Kagiira Skills Development Center, Agriculture With New SkillsNRM Eine Amatsiko G'okusinga Akaruru ka 2021.
Purizidenti Yoweri Kaguta Museveni nayaakira empapura
Nekya Agoweitu
663
Orwakashatu 2020-07-22
Okureeba ngu Bahitsya Abateezi Bakaruru Miliyoni 11.9 Omu kitaabo kyaabo ekya kinekye (Yellow Book)
Ekibiina ky'arwangisiriza ekya (NRM) kyine amatsiko mingi ngu nibaaza kuhangura akaruru akarikwija, nibagira ngu enamba mpango y'abatezi bakaruru ababasize kwehandikyisa omubitabo byabo.
Arikugambira aha kitebe kyabo ekikuru aha kibanja kya 10 Kyandondo Road omuri Kampala, Sam Engola, omuhwezi orikukurira ekibiina kya NRM omumatemba g'eihanga (northern region) agizire ngu miriyoni 11.9 z'abatezi abamazire kwehandikyisa (2/4 bwabahagizi boona abari omuri Uganda).
"Nitwenda kyeyamani w'ekibiina kyeitu asingye akaruuru aka okukira n'okwatwire n'akasinga. Abantu abo abamazire kwehandikyisa neitwe, n'abeitu tutakateire n'akaruru", Byagambwa Sam Engola aha kitebe kya NRM obwe arikuhayo regesita yaabo akakiiko kebyokuronda aka NRM.
Y'ayongyera y'agira ngu, nenamba egyo mpango yabatezi, tiheine enshonga aba NRM bashemeirere kwetaba omukwiba akaruuru." Tituri kwenda okugingirira empapura z'obwegyese, titurikwenda enshobe yoona omu karuuru aka, kandi nitwenda abarasingye basingye bateine kyokwekwasa kyoona."
Omuhwezi orikukurira Omuhandiki wa NRM, Richard Todwong agizire ngu ekibiina kyine abayehandikyise barikuhiika miriyoni 25 ngu aharyabo, miriyoni 11.9 nibo barikwikyirizibwa okutera akaruuru.
N'agira ngu barikukora ekitabo kya NRM, b'akahandiika n'abahikyize emyaka 16 konka akakiiko k'ebyoburuuru kakahandiika abo bonka abarikuhitsya emyaka 18 abarikwikyirizibwa okwetaba omukaruuru akarabanzeho (nrm primary).
"N'obutwakuba tutaronzire abantu abandi, abatwiine hati nibaabasa kutuhanguza.," Todwong y'ashoborora.
Konka abantu beingi tibarikwikyiriza kandi nibatangara ngu eihanga eriene abantu miriyoni 40, kandi abantu abeingi bari abo abari ahansi y'emyaka 15 ririkubaasa kugira abantu miriyoni 25 zabatezi baka akaruuru aba NRM. Kandi nikitangaza ngu ekibiina kyebyoburuuru ekyihanga ryoona kyine abatezi baka akaruuru miriyoni 17 kandi aharyabo, NRM eyineho miriyoni 11.9 y'abatezi ba akaruuru.
Kandi omuhwezi w'ekibiina kya NRM omuri rwagati y'eihanga, Haji Abdul Nadduli arabwire orikujwekyera abantu ba Kyandondo burugwa eizooba (east) Robert Kyagulanyi owayorekyire ngu n'ayenda kwesimbaho ahari Purezidenti Museveni okutambura aeikwengyendesereza.
"Ninshaba mutabani wangye oriyo n'atandiika orugyendo rwebyobwebembezi, obuteikyiriza abahagizi beeye obutamusisira orugyendo oru. Kubarabe nibenda kukoreka ngu nibakukunda, tibashemereire kukuratira burihamwe ahorikuza. Oine kuba omubyobutegyeki ebi oine amagara. Kandi koragire emicwe mibi, noyijja kugwerwa akagwe." Byagambwa Nadduli.
Nebya: Ronard Shabomwe omuri Kampala.
Huumura Tuganiire
Abakatoriki (2) Africa (3) Agekibarukiraho (43) Akaruuru 2011 (1) Akaruuru 2021 (26) Amagara (2) Amaka (5) Amakuru (535) America (1) Ebaruha (8) Ebirango (8) Eizooba Eri (5) Ekyanga Kyawe (9) Enfumu (3) Enganda (2) Esente (1) Haaya (1) Obugabe (8) Obutare (4) Okwiruka (2) Omuntu Waawe (12) Omupiira (24) Omushaho (1) Puriyamare (2) Ruhuuta (18) Senyiga Ya Corona (29)