Ssebuuma Dissan William yahangura eza MTN/Next Media Samba Samba challenge!

Dissani
Nekya Komugisha
557

Orwakataano 2020-08-28

Omwojo omuny'ibanda owu baingi barikumanya nka Prince Dissan Ssebuuma yahangura empaka za MTN na Next Media eza *Samba Samba Tabirra owangule*.

Empaka ezi zikatebekanisibwa aba Next Media na MTN. Empaka ezi ziherize okwezi kumwe, kandi aboojo bato b'engoga abarikumanya kugambirira omupiira kuruga omwihanga rya Uganda, bazetabiremu. Omukazaano aka, Abantu enkumi eina(4,000), nibo bayetabiremu. Nabwanyima, abiri nabataano (25) nibo batoreinwe. Ssebuuma ahendeire ari omuri abo 25 abasingire abandi.

Ahamuheru, hakatsigaramu bashatu, abi Ssebuuma yasinga erizooba rya nyakazooba.

Dissan yaheebwa emitwaro ashatu n'etaano(350,000) ez'okusinga kandi Next media yamuha na konturakiti y'omwaaka gumwe kugambirira omupiira gwa Uganda!

Ssebuuma nakora na reediyo eiraka omuri Ibanda. Abandi abahikire ahamuheru harimu nka Brian Aheebwa na Ssebuliba!
Itwe ab'ag'owaitu nitukwendeza ebirungi byonka!

*Huumura Tuganiire*

---

Huumura Tuganiire

---

Abakatoriki (2) Africa (3) Agekibarukiraho (43) Akaruuru 2011 (1) Akaruuru 2021 (26) Amagara (2) Amaka (5) Amakuru (538) America (1) Ebaruha (8) Ebirango (8) Eizooba Eri (5) Ekyanga Kyawe (9) Enfumu (3) Enganda (2) Esente (1) Haaya (1) Obugabe (8) Obutare (4) Okwiruka (2) Omuntu Waawe (12) Omupiira (24) Omushaho (1) Puriyamare (2) Ruhuuta (18) Senyiga Ya Corona (29)