Ebirango Bikuru

   Kagiira Skills Development Center, Agriculture With New Skills
   Diary Farm Training By Kagiira Skills Development Center in conjunction with Eiraka Radio

Hotel zirikwingana itaano zikingirwe ahabw'okuhereza abantu baine endwara ya covid 19 oburaro omuri Mbarara.


Closed
Nekya Elia
0

Orwamukaaga 2020-08-01

Hotel zirikwingana itaano zikingirwe ahabw'okuhereza oburaro abantu abaine endwara ya covid 19 .

Hotel ezikingirwe ni Rwampara Suites,Leisure Park International Hotel,Golden Monkey & Africa Guest house hamwe na Acacia hotel .

Hotel zikingirwe beitu abakozi boona batwirwe omukweherera kw'ebiro 14 (Quarantine) .

Nikigambwa hotel ezi zikahereza oburaro abantu barikwingana babiri abakyebiirwe bakashanga baine endwara ya Covid 19 .

Entumwa ya Mukuru w'eihanga ahabwa Mbarara Emmy Turyabagyenyi Kateera yahamya amakuru nigo gamwe .

Yahamya omuntu omwe oshangirwe n'endwara ya Covid 19 n'omukozi wa Uganda Revenue Authority ondeija n'omwe omukuru ahakakiko akarikukurira ehururu y'okurwanisa endwara ya Covid 19 omuri Bunagana Kisoro beitu owizire akarara n'omwishiki ouyabire nahuuta omuri hotel erikumanywa nka Acacia Hotel.

Entumwa ya Mukuru w'eihanga Kateera yashoborora omwishiki hamwe n'omurweire oshangirwe n'endwara ya Covid 19 bakataaha omururembo orwa Mbarara ebiro 29/7/2020 orunako orwakurasiro Omwishiki akagumizamu orugyendo rwe arikuza Kampala .

Abarikukurira eby'amagara hamwe naba eby'okwerinda bariyo nibaronda Omwishiki niwe omwe ngu obundi bakamuyamba naawe aza omu karantini kumaara ebiro 14. Ngu nikiija okujanjaara kw'ekirweire Kya covid 19 omwihanga.

Ondeijo oshangirwe aine endwara niyo emwe n'omuntu abaire naruga omwihanga erya Tanzania oshangirwe omuri Mbarara beitu ataine bihandiko birikumara ebikugamba okwatahire omwihanga kuyahikire omuri Mbarara nikwo kuraara ahari Leisure Park International hotel kuyamazire nikwo kuhindura oburaara akatandiika kuraara ahari Golden Monkey erikushangwa omuri Kijungu Nyamityobora.

Nikigambwa ahari Golden Monkey akaija kuba nafunaho mutaahi we ouyarire naawe ahakitanda kimwe omukasheshe ogu nikwo kusharamu kubanza yakyebeza endwara ya Covid 19 ahairwariro rya Mbarara Regional Hospital omugisha omubi nikwo kushangwa n'ekirweire nikyo kimwe .

Turyabagyenyi yagumizamu arikugyira ngu ogu mushaija abaire naruga Tanzania akaba naaza omu disturikiti eya Kiruhura nikwo kubanza yayekyebera kumanya okwayemerire bwanyiima y'okumanya ngu tibarikuza kumwikiriza omuri Kiruhura yaba ataine bihandiko birikworeka akwateine endwara ya Covid 19 ahakuba nibamanya okwatura omuri Tanzania.

Aba bantu babiri obwahati bariyo nibatunga obujanjabi ahairwariro rya Mbarara Regional Referral Hospital .

Omuhwezi w'entunwa ya Mukuru w'eihanga yahamya oku Mbarara erikwija kuba negaruka omu lokudowuni kuba nibagumizamu barikutunga abantu abaine endwara ya Covid 19 omuri Mbarara.

Huumura Tuganiire

Abakatoriki (2) Africa (3) Agekibarukiraho (43) Akaruuru 2011 (1) Akaruuru 2021 (26) Amagara (2) Amaka (5) Amakuru (538) America (1) Ebaruha (8) Ebirango (8) Eizooba Eri (5) Ekyanga Kyawe (9) Enfumu (3) Enganda (2) Esente (1) Haaya (1) Obugabe (8) Obutare (4) Okwiruka (2) Omuntu Waawe (12) Omupiira (24) Omushaho (1) Puriyamare (2) Ruhuuta (18) Senyiga Ya Corona (29)