Kagiira Skills Development Center, Agriculture With New SkillsOkwemurika omuri Ibanda disituriki aha bwa Kaliisa
Ebaruha eyahandikwa Dr. Tanga Odoi
Nekya Agoweitu
1448
Orwamukaaga 2020-10-03
Abanyibanda ahiturikugambira ebi, bari omumashemererwa meingi nangwa n'abamwe barebwaho nibaziina, nibagurukyeza, nibemurika kandi abandi barikusiima Nyamuhanga owahinguru bwanyima ya akakiiko kakuru akarikukurira oburuuru omukiibina kya NRM kurugayo kakarangiriira Ow'ekitinitsa Jovrine Kaliisa Kyomukama kandi obwahati kuniwe omuny'eishengyero arikujwekyera abakazi omuri Ibanda disiturikiti kuba niwe yakwata ebendera y'ekibiina kya rwangisiriza ekya NRM omukaruuru akaboona omumwaka 2021.
Ebi byoona bikaija byabaho bwanyiima y'okuteera akaruuru ebiiro 04/09/2020 bwanyima Beinomugisha Jane abeingi oubarikumanya nka ebandituka kusiinga Jovrine Kaliisa kandi ekamugaruka owishe butaka. Jovrine Kaliisa akaija yahakanisa ebyarugire omukaruuru kandi okuhakanitsa kwe akakurabya omukakiiko akarikukurira oburuuru omuri Ibanda aka NRM kandi akarikwebemberwa Moses Alimwerenga.
Okushabakwe kukakirwa kwonka mukuru wa akakiiko niko kamwe tiyagira ekiyayamba nikwo mukuru arikukurira eby'okuronda omu NRM Dr. Tanga Odoi okushaba embaju eibiri kuza Kampala bakareeba enshonga zabo kandi boona ekibikirize bakaza Kampala.
Hakaija habaho emivuyo meingi omutawuni ya Ibanda obwo Kaliisa arikuhakanisa ebyarugire omukaruuru nangwa na polisi ya' Ibanda ekabitahamu.
Bwanyiima y'esabiti ishaatu okushaba kwa Kaliisa kukahurirwa kandi embaju zombi za yikiririza ngu bagarukemu betegyereze fomu ezirikumanywa ka 'DR Forms' obundi bakayetegyereza obuzibu oubwarigire. Okwikirizana kwabo kukatebwaho emikoono ba purinda baabo.
Omukushwiziima 'DR' fomuzi, Kaliisa Jovrine Kyomukama aizire ayiine enamba eyahiguru kandi nikwo kuragirirwa nk'omuhangunzi kandi akakwatsibwa ebendera ya NRM omubutongore.
Ebaruha eyarebwaho omunyamakuru waitu kandi eyaba etirweho omukono gwa Dr. Tanga Odoi kandi n'omukono gwa Kaliisa Jovrine oku yahamisirizibwa nk'omuhanguzi wa akaruuru aku abantu ba Ibanda bateire ebiro 4/09/2020. Ebaruha niyo emwe yarebwa aha mukura ya migita byaro nangashi soso mediya abantu bakujigabana.
Omukaruuru akarangirirwe ebiro 04/09/2020, Jane akaba asingitse Kaliisa n'oburuuru 169 konka kubagarikiremu okushwijima, Kaliisa yasingitsa Jane oburuuru bukurenga 400.
Okukwijutsyaho, akaruuru akubataire kakaba kari ak'omugongo kandi mukuru w'ekiibina kya rwangisiriza akaija yarangira kuburimuntu weena kuteera akaruuru.
Ahitukugambira ebi, abantu ba Ibanda bari omumashemererwa meingi aha bw'obuhanguzi bwa Jovrine Kaliisa. Kamera ya agoweitu kuyabanerabamu yashanga abantu embuzi bazikarire, enkoko zihanywire, bariyo nibazaana kandi nibemurika bari kukuritsya Omurisa Omurungi.
Moses omukugambaho n'agoweitu yatugiira Mukama Ruhanga nakora ebye. Eki ekibireho ngu kikozirwe Ruhanga.
Komugisha Hellen owa Kijongo nagira ngu Ruhanga namanya abairu be. Ngu hoonashi Kaliisa kanomukozi kandi ekunzi yaboona.
Abanyibanda bayongyera basiima Dr. Tanga Odoi, okuba owamaziima kandi ow'oburinganiza. Bagira ngu NRM n'ekibiina kya maziima kandi nibaija kukihagira okuhitsya ahamuheru kandi bakihe obushagiki bwahiguru omukaruuru kaboona omumwaka gwa 2021.
Omwengyeto Sharon owa Keihangara yasiima mukuru w'eihanga ah'abwobwembezi burungi.
Abanyibanda obwahati bariyo bategyerize kwakiira Ow'ekinitsa Jovrine Kyomukama Kaliisa eshaaha yoona.
Huumura Tuganiire
Abakatoriki (2) Africa (3) Agekibarukiraho (43) Akaruuru 2011 (1) Akaruuru 2021 (26) Amagara (2) Amaka (5) Amakuru (535) America (1) Ebaruha (8) Ebirango (8) Eizooba Eri (5) Ekyanga Kyawe (9) Enfumu (3) Enganda (2) Esente (1) Haaya (1) Obugabe (8) Obutare (4) Okwiruka (2) Omuntu Waawe (12) Omupiira (24) Omushaho (1) Puriyamare (2) Ruhuuta (18) Senyiga Ya Corona (29)