Kagiira Skills Development Center, Agriculture With New SkillsAbetsimbire ahantebe z'okujwekyera abantu ba Ibanda district omw'eishengyero babagambiise obuteeta omukiganiiro kyaboona- Ibanda Manya osingireyo kugamba hamwe n'abatiniire ekiganiiro.
Ababa bariho
Nekya Divasi
0
Orwamukaaga 2020-08-15
Eizooba ryanyomwebazo abaireho ekitakabahoga omuri Ibanda nka disiturikiti bwanyiima y'abantu kwekoramu omurimo bakatebekaniisa ekiganiro ekibaire kigyendereire kuhazaana ebitekateko n'abantu abatsimbire ahantebe z'okujwekyera abantu ba Ibanda disiturikiti omw'eishengyero erikuru erya Uganda.
Community development group n'ekitongore ekirikugaita abantu abarikuruga omuri Ibanda boona Kandi nibo batebekaniise ekiganiiro eki.
Eki kiganiiro kyetabiremu abantu nyamweingyi n'amunonga abetsimbire ahantebe z'okujwekyerwa abantu ba Ibanda disiturikiti omw'eishengyero erikuru erya Uganda.
Ekiganiiro eki abaire arimu abetsimbire ahantebe y'okujwekyera aba Ibanda Munispariti, Ibanda ey'amatemba hamwe na Ibanda ey'amashuuma.
Abahikire aha kiganiiro nikyo kimwe arimu omuny'eishengyero ahabwa Ibanda district Rwaburindore Tarsis , Omuny'eishengyero ,omukyara ahabwa Ibanda district Joveline Kalisa , Owabireho omuny'eishengyero Margaret Kiboijana, Omuny'eishengyero ahabwa Ibanda ey'amatemba Guma Gumisiriza , Owabireho omuny'eishengyero ahabwa Ibanda ey'amatemba Kyoma Xavier ,arikwenda entebbe y'okujwekyera abantu ba Ibanda ey'amatemba Mugisha Olivier mzee,Orikwenda entebbe y'okujwekyera abantu ba Ibanda ey'amatemba Owomugisha Jubril Ssemakula Eicumu ry'Ibanda,Orikwenda entebbe y'okujwekyera abantu ba Ibanda ey'amashuuma Dr Ninkusiima John Paul (Panadol), Orikwenda entebbe y'okujwekyera abantu ba Ibanda ey'amashuuma Dr Atuhe Innocent owa Gamba Nokora ,Jalo ,Rutaro Julius,Prof Baryamureba hamwe naboona abetsimbire ahantebe y'okujwekyera abantu ba Ibanda ey'amashuuma,Mwine Innocent Mwine Bakamuhara,Agaba Peter,Kanaana Ambrose, Enock arikwenda eya Ibanda Munispariti aba nibo boona abarikwenda ey'okujwekyera abantu ba Ibanda Munispariti,Obeth,Dr Elivaida nabo abarikwenda ey'omunyei'shengyero omukyara ahabwa Ibanda district
Beitu abantu abandi ababaire betsirwe n'obubarabe batarebukireho arimu omuny'eishengyero ahabwa Ibanda ey'amashuuma Eng.John Byabagambi hamwe na arikwenda ey'omunyei'shengyero omukyara ahabwa Ibanda district Jane Bainomugisha.
Eki kiganiiro kibeireho nk'gumwe ahamiringo y'okuretaho enkwataniisa ahagati y'abebembezi ba Ibanda district nka Ibanda ey'amashuuma ,Ibanda Munispariti hamwe na Ibanda ey'amatemba boona kuba omuntu omwe nikwo bakaretaho entunguka omuri Ibanda nka District.
Eki kiganiiro kyaba Kiri aha Nbk Star beitu abantu barebuka baine amashemerwa obwe barikusiima abantu abetebekaniise ekiganiro eki bagumize ngu Ibanda niyo yaba ey'okubanza kutebekanisa ekiganiiro nk'eki omwihanga bagumize nikeija kuretaho enkwatanisa n'amunonga ah'abantu abarikuba betsimbire ahantebe emwe ahakuba kubarikuza aha mareediyo bagamba ebigamba bibi munonga ah'abantu abubarikuba betsimbire nabo ngu nangwa obumwe oshanga n'abamwe batarikubaasa kutunga omugisha gw'okuuza aha reediyo kugamba ahakuba nibaba bateine sente z'okugura eyatayimu nabo kuuza omureediyo.
Bagumizemu barikugyira ekiganiro nka eki nikiyambaho omukugamba amaziima omubantu abarikuba betsimbire ahakuba noba oine kugamba amaziima eky'okorire abantu ninga eby'ogyendereire kukorera abateezi ba karuuru.
Beitu abamwe batangara munonga bwanyiima y'okureeba omuny'eishengyero ahabwa Ibanda ey'amatemba Guma Gumisiriza obwabaire ashutamire n'owabireho omuny'eishengyero ahabwa Ibanda ey'amatemba Kandi obwahati naawe arikwenda entebbe niyo emwe Kyoma Xavier .
Abantu baingi babaire nibebuza enshonga eyakuba ezubaire orikwenda entebbe y'okujwekyera abakyara ba Ibanda Disturikiti Jane Bainomugisha n'obukirabe nikigambwa ngu agambireho n'omwe ahabatebakanisa b'ekiganiro okwatarikwija kubaho ahabw'emirimo etari emwe n'emwe.
Okurugirira ahabutumwa obwarebwaho omushaki w'Agoweitu aha mikutu etari emwe n'emwe buri kworeka oku arikwenda entebbe y'okujwekyera abakyara omwe'ishengyero Jane Bainomugisha yabaasa kuba natiina ekiganiro message yaba negiira eti omurwa seeri "Good afternoon Sir today The woman (Jane) has visited our area Kitontoma West and distributed two thousand each'
'Agoweitu twagyezaho kuba nitugambaho Jane Bainomugisha oba oryaho oshanga gari amaziima yatiina ekiganiro omukugambaho na Jane Bainomugisha yashamba omugyere amakuru ago agumize okwari omugambi murungi Kandi tabaasa kutiina okugamba ahakuba niyo enshonga ahabwaki ayetsimbire ahantebe niyo emwe ngu yaba agiire Kampala aine emirimo eyiyaba nakorayo.
Kandi twagumizamu kugyezeho kurebuka twagambaho n'omunyeishengyero ahabwa Ibanda eyamasuuma John Byabagambi nawe oba oryaho tumanye enshonga ezakubaasa kuba zamuremesa okwija omukiganiiro kyaboona eky'omugisha omubi eshagama tiyikwata siimu.
Abantu kurabiira ahamikuti etari emwe n'emwe bahereza pacenti okurugirira aha muntu owasinga kugamba n'okworeka abantu ekyagyendeire kubakorera omubarikwenda ey'okujwekyera aba Ibanda Munispariti Mwine Innocent yakwata ogw'okubanza
Kutwaaza omuri Ibanda ey'amatemba Mugisha Olivier Mzee niwe yasinga kugamba hamwe n'okworeka omuntu owahansi ekyagyendeire kumukorera kuba kumuha akaruuru nikwo akaaza omwe'ishengyero.
Huumura Tuganiire
Abakatoriki (2) Africa (3) Agekibarukiraho (43) Akaruuru 2011 (1) Akaruuru 2021 (26) Amagara (2) Amaka (5) Amakuru (538) America (1) Ebaruha (8) Ebirango (8) Eizooba Eri (5) Ekyanga Kyawe (9) Enfumu (3) Enganda (2) Esente (1) Haaya (1) Obugabe (8) Obutare (4) Okwiruka (2) Omuntu Waawe (12) Omupiira (24) Omushaho (1) Puriyamare (2) Ruhuuta (18) Senyiga Ya Corona (29)