Ekyozya mumiro omu kiganiiro ky'Ibanda

Ekiganiiro
Nekya Agoweitu
390

Saande 2020-08-16

Agoweitu yahererize kucoondoza Kandi ekahamya ku habiireho okurabyamu ekyozya mumiro omu kiganiiro Kyabesimbire ahabujwekyerwa bwabany' Ibanda.

Nobukirabe ngu ekiganiiro eki kibeire Kiri ekyabo boonka abeteirwe hamwe nabestimbire, bamwe omu batebekaniisa bamizire ekijerere batyo beikiriza emihuuni ebiire eretsirwe omwe omu betsimbire ngu emuterere omungaro. Abavugi ba booda booda bingi omuri Ibanda barebiirwe ahamwanya gwekiganiiro nobukirabe kibiire kiteikirizinweho. Bwanyima yekiganiiro, aba bashashwirwe emitwaro nshanju nkakasiimo.

Biitu ebiintu bihikiremu Omwonyo bwanyima yabatebekanisa kutandika kweribata obugyere obwo baheza kuremwa kugabana ekyozya mumiro ekihiirwe omwe omubetsimbire. Aga hurihuri nigoreka ku aba bantu barugire aha bibuuzo ebibeire bihandikirwe, batyo babuuza abetsimbire ebi babeire nibeenda. Omwe omubabeire nibabuuza Kandi we otatungire mugisha gwokurya aha kasente niho arugiireyo atyo akabuuza ekibuuzo ekibeire kitari ha puraani reeru omunyeishengyerokazi omwe akatuutuka.

Biitu bamwe omubetsimbire bo tibarebekireho bwanyima y'okwekwasakwasa ngu bamanyisiibwe obwiire bugyenzire. Omwe omubetsimbire ahantebe yomukyara agizire ngu tarabeho ahabwa okugira emirimo omuri Kampala arebiirwe omuri Ibanda yamateemba arikuteera kakuyegye izooba ryoona

---

Huumura Tuganiire

---

Abakatoriki (2) Africa (3) Agekibarukiraho (43) Akaruuru 2011 (1) Akaruuru 2021 (26) Amagara (2) Amaka (5) Amakuru (538) America (1) Ebaruha (8) Ebirango (8) Eizooba Eri (5) Ekyanga Kyawe (9) Enfumu (3) Enganda (2) Esente (1) Haaya (1) Obugabe (8) Obutare (4) Okwiruka (2) Omuntu Waawe (12) Omupiira (24) Omushaho (1) Puriyamare (2) Ruhuuta (18) Senyiga Ya Corona (29)