari kukikora abaana baabo babahuriire.
Abashwereine okushanga nokwatirwa mugyenzi waawe enshoni nikibahwera okugirirana eifubo, n'okugira ahi waakoma omu kugamba nawe, kandi tikyorobi okumujumagura n'okumutonganisa ngu ensi etakaabarorera.
Nangwa n'enshoni nizirinda ekitiinisa ky'obuntu, ahabw'okuba omuntu oine enshoni kigumire okumushoma okamuhezayo, ahabw'okuba nawe tarikweyanika, nari kushanga haakora ebirikumushwaza.
Waaba nooremwa kuteera serefu Kuratiira endagiriro egi ahaifo ogire ekiwamanya ahanshonga niyo emwe;
https://m.facebook.com/story.php?story_fbid=2689882997934088&id=1395354927386908
Kuratiira endagiriro egi ahaifo omanye omugasho gw'okuteerana omu bushwere;
https://www.facebook.com/1395354927386908/posts/2498162727106117/
Nimwebare kuguma nimushoma ebi tubahandikira butosha nimukagire amaka marungi
©️ Ndi Omunya Nkore
Huumura Tuganiire
Abakatoriki (2) Africa (3) Agekibarukiraho (43) Akaruuru 2011 (1) Akaruuru 2021 (26) Amagara (2) Amaka (5) Amakuru (538) America (1) Ebaruha (8) Ebirango (8) Eizooba Eri (5) Ekyanga Kyawe (9) Enfumu (3) Enganda (2) Esente (1) Haaya (1) Obugabe (8) Obutare (4) Okwiruka (2) Omuntu Waawe (12) Omupiira (24) Omushaho (1) Puriyamare (2) Ruhuuta (18) Senyiga Ya Corona (29)