Kagiira Skills Development Center, Agriculture With New SkillsKyahwa.Jane Beinomugisha yahandiikwa ahabwa omujwekyerwa omukyara ahabwa Ibanda aha kaadi ya NRM
Jane Bainomugisha
Nekya Luck
1101
Orwakana 2020-10-15
Ahamuheru gweihuunga, hakazaho eihoreere! Nikwo batyo omushaaha z'amarya kyamishana omukyara embandituka Jane Beinomugisha yahandiikwa akakiiko k'ebyoburuuru nkomujwekyerwa omukyara ahabwa Ibanda aha kakongi ka NRM.
Okuhandiikwa kwa Jane kwaba kurimu otandibata ndabeho y'amaani obwo Ori omujwekyerwa ahabwa Ibanda kandi owasingirwe akaruuru k'omunda aka NRM Joverine Kariisa kuremeraho agumize ngu niwe ashemereire kuba nahaandikwa. Beitu ebigambo bihambo hamwe n'okutinisiriza byona tibyakora, nikwo batyo bamubingisa akati nk'ekichere.
Okugyezaho kwa Kariisa kuremesa okwehandikisa kwa Jane arikurabira omu Kooti tikwabaasika.
Eshaaha egi abahagizi ba Jane bari twengyetwengye obwo barikureebwa n'eriisho ry'ekisyoori kuruga omu ba Kariisa. Bo ahu twahandikiira ebi, engaro bazicumitsire omunyindo.
Ag'omushoonda nigoreka ku Kariisa ariyo natisiriza kwesimbaho ahabwe nka nyamunigyina ateine kibiina.
Omukaruuru niko kamwe harimu n'empangare Byamugisha Abia oyetsimbire aha kakoongi ka ANT. Beitu of nawe yaba atakahandikirwe.
Abandi ababaasa kuba nibehandikisa harimu Panadol John Paul owakunamwiire minisita Byabagambi, Agaba Peter owasingirwe Tarsis Rwaburindore, hamwe na Mwine Innocent Bakamuhara owa ameizi marungi.
Omugandi makuru, Maj. Guma Gumisiriza yareebwaho ahakitebe ky'ebyoburuuru nawe ayizire kuhandiikwa. Ogu akategurwa Kyoma Xavier Akampurira.
Sigara aha Agoweitu
Huumura Tuganiire
Abakatoriki (2) Africa (3) Agekibarukiraho (43) Akaruuru 2011 (1) Akaruuru 2021 (26) Amagara (2) Amaka (5) Amakuru (538) America (1) Ebaruha (8) Ebirango (8) Eizooba Eri (5) Ekyanga Kyawe (9) Enfumu (3) Enganda (2) Esente (1) Haaya (1) Obugabe (8) Obutare (4) Okwiruka (2) Omuntu Waawe (12) Omupiira (24) Omushaho (1) Puriyamare (2) Ruhuuta (18) Senyiga Ya Corona (29)