Kagiira Skills Development Center, Agriculture With New SkillsOKUTEERANA KWINE MUGASHOKI OMU KUKUMA AMAKA?
Obushwere
Nekya Ndi Omunya Nkore
827
Orwakashatu 2020-09-23
Waashanga abakundaine akazaano batakikatwara nka kikuru nihaba hariho obuzibu omu bushwere bwanyu. Abashaija abaingi nibatoorana omukazi kurugiirira aha akazaano (narishi nibaba nibakeeshunga) bahendera bagire omuri Rukundo. Abakazi abaingi nibatoorana abashaija barikugyendera aha bindi ebi barikukunda aha mushaija, batyo bahendera abakunzire n'akazaano.
Omu bugufu emirundi emingi abashaija nibaba nibareebera aha kuteerana, kandi abakazi barikureebera ahari rukundo.
Nookira kuhurira abakazi bagumize ngu beitu omushaija takabaasa kukunda ekintu ninga akakukunda atateekateekire ahaby'akazaano? Kwonka ninyenda obuuze abakazi nibangahi abarikwikiriza kushwerwa omushaija ofiire ebigyere haza arikukimanya?
Hariho munywani wangye omwe otwaire nantebeza oku yaataanire n'omukazi we kwonka akirikumukunda.
Naagira ngu bakaba baine ebizibu bingi omu bushwere bwabo kwonka ekyareetsire ebi byona n'okugira ngu bakareka akazaano.
Naagira ngu eki kikaba kiri ekintu kitoorobi ahakuba akaba ahurira yaahikaana n'omukazi we baaba nibateerana beitu ku baakarekire kyareeta haazamu obutaikirizana omu maka.
Akazaano aka aku orikureeba kaine amaani maingi kandi nikareetera abantu kukwatana kurungi.
Nikyo orikureebera emirundi emingi omuntu naaba atarikukukuunda kwonka mukiheza kuteerana omurundi gumwe rukundo etandika kutemba. Akazaano tikugira ngu n'okufa agashohoza amaizi otyo okaba waaheza, ninga shi kugira ngu mwaba muri omuri rukundo biri mwine kuteerana.
Ekikuru n'okugira ngu nikabagaita (bond). Kigumire okushoboorora kwonka mwena nimukimanya ekirikubaho waaheza kuteerana n'omuntu.
Noomanya nka waaba eizooba risiibire rikugumiire, ku orikuhika omuka okaza aha kazaano n'omuntu ou orikukunda noohurira waayoroba nan'ebyaba nibukuteganitsa byakweba.
Eki nikikira kureebwa nk'aha mirimo. Abakazi abarikuba batungire akazaano karungi ekiro akahaanga, aha murimo nibasiiba bashemereirwe.
Enamba nyingi ey'abakazi abarikuba batarikutunga kazaano n'abashaija baabo omu maka, yaaba ari aha murimo naaba agumire okukora nawe.
Kwonka eky'amaani nitwebuuza, noogira ngu akazaano kaine omugasho omu maka? Nihabaho ki waashanga ngu oine omukazi kwonka murikuraara muteeraine emigongo? Amazima gari ngu waaba nooyenda kugira amaka garimu obusingye, reeba ngu omukazi waawe waateerana nawe kandi yaiguta. Ebi ebindi ebizibu by'okushanga sente ni nkye, nimuyombayomba nibiba biri busha omukazi nari omushaija waawe yaaba naamanya ngu akazaano noomwigutsa. Omukazi ou orikwigutsa omu kazaano ayanguhi okukoragana nawe, kandi naahurira mangu kukira ogwo otarikukatunga kurungi. Omushaija ku arikukura amaani gaatandika kumuhwamu, niho orikutandika kureeba ngu entongane nizikanya kukira oku mwabaire muri omu kubanza.
Waaba noyenda kumanya ngu akazaano kaine amaani, nooreeba abakazi baingi nibakira kureeba omushaija yaatandika akazaano babona kushaba ebintu, omushaija naawe aikiriza mangu mangu n'obu arikuba naamanya ngu tarikukibaasa. Enshonga egi erugiriire aha (comment) y'omwe aha zimwe za positi zaitu oz'obushwere omu (inbox) yaitu arikwebuza agumize ati amaka gandema ahakuba nimpurira ntaine kyetengo ky'akazaano kandi omushaija wangye naakakunda. Obuhabuzi obu omuhangu omu by'amaka arikuha naagira ngu gyezaho munonga kureeba ngu ebindi byaremire, omukundwa waawe yaiguta akazaano. Eki nikiza kuhangaaza amaka gaanyu. Kwonka eizooba eri oratandike kureeba ngu omushaija naayenda akazaano nari omukazi haza okatandika kwebuza buza obe noomanya ngu amaka gaanyu n'omukago byagyenda nibihanguura.
Byahandikwa ndi omunya nkore
Huumura Tuganiire
Abakatoriki (2) Africa (3) Agekibarukiraho (43) Akaruuru 2011 (1) Akaruuru 2021 (26) Amagara (2) Amaka (5) Amakuru (535) America (1) Ebaruha (8) Ebirango (8) Eizooba Eri (5) Ekyanga Kyawe (9) Enfumu (3) Enganda (2) Esente (1) Haaya (1) Obugabe (8) Obutare (4) Okwiruka (2) Omuntu Waawe (12) Omupiira (24) Omushaho (1) Puriyamare (2) Ruhuuta (18) Senyiga Ya Corona (29)