Kagiira Skills Development Center, Agriculture With New SkillsOrutaro ahagati ya poromota kandi CEO wa Street deejays The Radio King Mr Vybs na Omweshongozi Rob Ross.
Vybs na Rob Ross
Nekya Elia Divasi
0
Orwakataano 2020-10-16
Poromota Kandi oriwe owatandikireho Street deejays yarugayo Kandi yabaasa kuba nayoreka obutashemerwa kwe bwanyiima y'okushoma ekihandiiko ekyahandikwa omweshongozi wa burengyerwizooba oubeingyii barikumanya nka Rob Ross aha mutimbagano gwa facebook.
Ezooba ry'orwakashatu omweshongozi wa burengyerwizooba Rob Ross akarugayo yahandiika ahamukutu gweye ogwa Facebook arikujumirira ekikorwa eki ab'eshongozi ba burengyerwizooba bakozire kurugayo bakahanura ebishushani by'omweshongozi FullFigure orikweyeta omuhabuzi w'obwa mukuru w'eihanga (Presidential advisor ) omukibuga ekikuru ekya Mbarara .
Nikigambwa omweshongozi wa kampala FullFigure akabaasa kuba nahinika ebishushani ebyariho na mukuru w'eihanga ahagati y'orurembo orukuru rwa Mbarara aha mahembe g'ente.
Eizooba ry'owokubanza ab'eshongozi ba Mbarara bakarugayo Kandi bayoreka obutashemerwa bwabo bagumize ngu akamanyiro karengana ak'abeshongozi ba Kampala kuguma nibabazanira ahamitwe y'abeshongozi ba Mbarara nikwo kusharamu kuhanura ekishushani kyoona ekiri omuri Mbarara ekiriho omweshongozi FullFigure na Mukuru w'eihanga
Ab'eshongozi aba bakahanura ebishushani nibyo bimwe nikwo kubitwara aha mbuga nkuru z'offisi z'entumwa ya mukuru w'eihanga.
Okuruga aha rw'okubanza abantu barugireyo bahandiika nangwa abamwe barikusiima eki ab'eshongozi ba Mbarara bakozire Kandi nangwa n'abamwe barikujumirira ekikorwa nikyo kimwe .
Omweshongozi FullFigure naawe akarugayo Kandi yabaasa kuba nahandiika ahamukutu gweye ogwa Facebook arikujumirira ekikorwa eki ab'eshongozi ba Mbarara bakora agumize ngu tikirikuhemura we nka FullFigure kureka owahemuka ni mukuru w'ekibiina Kya NRM President yoweri kaguta museveni ahakuba n'owa burengyerwizooba beitu ngu nangwa namunonga ekirikuruma ab'eshongozi ba burengyerwizooba nokugira FullFigure nakora ebibatarikukora namunonga okuba Presidential advisor wa mukuru w'eihanga .
Eizooba ry'orwakashatu omweshongozi Rob Ross naawe nikwe kurugayo akahandiika aha mukutu gwe ogwa Facebook agumize ngu tarikureba enshobi eyi omweshongozi FullFigure yakozire kureta ebishushani bye bikabambwa nangwa ebimwe bikahanikwa omuri Mbarara .
Yagumizamu arikugira ngu FullFigure n'omunya Uganda Kandi nayikirizibwa kuhanika ebishushani ebyariho na mukuru w'eihanga buri hamwe aharikwenda omwihanga.
Yagumizamu arikugira ngu niyo nshonga ahabwaki eby'eshongoro bya ab'eshongozi ba burengyerwizooba bitarikuhurirwa omumyanya ya Kampala beitu ngu najumirira ekikorwa eki ab'eshongozi ba burengyerwizooba bakozire bebembirwe Rasta Chars hamwe na Penny Patra
Promota kandi owatandikireho Street deejays orikumanywa nka Mr Vybs The Radio King orikukora na radio emwe omuri burengyerwizooba naawe yarugayo erizooba yayoreka obutashemerwa kwe bwanyiima y'okushoma ekihandiika Kya Rob Ross arikujumirira ekikorwa eki ab'eshongozi ba burengyerwizooba bakozire .
Mr Vybs yaba agumize ngu obwahati tarikureba RobRoss nk'omweshongozi arikurugayo (Up coming Artist) kureka namureba nk'omweshongozi aine eiziina konka ebigambo byeye nibibaasa obutamuyamba kwetungura niga kweyongyera omumaisho .
Vybs yagumizamu nagira n'ekyamaziima mukuru w'eihanga tayambire ab'eshongozi ba burengyerwizooba ngu mukuru w'eihanga narebwa aha mikora y'abeshongozi ba central Kandi abarigye abaine aha kasente konka tarikubaasa kutekateeka aha'beshongozi ba burengyerwizooba.
Vybs yagumizamu nagira abo abeshongozi abarikweyeta ba Presidential advisors ningasi abarikwereba nk'abarikukunda museveni kusinga abandi kwija bakategyeka burengyerwizooba tarikwikirizana nakyo .
Yasiima Ras Charz ,penny patra nabandi boona ababaire bebembire ekikorwa ekyo ahabw'ekibakozire
Yashaba RobRoss kurugayo akashaba okusasirwa omushaha zitarikurenga abiri nina beitu kugakuba gari amaziima Rob Ross nohagyira FullFigure okureta akamanyiro keye omuri Mbarara nindeba nintora omuhanda gw'obutagaruka kuteera eby'eshongoro byawe omu puroguramu yangye nikwe ngume ntere eby'aba Kampala bonka "Vybs arikugamba "
Guma aha Agoweitu orebe ekichweeka Kya kabiri ky'ekihandiiko eki Rob Ross yahandiika arikushaba okusasirwa ezaaha zitarengyire abiri nina eziyahebwa Mr Vybs
Huumura Tuganiire
Abakatoriki (2) Africa (3) Agekibarukiraho (43) Akaruuru 2011 (1) Akaruuru 2021 (26) Amagara (2) Amaka (5) Amakuru (538) America (1) Ebaruha (8) Ebirango (8) Eizooba Eri (5) Ekyanga Kyawe (9) Enfumu (3) Enganda (2) Esente (1) Haaya (1) Obugabe (8) Obutare (4) Okwiruka (2) Omuntu Waawe (12) Omupiira (24) Omushaho (1) Puriyamare (2) Ruhuuta (18) Senyiga Ya Corona (29)