Ebirango Bikuru

   Kagiira Skills Development Center, Agriculture With New Skills
   Diary Farm Training By Kagiira Skills Development Center in conjunction with Eiraka Radio

Episcopal Conference Nsyambya*



Nekya
348

Orwakataano 2020-02-21

*Episcopal Conference Nsyambya* Arikugamba omurukiiiko rw'abanyamakuru aha kitebe ky'obuhandiiki aha bwediini y'ekikatorika ekya Uganda omwihangwe ry'eizooba ryerwakasatu, mukuru w'oruteraane rwabishopu Uganda Episcopal conference yaatandika kuhayo obutumwa bwe ahabanyauganda arikweshengyereza omuhikiriire Yozefu/yusufu kurinda abantu orufu rwa korona virus nk'okuyarinzire Yezu/Yesu, obu Omugabe Herod yabaire namuhiiga bundi nuuma. Yaatabarutsya abantu boona abaayetereirwe eizaana rya Yozefu, nangwa nanam'atendekyero goona, agayetereirwe eiziina niryo rimwe. Omubigambo bye, yaashoborora ngu orufu rwa Corona virus rukatandikira omwihanga rya China okwezi kwa muzimbeezi omwaka oguteirwe amabega, kandi rubaasize kuhika omumahanga 140 omunsi yoona, obareiremu amahanga 28 ga bufirika agarimu Algeria, Benin, Cameroon, Democratic Republic Congo, Equatorial Guinea, Gabon, Mauritania, Nigeria, Rwanda, Sudan, Togo, Tunisia, Kenya na Tanzania . Yaagumizamu yaagira ngu obwahati, tihariho mubazi ogwabonekire kutukiza orufu rwa Corona virus, ngu kureka hariho oburyo obuteirweho kuchengyeza okujanjaara kw'orufu orwe. Yayongyera kuteera enzamba ebaire yaateirwe mukuru w'eihanga eyo kutaho emihingo aha ngyendo omu mahanga agakwatsirwe orufu rwa Corona virus nka America, Bugirimaani (German), Holland, Sweden, China, Australia, Malaysia n'agandi, ngu kandi abanyauganda abari kugaruka omwihanga eri, nibateekwa kuzitiriirwa kumara ebiro 14, aha nshaho yaabo. Bishop Zziwa, ohwahayo orubazo ahabw'oruteerane rwa ba Bishopu, oruteekateekire kurinda obugwagye bwabikiiriza/entoore za Ruhanga, yaahayo ebiragiro ebi aha banyakatorika n'abasaserdooti kukuratirwa omubwire obu, obwebiro 32, obutarimu kwerundana. 1) Ba bishopu n'abaseserdooti bamanyise abiikiriza, aha ndagiririro y'amakuru w'eihanga naneyekitongore kyebyamagara eky'eihanga omu kwetantara orufu rwa Corona virus, barikwejunisa amaradio g'ediini n'emihanda etari emwe n'emwe y'okurabyamu amakuru.

Huumura Tuganiire

Abakatoriki (2) Africa (3) Agekibarukiraho (43) Akaruuru 2011 (1) Akaruuru 2021 (26) Amagara (2) Amaka (5) Amakuru (538) America (1) Ebaruha (8) Ebirango (8) Eizooba Eri (5) Ekyanga Kyawe (9) Enfumu (3) Enganda (2) Esente (1) Haaya (1) Obugabe (8) Obutare (4) Okwiruka (2) Omuntu Waawe (12) Omupiira (24) Omushaho (1) Puriyamare (2) Ruhuuta (18) Senyiga Ya Corona (29)