Ebirango Bikuru

   Kagiira Skills Development Center, Agriculture With New Skills
   Diary Farm Training By Kagiira Skills Development Center in conjunction with Eiraka Radio

Entumwa ya Mukuru w'eihanga Eliasto Akatuheebwa yarabura abany'Ibanda


Joveline Kalisa na Jane Bainomugisha
Nekya Elia Divasi
1099

Orwakabiri 2020-10-06

Entumwa ya mukuru w'eihanga omuri Ibanda yarabura boona abarikugyezaho kuretaho obwesharingo bwanyima y'orikukurira akakiiko keby'obururu omukibiina ky'ebyobutegyeki ekyarwangisiriza (NRM)Dr Tanga Odoi kurangirira Omuny'eishengyero omukyara Joveline Kalisa Kyomukama ku niwe akwatsire ebendera y'ekibiina nikyo kimwe nk'omujwekyerwa w'abakyara ahabwa Ibanda disturikiti omwe'ishengyero erikuru erya uganda.

Eizooba rya nyomwebazyo abantu barikurenga 80 barugireyo barebwa aha nguudo barikwesharinga bagumize ngu nibenda Hon Jane Bainomugisha nk'omukwasi w'ebendera niyo emwe,ahakuba bakamuhereza oburuuru kandi niwe yasingire.

Omukaruuru akarugire kuteerwa orikukurira eby'akaruuru omukibiina kya NRM omuri Ibanda Mr Alimwerenga Moses akabaasa kuba narangirira Jane Bainomugisha k'owasinga akaruuru niko kamwe, owabaire ayetsimbire naawe Joveline Kalisa kandi oriwe omuny'eishengyero ahabwa Ibanda district akarugayo yayoreka okwetomboita kwe agumize ngu akaruuru bakakeiba tikarabeire k'oburinganiza nikwo kweyongireyo ekyatumire akaruuru kagarukwamu kubarwa nangwa n'okuchondozibwa kureba mazima nooha owasingire .

Oburuuru bukagarukwamu bwabarwa nikwo kushanga ngu Joveline Kalisa akaba asingire Jane Bainomugisha kandi nikwo Tanga Odoi kurangirira Joveline Kalisa kuniwe ayine ebendera y'ekibiina Kya NRM omuri Ibanda.

Aba tiimu eya Jane barugireyo nabo bahakanisa ebigambo bya Dr Tanga Odoi bagumize ngu Jane Bainomugisha niwe ayine ebendera eya abany'Ibanda kandi Joveline Kalisa niwe ayine ebendera eya Tanga Odoi.

Omukugambaho n'entumwa ya Mukuru w'eihanga omuri Ibanda, yahamya ku Joveline Kalisa niwe ayine ebendera y'ekibiina kya NRM omuri Ibanda beitu yarabura boona abarikugyezaho kuretaho obwesharingo omuri Ibanda ngu nibeija kukwatwa kandi batekweho emishango etari emwe n'emwe .

Yashaba abany'Ibanda okugira omutiima gumwe nangwa n'okukwatanisa ahagati y'abasingirwe na abasingire akaruuru omukuretaho entunguka omuri Ibanda district.

Huumura Tuganiire

Abakatoriki (2) Africa (3) Agekibarukiraho (43) Akaruuru 2011 (1) Akaruuru 2021 (26) Amagara (2) Amaka (5) Amakuru (538) America (1) Ebaruha (8) Ebirango (8) Eizooba Eri (5) Ekyanga Kyawe (9) Enfumu (3) Enganda (2) Esente (1) Haaya (1) Obugabe (8) Obutare (4) Okwiruka (2) Omuntu Waawe (12) Omupiira (24) Omushaho (1) Puriyamare (2) Ruhuuta (18) Senyiga Ya Corona (29)