Ebirango Bikuru

   Kagiira Skills Development Center, Agriculture With New Skills
   Diary Farm Training By Kagiira Skills Development Center in conjunction with Eiraka Radio

ORUGYEGYE N'AMAKURU GARWO:


Ankole
Nekya Eng.Tom Isingoma
933

Orwakabiri 2020-09-22

Orikwenda kwita ensi nagiturika ahabuhangwa bwayo.

Orikwenda kugijumura hoona nawe natandikira ahabuhangwa bwayo. Ocuramirirwe tarikutanisa okurokoka n'obuhangwa. Nagira ngu obuhangwa nikimanyisa okuterekyerera emandwa n'emizumu byonka.

~Orugyegye rufe, eka ehweho, abagyenyi bahungye omumaka, emikago efe, obuntu buhweho Tom Isingoma Mwesiga nimbagambira.

~Tukakishangaho ngu Orugyegye n'omukazi omuka. Manya eka eteine mukazi terikubaasa kugira Orugyegye, eka egyo terikworera baana, amakuru ngu teine nyencakare.

Abarikutura omumaduka:

~Kampala eyorikutaha noburwaho omwanya gw'okutaho Orugyegye nangwa byaremire okataho orw'ebiti mpaho okifuruka okabeizisa orundi?

Byaremire shi omutahuni eyori totwara ebyanzi 4, enkongoro 2,ebishaabo 2 reero obwitizo okabugura kyayetengyesa.

~Nimanya ngu nimwebuza ngu ebyo muryabihahi nk'obwitizo.

Hatishi eby'okurya mubihahi kumutahinga? Kanindeba za fuso ishutwire emigugu y'amahano g'obugutiya nizihimintuka nihenengyera Kampala buguru butakora hansi?

~Rufura kanindebayo enyankore ishobangirirweyo obwitizo tubukahika entebe ninga Jinja?

~Manya bantumwe twayekunda, n'amate geitiire nigaguzibwa nangwa aheiguru kukiza za chai. Manya Orugyegye rwatsyamuka omuraara nigugarukaho ekishengye ky'abari omubushwere nikiba kirungi.

Abari omumaka gaabo:

~Mbwenu owa Kampala na Busia yayekwatsa ensi hare obutagira rugyeegye, iwe owa Burunga Kazo, Ngoma Buremezi, Nshara, Bwera, Bukanga, noyekwatsaki weza?

~Kambagambire, owayiita tacurirwa! Tom Isingoma Mwesiga nyangye obuhangwa bwangye ngu nkarokoka, hoona ndyafa ninterwa mutinzi! Obutwayeyanga okashusha oti baturogire, hari biri Nkore teyontsya gwayo?

Mbwenu omumazima turyayekwatsaki okwita Orugyegye? Manya amaka geitu gasisikare hoona nitwe, kandi hoona omukazi nakufungurira amate omukyanzi kitiire noyogaho notongana?

Hoona Nyakutabariwa nomushanga acungiire omurugyegye noyogaho noza omukitabo otamuramukize?

Hoona shi ndikafa nyenka nakwimutsya kukuhereza amate g'omushego nogeihamu nomimiza n'omuteera omugongo kuhitsya nyencakare, okaboota ne?

~Bwoshi omugyenyi nomufungurira amate g'omurugyegye nakuganirira nk'owuhereza chai y'orubinika nari furasika erikwotsya nk'ekuba?

~Manya omwitiro gugira emigasho egi; 1. Gwita obukooko omukyanzi 2. Guta omugaju omumate 3. Gaturaho kukama n'okucweka 4. Gukuuma ekyanzi obutatika (okwaaba) 5. Omwitiro gwine omugasho ahamagara g'omuntu

~Banywani bangye, okugarukaho kw'orugyeegye n'emicwe yeitu kuri omumikono yeitu. Twakikunda n'obwitizo nibugarukaho, n'ebyanzi nibagarukaho, nangwa n'enyankore nigarukaho

Hangara Rwebishengye Hangara Nkore Obuhangwa nibugarukaho {Tom Isingoma Mwesiga 0703072203 whatsapp}

Huumura Tuganiire

Abakatoriki (2) Africa (3) Agekibarukiraho (43) Akaruuru 2011 (1) Akaruuru 2021 (26) Amagara (2) Amaka (5) Amakuru (538) America (1) Ebaruha (8) Ebirango (8) Eizooba Eri (5) Ekyanga Kyawe (9) Enfumu (3) Enganda (2) Esente (1) Haaya (1) Obugabe (8) Obutare (4) Okwiruka (2) Omuntu Waawe (12) Omupiira (24) Omushaho (1) Puriyamare (2) Ruhuuta (18) Senyiga Ya Corona (29)