Ebirango Bikuru

   Kagiira Skills Development Center, Agriculture With New Skills
   Diary Farm Training By Kagiira Skills Development Center in conjunction with Eiraka Radio

Abantu 19 nibo bahandikwa okwetsimba ahabwa MP 2021 omuri Ibanda disiturikiti.


Ssemakula Jibril owa Ibanda eyamatemba
Nekya Agoweitu
1125

Orwakataano 2020-10-16

Okuhandika abarikweda entebe ezitari zimwe na zimwe aha ntebe z'obwa MP kwahedera shaaha 5:00pm ezeryanyakazoba ebiro 16/10/2020 aha kitebe kikuru kya disiturikiti ya Ibanda. Okuhandiika abarikwenda entebe ezi kutandikire eizooba rya nyomwebazyo 15/10/2020 shaaha eishatu zakasheshe kandi kwebembirwe orikukurira akakiiko k'ebyoburuuru omuri Ibanda disiturikiti Omwami Danson Ruhemba.

Ruhemba arikugambaho nabanyamakuru bwanyima y'okukingaho omukoro gw'okuhandiika abarikwenda entebe z'obwa Mp, yagira ngu omurimo ogu gubaire ogwihoreere kandi yasiima boona abehandiikise na bayehandikisa ahabw'omutima murungi oguborekire. Yayongyera yasiima akakiiko ke aka IEC aku akozire nako. Okusiima okundi kwaba nikugyenda owa CAO wa Ibanda disiturikiti n'abakozi bayo kandi na abantu b'Ibanda boona ahabwomutima murungi oguborekire omukaire k'okuhandikisa abantu abarikwenda kuriitanira entebe zitari zimwe na zimwe. Polisi nayo yasiimwa.

Bwanyima y'okusiima, Ruhemba yagira ngu Ibanda eine amashaza ashatu kandi nigo aga: Ibanda eyamatemba, Ibanda eyamashuma, Ibanda munisiparite kandi hamwe na entebe y'abakyara.

Abantu ikumi namwenda (19) nibo baheirwe empapura zabo, bakahandikwa kandi bakahamimwa akakiiko niko kamwe.

Omuri Ibanda Munisiparite, abantu 6 nibo bahandiikirwe kandi omu ow'ekiibina kya NRM n'omuntu omwe (1), FDC omuntu omwe (1), DP omuntu omwe (1) kandi ebesimbireho nka abantu ni bashatu (3).

Abarikwenda entebe y'abakyara ni bataano (5). Owa NRM n'omwe (1), owa ANT nawe n'omwe (1), DP n'omuntu omwe (1), NUP n'omuntu omwe (1) kandi owahandikwa nk'omuntu (independent) nawe n'omwe (1).

Ibanda eyamashuma abantu bana(4) nibo bayehandikisa. NRM (1), DP(1), FDC (1) kandi nk'omuntu (independent) 1.

Ibanda eyamatemba abantu abahandikisibwe nabo nibana (4). NRM (1) kandi ba IND (3).

Ag'oweitu twarabamu omu maziina g'abantu abahamibwa kandi katukuhe amaziina gabo n'ebicweka ebibarayesimbemu.

Ibanda Munisiparite.

1. Agaba Peter (Independent) kandi akamanyiso ke n'eshaaha (Clock). Ahandikirwe ebiiro 15/10/2020.

2. Mwiine Innocent Bakamuhara (Independent) kandi akamanyiso ke n'omupiira (Ball) nawe ahandikirwe ebiiro 15/10/2020.

3. Rwaburindore Tarsis Bishanga (RBT) owekibiina kya NRM kandi nawe eyahandiikise ebiro 15/10/2020.

4. Agaba Nathan owekibiina kya ANT owahadikwa erizooba ebiro 16/10/2020.

5. Muganda Karimu owekibiina kya FDC kandi nawe y'ahandiikwa erizooba ebiro 16/10/2020.

6. Muhimbise Enock Decaprio owahandiikwa nk'omuntu kandi akamanyiso ke ni rediyo nawe y'ahandiikwa erizooba 16/10/2020.

Entebe y'abakyara omuri Ibanda disiturikiti.

1. Jane Beinomugisha Kabajungu okwatire NRM ebendera. Ogu ahandiikirwe ebiro 15/10/2020.

2. Nasasira Abia owa ANT kandi y'ahandikwa erizooba 16/10/2020.

3. Namara Immaculate owa DP kandi y'ahandikwa erizooba 16/10/2020.

4. Kaliisa Kyomukama Jovline owayehandiikisa nk'omuntu (Independent) kandi nawe y'ahandiikwa erizooba 16/10/2020. Akamanyiso ke n'entebe (chair).

5. Kiconco Evalyne owa NUP kandi nawe y'ahandikwa erizooba ebiro 16/10/2020.

Ibanda eyamashuma (Ibanda South).

1. Ninkusiima John Paul ( Panadol) owa NRM ayehandiikise ebiro 15/10/2020.

2. Kamugisha Emmanuel Rwakyendera aizire nk'omuntu (independent) kandi akamanyiso ke n'eshaaha (clock). Eayehandiikise ebiro 15/10/2020.

3. Ahaisibwe Philmon owa DP. ogu yayehandiikisa erizooba 16/10/2020.

4. Byamugisha Moses owa FDC kandi nawe y'ayehandiikisa erizooba 16/10/2020.

Ibanda eyamatemba (Ibanda North).

1. Kyooma Xavier Akampurira owa NRM kandi ogu eyahandikise ebiro 15/10/2020.

2. Guma Gumisiriza David ayesimbire nk'omuntu (independent) kandi akamanyiso ke n'eshaaha (clock). Ayehandikise ebiro 15/10/2020.

3. Ssemakula Jibril nawe ayesimbire nk'omuntu (independent) kandi akamanyiso ke n'emeeza (table). Ayehandikise ebiro 15/10/2020.

4. Mugisha Gilbert Karengye ayahandikisibwa nk'omuntu (independent). yahandiikwa erizooba 16/10/2020.

Ruhemba yayongyera yagira ngu nihija kubaho okutebekanisa egyenderwaho eyabo abahamimwa eyibareije kugyederaho konka tiyagamba obwire. Omugasho gw'engyederwaho n'okwenda ngu abesimbireho batahondana.

Dan yagira ngu amateeka ga COVID19 agateirweho ekitongore ky'ebyamagara na mukuru w'eihanga nigeija kukuratirwa.

Enterane tiziraikirizibwe kwonka abesimbireho nibabasa kukora enkiinko bakabugana abahagiizi babo nanga bakatayaya.

Omukwongyera kugamba na Ag'oweitu, Ruhemba yatugira ngu omuntu owayehandiikisa ayiine obugabe bw'okuruga omukaruuru hoona aharikwendera kandi eiteeka rya Uganda nirikikiriza, kwonka ogwe weena orikwenda kurugamu nanga kurekura nahandiikira akakiiko k'ebyoburuuru arikushaba kurekura kandi abantu babiri abamushagikire nabo bateho omikono yabo.

Omuntu omwe owekibiina kya FDC tiyahandiikwa kandi empapura ze ez'obwegyese zayangwa ahabwokugira ngu zaba zitahamibwe abekitongore kya NCHE,nobu ekibiina kya FDC kyaba kyashashwire esente zeye z'okwehandiikisa.

Owa NUP owaba nayenda eya Ibanda Munisiparite nawe tiyahandikwa ahabweshonga y'okuburwa satifiketi omubihandiko bye by'obwegyese. Ogu kuyaba nagaruka nayo, eshaaha za mukwata nikwo kukiingirwa aheeru.

Omanyamakuru weitu kuyabuza aba FDC enshonga eyabazibira kureta omuntu aha ntebe y'abakyara, bagira ngu bakeikirizana na n'ekibiina kya ANT kureta omuntu omwe aha entebe egyo ahabwomukago ogwekibiina kya FDC ekigwine na n'ekibiina ekya ANT.

Guma aha Agoweitu.

Huumura Tuganiire

Abakatoriki (2) Africa (3) Agekibarukiraho (43) Akaruuru 2011 (1) Akaruuru 2021 (26) Amagara (2) Amaka (5) Amakuru (535) America (1) Ebaruha (8) Ebirango (8) Eizooba Eri (5) Ekyanga Kyawe (9) Enfumu (3) Enganda (2) Esente (1) Haaya (1) Obugabe (8) Obutare (4) Okwiruka (2) Omuntu Waawe (12) Omupiira (24) Omushaho (1) Puriyamare (2) Ruhuuta (18) Senyiga Ya Corona (29)