Kagiira Skills Development Center, Agriculture With New SkillsOrunyiriri rw'abantu abayehandikisa omukakiko k'ebyoburuuru - Ibanda
Dr. John Paul Ninkusiima na tiimuye bwanyima yookuhamibwa aba akakiiko keebyoburuuru omujwekyera abantu ba Ibanda eya amashuuma aha kadi ya NRM
Nekya Agoweitu
1407
Orwakana 2020-10-15
Eryanyakazooba omuri Ibanda disiturikiti embeera yatsiba eri eyampiguza ndabeho obwo abantu abarikwenda kwesimba aha ntebe zitarizimwe na zimwe kutadika kwehandikisa.
Okuhandika abantu abo kwakorerwa aha kitebe kikuru kya disiturikiti ey'Ibanda kandi kwaba kwebembirwe arikukuriira akakiiko k'ebyoburuuru omu disiturikiti ey'Ibanda omwami Dan Ruheemba.
Okuhandika abantu aba kwatandika shaaha eishatu z'akasheshe (9:00am).
Ekibiina kya NRM kyahadikisa abantu bakyo boona kandi abantu aba baba nibahiika bana (4).
Abantu abayehandikisa aha ntebe y'obwa ba MP omuri Ibanda eyamashuuma (Ibanda South) ni :
1. Dr. John Paul Ninkusiima oubingi barikumanya nka Panadol ya Ibanda kandi ayizira aha kibiina kya NRM.
2. Emmanuel Kamugisha kandi ayayetsimbaho nk'omuntu (Independent).
Ibanda Munisiparite (Ibanda Municipality).
1. Rwaburindore Bishanga Tarsis (RBT) ogu yayizira aha kibiina kya NRM
2. Agaba Peter kandi ogu yayiza nk'omuntu (independent) kandi akamanyiso ke nak'eshaaha.
3. Mwine Innocent Bakamuhara ogu nawe yayehandikisa nk'omuntu (independent) kandi akamanyiso ke n'omupiira.
Entebe eya abakyara ahabwa Ibanda disiturikiti.
1. Jane Beinomugisha oubingi barikumanya nka Embandituka kandi ogu niwe yakwatira NRM ebendera bwanyima y'okuritana na Owekitinitsa Jovline Kyomukama Kaliisa.
Ibanda eyamatemba (Ibanda North) ni:
1. Kyooma Xavier yayehandikisa kandi yayizira omukibiina kya NRM.
2. Rtd (Maj.) Guma Gumisiriza ogu yayehandikisa nk'omuntu (independent).
3. Owomugisha Jibril Ssemakula oubingi barikumanya nka Eicumu rya Ibanda kandi owayehandikisa nk'omuntu (independent).
Abandi abarebukaho konka batayehandikisa ahabwobutahikiriza ebishanizo ebi akakiiko k'ebyoburuuru ebikaba nikenda hariimu Gilbert Mugisha Karengye ou amaziina ge agari aha ndanga muntu gaba gatarikushushana n'amaziina agari omupapura zeye ezobwegyese. Gilbert y'abanayenda kwehandikisa aha ntebe ya Ibanda eyamatemba.
Odijo ni Enock Muhimbise kandi ogu eshonga ezareta yazibirwa kwehadikisa tizamanywa kwonka y'arebwaho n'akanga oku n'oku obundi bakamwikiriza ayehandikisa.
Abandi bantu n'ebibiina tibyarebukaho ah'amwanya.
Okuhandika abantu abarikwenda kwesimba ahantebe z'obwa MP nikukoma erizooba 16/10/2020.
Ebibiina ebirimu NUP, FDC, ANT na DP bibasa kureta abantu babyo erizooba kandi bakahandikwa.
Omukugambaho narikukurira eby'obururu omuri Ibanda omwami Ruheemba, yatugira ngu okuhandiika abantu aba kwagyendagye munonga kwonka baba batugamu obuzibu omukuhandiika abakyara bwanyima ya Jane na Kaliisa kureta empapura zirikushushana kwonka enshonga egyo baheza bagigonjora nikwo Jane Beinomugisha kuhadiikwa.
Panadol ya Ibanda John Ninkusiima kandi ayaba ashagatirwe abantu kuruga omu kambi ye, yasiima abantu ba Ibanda eyamashuuma ahabwokumutamu obwesigye kandi y'ashaaba obuhagiizi bwabo n'obwa NRM omu mwaka gwa 2021.
Huumura Tuganiire
Abakatoriki (2) Africa (3) Agekibarukiraho (43) Akaruuru 2011 (1) Akaruuru 2021 (26) Amagara (2) Amaka (5) Amakuru (535) America (1) Ebaruha (8) Ebirango (8) Eizooba Eri (5) Ekyanga Kyawe (9) Enfumu (3) Enganda (2) Esente (1) Haaya (1) Obugabe (8) Obutare (4) Okwiruka (2) Omuntu Waawe (12) Omupiira (24) Omushaho (1) Puriyamare (2) Ruhuuta (18) Senyiga Ya Corona (29)