Kagiira Skills Development Center, Agriculture With New SkillsEky'eshongoro ky'eihanga kuvunurwa.
Ibanda
Nekya Agoweitu
842
Orwamukaaga 2020-10-10
Obwe tumazire ekiro kimwe tuherize kujaguza ekiro kikuru ky'okwetegyeka kw'eihanga rya Uganda, obwahati tiimu y'Agoweitu batandiika okuvuunura ekyeshongoro ky'eihanga kuruga omururimi orungyereza (English ) kukita omu rurimi orunyakitara.
Eki nikijaho bwanyima y'omugurusi omwaami Ruyooka Ambrose kurugayo akatangaza buri omwe bwanyima y'okurebwa arikweshongora ekyeshongoro aha mukutu gwa mugaita byaro omu gurupu emwe emanyirwe nka Community Development Planning Team omu rurimi orunyakitara.
Omubigambo bye, omugurusi Ruyooka abuurize ku hakuba hariho omuntu weena orahurireho ekyeshongoro ekyo obwe kirikweshongorwa omururimi rweitu rw'orunyankore, beitu kimutangaize munonga kushanga ahabantu 18 hatariho n'omwe orikumanya ninga orahurireho ekyeshongoro eki kandi omugurusi Ruyooka agizire ngu ekintu eki nekyobusaasi.
Ah'eizooba ry'ebiro 10/10/2020 tiimu ya Agoweitu basharamu kuronda omugurutsi Ruyooka obwo barikugyezaho kuretaho omukago ahagati y'Agoweitu hamwe n'omugurutsi ogwo kandi nangwa n'okureba okubakubaasa kukwatanisa nikwe bakavuunura ebigambo ebiri omuky'eshongoro ky'eihanga ryeitu erya Uganda.
Omukugambo n'omugurutsi Ruyooka yashobororera Agoweitu agumize ngu obuyabire ari muto bakaba beshongora ekyeshongoro ekyo obwe barikwebembererwa omukaikuru we obwahati ari omumyaka ye ya bukuru.
Agoweitu bashaba omugurutsi Ruyooka kukwatanisa naabo hamwe n'omukaikuru n'abantu batari bamwe na bamwe abakugukire omuri rurimi orunyankore kuruga omuri Ankole kureba ngu batandika puroguramu egi ey'okuvunuura ebigambo ebiri omukyeshongoro ky'eihanga obwe barikubetebekanisa omururimi rweitu orwa Ankore.
Twijukye Eliya Divasi ow' Agoweitu yasiima Omugurutsi Ruyooka ahabw'omukago ogwo kandi ogurikwija kugumizamu na munonga omukutungura orurimu rweitu orunyankore ,emicwe n'emitwarize hamwe neby'oburambuzi omuri Ankole .
Divasi yagumizamu arikugyira ngu eki kyeshongoro nibaija kukihandiika kandi n'okukyeshongora hamwe n'okukikorera vidiyo obwe byoona biri omururimi orunyankore.
Kandi nibaija kukwatanisa n'abantu batari bamwe na bamwe nk'amashomero ga purimare ,siniya hamwe n'amatendekyero agandi kureba ngu kyashomesibwa kandi abegyi bamanya okukyeshongora otebirwe n'omuntu waburijo .
Yagumizamu arikushobororora ngu nihaija kubaho na empaka z'okweshongora eky'eshongoro nikikyo kimwe oteireho n'ebintu nyamwingyi ebirikukwaata aha bunyakare emicwe ,emitwarize oteireho n'oburambuzi kandi abarasingye nibaija kutunga ebirabo bitari bimwe na bimwe .
Mukama Gilbert nawe ori omwe aharyabo abatandikireho Agoweitu yasiima Omugurutsi Ruyooka kandi yashaba naburi muntu okukwatanisa n'Agoweitu omu puroguramu egi eyatandikwa egyenderire kwegyesa abaana ,n'abantu abakuru ebintu bitari bimwe na bimwe obwe barikukwatanisa n'abantu abakugu omururimi orunyankore ,obunyakare,emichwe n'emitwarize kuruga omuri burengyerweizooba.
Huumura Tuganiire
Abakatoriki (2) Africa (3) Agekibarukiraho (43) Akaruuru 2011 (1) Akaruuru 2021 (26) Amagara (2) Amaka (5) Amakuru (538) America (1) Ebaruha (8) Ebirango (8) Eizooba Eri (5) Ekyanga Kyawe (9) Enfumu (3) Enganda (2) Esente (1) Haaya (1) Obugabe (8) Obutare (4) Okwiruka (2) Omuntu Waawe (12) Omupiira (24) Omushaho (1) Puriyamare (2) Ruhuuta (18) Senyiga Ya Corona (29)