Kagiira Skills Development Center, Agriculture With New SkillsEby'afaayo ebya Ibanda ey'amasuuma - Ibanda South.
Eng.John Byabagambi na Mukuru weihanga
Nekya Agoweitu
769
Orwakabiri 2020-07-21
Ibanda ey'amashuuma n'emwe aha masaaza ashaatu omuri Ibanda disiturikiti erikushangwa omuri burengyerweizooba.
Ibanda ey'amashuuma n'ejwekyerwa Hon. Eng. John Byabagambi omwe'ishengyero erikuru erya Uganda kandi obwahati ori minisita w'eshonga za Kalamoja .
Manya Ebirikukwata ahari Eng.John Byabagambi.
Hon. Eng. John Byabagambi akazarwa ebiro 8th May, 1958, ni inginiya kandi omunyabutegeki .
Eng. John Byabagambi akabaho minisita wa Works & Transport omu kabineti y'eihanga.
Akatunga omwoga nigwo gumwe ebiro 1 March, 2015 obwe arikuza omu bigyere bya Abraham Byandala .
Obwahati niwe omuny'eishengyero ahabwa abantu ba Ibanda ey'amashuuma erikushangwa omuri Ibanda disiturikiti kandi ni minisita w'enshonga za Kalamoja .
John Byabagambi atwiire ari omuny'eishengyero ahabwa abantu ba Ibanda ey'amashuuma kuruga omugwa 2001.
Okushoma kwa Eng. Hon. Byabagambi.
Akazarirwa omuri Ibanda disiturikiti ebiro 8/05/1958.
Akashomera Leo's College Kyegobe omuri Fort Portal niyo yashomire 'O' level' kandi akaija kuba n'ajwaara omugwa 1973, kandi agumizemu y'ashoma eidaara rya 'A'level' ahaishomero rya St. Henry's College Kitovu omuri Masaka nikwo kujwaara omugwa 1979.
Eng. John Byabagambi aine Diguri eya Masters of Science in Chemical Engineering .
Eng. John Byabagambi akakoraho nka inginiya omumakorero gatari g'amwe na gamwe nka Mukwano group of companies kuruga 1992-2001, akakoraho na Songdol Films Uganda Limited omugwa 2001, nikwo kuuza omuby'obutegyeki obwe arikwetsimbaho aha ntebbe y'okujwekyera abantu ba Ibanda ey'amashuuma omuri Ibanda disiturikiti. Byabagambi akabaasa kuba n'asinga akaruuru omugwa 2001 akagumizamu y'agaruka y'ayetsimbaho omugwa 2006 omukibiina Kyarwangisiriza ekya NRM (National Resistance Movement) .
Omugwa 2006 akaija kuba n'atumwa kukora nka minisita wa Works and Transport omu kabineti y'eihanga.
Byabagambi aine amaka hamwe n'abaana.
Eng. John Byabagambi n'omuntu arikukunda entunguka.
Nakunda okuzaana emizaano nka Golf, Okwiruka (Anthletics), okushoma ebitabo hamwe n'okutambura (Travelling).
Hon. John Byabagambi n'omuntu arikukunda kuhereza obwahati ari omukitongore ekirikumanywa nka Rotary Club.
Kandi nakukunda eby'obuhingi n'oburiisa obwahati aine amatungo nka ente, embuzi, empunu oteireho n'okuhinga ebihingwa nka omwaani, n'entookye .
Omushaki weitu omukugambaho n'omunyeishengyero Eng. John Byabagambi abaire agumize enshonga ahabwaki n'akunda eby'obuhingi n'oburiisa n'ahabw'okugira n'ayenda omubwire bukye munonga n'ayenda Ibanda ey'amashuuma ebe n'eheereza amahanga maingi empunu beitu ekyagizire nkaawe nk'omuntu takakibaasa kureka obwahati n'akwatanisa n'eminyeeto y'Ibanda ey'amashuuma omukurisa empunu obwahati Ibanda ey'amashuuma niyo erikusingayo omukurisa empunu n'amunonga omu minyeeto.
Akazarirwa omukyaro omunshozi za Rukiri erikushangwa omuri Ibanda disiturikiti, Byabagambi atwiire ari omwe omuri abo abariyo nibakora n'amaani omuby'okutungura Ibanda .
Ahabw'okugira Byabagambi n'azarirwa omuka erikukunda ediini kimuyambire munonga omuby'obutegyeki .
Obwahati Byabagambi n'omwe omubebembezi abitwine omwihanga abarikukuratira eby'ediini omukwebembera abantu babo.
Byabagambi n'omuntu arikwikiriza ngu obwebembezi niburuga ahari Ruhanga .
Obwahati Byabagambi niwe omuny'eishengyero ahabwa abantu ba Ibanda ey'amashuuma kandi minisita w'enshonga za Kalamoja otebirwe ngu Byabagambi n'ahati ayetsimbire aha entebe niyo emwe y'okugumizamu arikujwekyera abantu ba Ibanda ey'amashuuma.
N'akushaba akaruuru kaawe.
Huumura Tuganiire
Abakatoriki (2) Africa (3) Agekibarukiraho (43) Akaruuru 2011 (1) Akaruuru 2021 (26) Amagara (2) Amaka (5) Amakuru (538) America (1) Ebaruha (8) Ebirango (8) Eizooba Eri (5) Ekyanga Kyawe (9) Enfumu (3) Enganda (2) Esente (1) Haaya (1) Obugabe (8) Obutare (4) Okwiruka (2) Omuntu Waawe (12) Omupiira (24) Omushaho (1) Puriyamare (2) Ruhuuta (18) Senyiga Ya Corona (29)