NUP Eyorekyire Obutashemererwa Ahabwa Police Kuguma Netangira Purezidenti Waabo Kutayayira emikutu ya za Rediyo

Joel Ssenyonyi omugambirizi wekibiina kya NUP
Nekya Shabomwe
0

Orwakabiri 2020-08-18

Abebembezi bekisinde kya people power hamwe nekibiina kya National Unity Platform-NUP bayoreka okwetombweita ahabwebikorwa bya police okuguma nezibira Robert Kyagulanyi Sentamu okugambira aha marediyo.

Eki kibireho bwanyima yabebwokwerinda okuzibira Kyagulanyi kugambira aha rediyo emwe omuri Mbale, erikwetwa BCU FM.

Orikugambirira ekibiina kya NUP, Joel Senyonyi nagira ngu Kyagulanyi azibirwe abasirikare ababire biine emundu nemotoka ningi aba field force unity-FFU obu abaire naaza aha rediyo egyo omuri Mbale.

Nagira ngu abasirukare babasize kuteeka za road brock burihamwe okureeba ngu Kyagulanyi tiyabaasa kuhika ahi abaire naaza.

Ari kugambira abanyamahurire aha kitebbe ekikuru kya NUP omuri Kamwokya, senyonyi agizire ngu ekintu kyomuringo ogwe kikaba kyabireho ekyaresire omukozi wa Baba fm omuri Jinja nibamweta aha police ahabwokugira ngu akatayayisa Kyagulanyi.

Kandi nagira ngu nabaza okuhababira buriomwe oragyezeho kubasisira obusingye obu constitution erikubaha.

Godfrey Kakungulu, mukama wa BCU FM agizire ngu security ekamugira ngu terikwenda arite Kyagulanyi aha rediyo ahabwokugira ngu nikireetera abantu bingi kukunganya.

Ngu konka akashobororera orikukurira ebwokwerinda omu district ngu akaba ayesire Kyagulanyi hamwe nabandi bashatu kandi abashabire ngu bagyezeho kureeba ngu abantu tibabakuratira.

Rogers Taitika orikugambirira police omuri Elgon agizire ngu Kyagulanyi akungyinyi abantu rwagati yetauni, ekiretsire naba batahamu okubabinga.

Nebya Ronard Shabomwe omuri Kampala.

Huumura Tuganiire

Abakatoriki (2) Africa (3) Agekibarukiraho (43) Akaruuru 2011 (1) Akaruuru 2021 (26) Amagara (2) Amaka (5) Amakuru (535) America (1) Ebaruha (8) Ebirango (8) Eizooba Eri (5) Ekyanga Kyawe (9) Enfumu (3) Enganda (2) Esente (1) Haaya (1) Obugabe (8) Obutare (4) Okwiruka (2) Omuntu Waawe (12) Omupiira (24) Omushaho (1) Puriyamare (2) Ruhuuta (18) Senyiga Ya Corona (29)