Kagiira Skills Development Center, Agriculture With New SkillsEbikongi ebirikwenda entebe ya Ibanda eyamashuuma - Ibanda South
Dr. Ninkusiima John Paul Panadol ya Ibanda South
Nekya Agoweitu
1246
Orwokubanza 2020-07-20
Minisita Byabagambi nakarondesa amaani.
Ebya akaruru ka 2021, omuri Ibanda eyamashuuma kariyo nikeyongyera amaani bwanyima y'okurangirira engyenderwaho eya akakiiko k'ebyokuronda oburuuru omu Uganda kushohozibwa kandi n'engyenderwaho ya akakiiko k'ebyoburuuru eya NRM kushohozibwa orikukakurira Dr. Tanga Odoi.
Obwahati emanzi ezirikwenda kujwekyera aba Ibanda eyamashuuma omwe'ishengyero ry'eihanga ziriyo nizetebekanisa kandi abamwe batandikire kuhiiga oburuuru bundi nuuma.
Omushomi weitu owa Agoweitu katukuhitsyeho abarikwenda kwetsiimba aha entebe egi;
1. Hon. Min. Eng. John Byabagambi; Eng. John Byabagambi n'enzaarwa y'egomborora ya Rukiri kandi niwe ayine entebe y'okwebembera abantu ba Ibanda eyamashuuma omwe'ishengyero ry'eihanga. Byabagambi nashuutama aha kabineti ya Uganda nka Minisita w'eshonga za Kalamoja.
Minista Byabagambi, obwahati ayiine emyaaka 62, kandi atwiire najwekyera ekyaanga ekya Ibanda eyamashuuma kuruga omu mwaka 2001 obuyasiinga Prof. Baryamureba V.
Owekitinisa Eng. John Byabagambi n'omuntu arikukunda eby'entunguka kandi arikwimutsya eminyeeto.
John Byabagambi, agyerizeho kutunguura eby'obuhiingi n'oburisa kandi ariyo nagyezaho kutandika ebigombe by'obuhiingi obundi ebeeyi y'ebihingwa ekagira omuhendo.
John Byabagambi, omumyaaka eyamazire omubwembenzi ayombekire enguuto nungi kandi tikirikukutwarira bwire okutambura omu myaanya ya Ibanda eyamashuuma. Entiindo azombekire, amashoomero yagayamba kandi n'omuntu akugarukanisa abantu.
2. Atuhe Innocent: Ogu nowa Atuhe Innocent Foundation ekigombe ekirikuyamba abantu kwetunguura. Atuhe Innocent nakora n'ekiibina ekirikuyamba abarwaire abaine kokoro nanga 'cancer'. Abarwaire abaine kokoro baganyiirwemu n'amunonga abo abarikuruga haare na Kampala.
Atuhe Innocent nakunda eby'amagara. Omukwezi kwa ikumi n'eibiri omwaka oguhweireho akachebera abakazi n'abashaija endwara ya kokoro ahabwa busha.
Atuhe Innocent n'omushaija omwekambi kandi arikukunda kukozesa ekigambo kye ekyakukunda munonga ekya 'Gamba N'okora.
Atuhe Innocent naruga omu gomborora eya Rukiri. Atuhe Innocent nakunda eminyeeto n'okwimuutsya ebiconco bya baana bato. Atuhe n'akunda ebyemizano.
Atuhe naakunda eby'obwegyese. Obwahati aine abaana abarikuhera ebishare by'amashomero.
Ebyobuhingi n'oburisa n'ayenda kubita aha mutindo.
Obwahati Offisi enkuru eza Atuhe Innocent Foundation nizishangwa Igorora omu tawuni.
3. Dr. Ninkusiima John Paul: Abaingi nibamumanya nka Panadol eya Ibanda South.
Panadol nawe n'enzarwa ya Rukiri. Obwahati n'ankora n'ebitongore ebikuguza emibaazi y'abantu omwihanga.
Panadol, n'akunda ebyamagara munonga kandi nk'omuntu nagiira amagara nigakira amagana.
Panadol ya Ibanda South egyerizeho y'ahitsya obuhereza bwa amaizi marungi omu bicweeka bitaribimwe na bimwe omumashuuma ga Ibanda. Panadol, ayambire abantu abaine amaino g'okubashasha yabaragurira ahabwa busha.
Panadol, n'akundwa abantu ahabwokuba n'omuntu akushemererwa kandi nahiika ahabantu obwire bwoona.
Panadol, n'akiira kurebwa munonga omumirimo ya burungi bwansi obwo arikukwatiraho abantu kuboneza emihanda y'abo n'entiindo.
4. Jalo Twesigyomwe: Ogu akakuguka omubyobwegyese kandi n'aruga omugomborora eya Kikyenkye.
Jalo n'akunda ebyobuhingi kandi n'ahamisiriza abantu ba Ibanda eyamashuuma kwarikwija kutebenkanisa ebyobuhingi.
Jalo, obwahati n'akora na Makerere nk'omushomesa.
5. Julius Rutaro Byesigirwoha: Julius n'ayenda kureta entuguuka omuri Ibanda eyamashuuma kurabira omubyomuhingi.
6. Moses Byamugisha: Ogu niwe arikwenda kukwatiira embendera yekibiina kya FDC omuri Ibanda eyamashuuma.
Moses n'agiira ngu n'akukoseza engyenderwaho ya FDC kureta ebyetunguka omuri Ibanda eyamashuuma.
Abantu ebibagambire
Chris Bakora owa Rukiri, nagiira ngu Eng. John Byabagambi, akaruru kamushemereire ahabwokugiira agyerizeho kutungura ebyoburisa kandi ariyo nakwatiraho eminyeeto kwetungura. Ayongire yaagiira ngu John Byabagambi n'omuntu wa Bantu kandi nahurikiriza.
Lydia owa Bwahwa, asiimire John Byabagambi okuyamba abakazi ba Ibanda eyamashuuma kandi akatungura entasya yabo. Ogu n'agiira ngu nasare bedi eyomwani eyiyabaterireho ekabayamba ekintu kihango munonga.
Julius owa Igorora Town Council, agizire Atuhe Innocent n'omuntu akukunda ebya amagaara n'entura ya abantu, mbweenu akaruru nawe kamushemerire. Ngu Atuhe n'omuntu wa abantu kandi ekigambo kye ekya ngamba n'onkora nikigaruzamu abantu amaani.
Abakazi ba Irimya basiimire Atuhe Innocent ahabwokubijuka akabachebera kokoro y'omunwa gwanyineenda kandi akabaha n'empunu.
Prosper Tumwesigye sipiika wa Keihangara atugiziire ngu Panadol ya Ibanda nebasa ahabwokugiira ngu niyo ekumanya Obusasi bwa abantu ba Ibanda eyamashuuma beine. Asiimiire Panadol ababwokuyamba abantu kandi akaba nabo.
Hellen owa Kicuzi asiimire Jalo ahabwobushagiki obwa bahire omukubashomesa obuhingi obwomurembe.
Ibanda eyamashuuma eyiine egomborora mukaga ezirimu Igorora Town Council, Rukiri, Kicuzi, Keihangara, Bwahwa/Nyabuhikye na Kikyenkye.
Eshonga eyamani erikuteganisa abaturagye ba Ibanda eyamashuuma na amaizi marungi.
Obwahati egundo enyingi omuri Ibanda eyamashuuma zikozirwe kandi abantu baingi baine amashanyaranzi geizoba n'agaamaizi (hydroelectricity).
Ibanda eyamashuuma ekebemberwaho omugyenzi Deo Rwabiita kandi obwahati Owekitinisa Eng. John Byabagambi niwe ariyo najwekyera abantu ba Ibanda eyamashuuma omwishengyero ry'eihanga.
Huumura Tuganiire
Abakatoriki (2) Africa (3) Agekibarukiraho (43) Akaruuru 2011 (1) Akaruuru 2021 (26) Amagara (2) Amaka (5) Amakuru (535) America (1) Ebaruha (8) Ebirango (8) Eizooba Eri (5) Ekyanga Kyawe (9) Enfumu (3) Enganda (2) Esente (1) Haaya (1) Obugabe (8) Obutare (4) Okwiruka (2) Omuntu Waawe (12) Omupiira (24) Omushaho (1) Puriyamare (2) Ruhuuta (18) Senyiga Ya Corona (29)