Ebirango Bikuru

   Kagiira Skills Development Center, Agriculture With New Skills
   Diary Farm Training By Kagiira Skills Development Center in conjunction with Eiraka Radio

Ab'ekibiina Kya FDC Ibanda bacuumire enama y'okuhagira Nasasira Abia .


Abia Nasasira
Nekya Elia Divasi
680

Orwamukaaga 2020-10-17

Ab'ekibiina ekihakanisa govumenti ya rwangisiriza ekya FDC omuri Ibanda eizooba rya nyomwebazo barugireyo bacuuma enama y'okuhagira Nasasira Abia.

Nasasira Abia n'omwishiki muto Kandi orugireyo akoreka ekyetengo ky'okuriturana n'abakazi abandi ab'emyaka yahamya barikwetebekanisiza akaruuru ka boona ak'nooha arajwekyere abakyara ba Ibanda disiturikiti omwe'ishengyero erikuru erya Uganda.

Nasasira Abia ahandikiirwe eizooba rya nyomwebazo aha tiketi y'ekibiina Kya ANT ekirikwebemberwa Mugisha Muntu.

Kandi oyijukye ngu Donald murigye obwahati oriwe disiturikiti kodinenta ow'ekiibina kya ANT ensumi nkye ehwireho abaire ari cheyimani wa FDC omuri Ibanda kandi eizooba rya nyomwebazo niwe abeire ateiremu amaani mingi kureeba ngu ANT yagira ba candidates baingi omuri Ibanda.

Omukugambaho na Kodinenta wa ANT Murigye Donald yaba agumize ngu nayakiira enkoragana nungi ahagati y'ekibiina Kya FDC na ANT

Beitu ab'ekibiina ekihakanisa govumenti ya Rwangisiriza barugireyo bagamba okubakozire diiru ngu boona 2021 akaruuru bakahereze Nasasira Abia nikwo abe niwe yajwekyera abakyara ba Ibanda disiturikiti omwe'ishengyero erikuru erya Uganda .

Agoweitu omukugambaho na bamwe abantu b'ekibiina Kya FDC omuri Ibanda bahamize amakuru aga barikugira bakozire eki eky'okugira ngu akaruuru bakahereze Nasasira Abia nka gumwe ahamuringo gw'okworeka enkwatanisa ninga omukago ogubiine n'ekibiina Kya ANT .

Bahamya okubarikwija kukora kyoona ekirikubasiika kureba mpaka batwara entebe y'omunye'ishengyero ahabwa Ibanda .

Omukugambaho n'egi mpangare Nasasira Abia Kandi Ori enzarwa ya Rukiira naawe yahamya amakuru aga arikugira ngu nibwe bwiire obu omutezi w'akaruuru ashemerire kuba naronda omwebembezi aramukorere atari omwebembezi araze omwe'ishengyero kukora ebye nk'omuntu nikwo akebwa omuntu owamuhire akaruuru.

Abia yagumizamu arikushaba abany'Ibanda kubamwesiga bakamuhereza akaruuru ahabw'oburungi n'entunguka y'Ibanda ngu akaruuru kaawe okarebe nk'empano beitu ngu akaruuru nink'omuntu okuyakukuhereka ente noba oine kumuha empano nikwo kugira ngu abany'Ibanda bamurebe nk'empano kwaraze omwe'ishengyero nayija kubahereza empano obwe arikurabira omukukorera abantu ba Ibanda disiturikiti

Huumura Tuganiire

Abakatoriki (2) Africa (3) Agekibarukiraho (43) Akaruuru 2011 (1) Akaruuru 2021 (26) Amagara (2) Amaka (5) Amakuru (538) America (1) Ebaruha (8) Ebirango (8) Eizooba Eri (5) Ekyanga Kyawe (9) Enfumu (3) Enganda (2) Esente (1) Haaya (1) Obugabe (8) Obutare (4) Okwiruka (2) Omuntu Waawe (12) Omupiira (24) Omushaho (1) Puriyamare (2) Ruhuuta (18) Senyiga Ya Corona (29)