Kagiira Skills Development Center, Agriculture With New SkillsNOOHA PASITA AUGUSTINE YIGA?
Pasita Augustine
Nekya Elia Divasi
975
Orwakabiri 2020-10-27
Augustine Yiga 'Abizzayo" akaziribwa omumaka g'abanyakaturikii omuri Bukomansimbi omwishaaza rya Buddu.
Augustine tarashomire munonga ahakuba bikamutama eby'okushoma kuyamazire kuhika omukibiina Kya kaana p.4.
Nikwo Yiga akasharamu kuguma omukyaro arikutambura atyo kuhisya omumwaka 1995 obuyayegaita ahakibiina kya Lukwata Guitar Singers ekyabaire nikyebemberwa omugenzi Livingston obubaire baizire omukyaro kweshongoro .
Omubwire obwe Yiga niwe yabiire ari Muntu munonga omu bandi egyo bakasharamu kwaguma nabatekyera hamwe n'okubogyeza emyenda konka arikusasula esente z'okugura eby'okurya .
Beitu kubabiire batunga obwiire bakaba bagyezeho kumwegyesa okuteera endongo,okweshongora, oteireho n'enanga niyo enshonga ahabwaki Pasita Yiga abiire ari omweshongozi murungi omukwekorera eby'eshongoro ebye
Omumwaka gwa 1997 bakasharamu kwemereza bandi eyiyabire nayeshongoreramu ahakuba mukama wayo akaba atakibaasa kweshongoro.
YIGA AKASHARAMU KUBA OMUFUMU
Nikigambwa Pasita Augustine akasharamu kuba nayega obufumu beitu obuyakorire emyaka erikwingana ebiri obwe arikukorera omunju eyiyabire nararamu
Augustine arikuza kugyenda kwega obufumu akagambiraho bangwani be oku obufumu burimu sente nyamweingi nikwo kugura enkyeeka ,amazigo n'ebindi beitu kuwabiire otaha omunju ye okaba omanyira kimwe oti nahika ow'omufumu ruranganwa obwe ari ow'omushuma ariyo nagyezaho kureba yafuna ryarenga.
Eizooba rumwe Augustine akagambira Agoweitu ngu n'obu obufumu bwabiire burimu sente akamara yashanga ngu nibuswaza n'abantu bakaba nibamureba kubi batarikumwenda nahakyaro .
Omubwire obwe munywani we akamutemera diiru y'okwiba abantu obwe orikukoresa obwongo eyibeingi bamanya nka 'Wakareba' beitu ngu bakamukoma emirindi etarikubarwa oteireho n'okukomerwa omukihome ky'amahe ekya Mbuya na Luzira ahabwa wakareba .
AKASHARAMU KUJUNWA
Kuyarugire omukihome ekya Luzira Yiga akasharamu kujunwa nikwo kutandiika kusabiira buterevu owa Pasita Fred Sserugo ekanisa erikwetwa Revival Christian Church .
Eky'okujunywa akaba omurokore tikyirashemiza ishe ahakuba owabo bakaba bari Abanyakaturiki,konka kuhahingwireho obwiire bukye Ishe akamusasira ahakuba kikaba nikisinga okuba omufumu obuyabire nakora okubanza
YIGA AHONIRE ENTARO NYAMWEINGI Z'ABAKAZI .
Yiga arwanire entaro nyamweingi z'abakazi oteireho n'okukomwa omubihome.
Abamwe ahabaishiki abarikwijukwa munonga ni Brenda Nalubega owatwiire Yiga omukooti obwe arikumuvunana okumuzalamu omwana n'okumusiga endwara ya sirimu n'okwanga kumuhereza obuyambi.
Nalubega akabanza kutwara Yiga omuri FIDA konka akabanza kwanga omwana .
Nikwo kusharamu kubagyenda bakakora DNA nikwo Yiga kwikiriza kuhereza Nalubega obuyambi burikwingana 150000 buri kwezi nikigambwa akahayo sente ezo kumara obwiire bukye yabireka .
Nalubega nikwo kusharamu kugyenda omukooti eya Nabweru nikwo kusharamu Yiga kwaguma nahereza emitwaro 80 nk'obuhwezi buri kwezi .
Obwe Nalubega akaba amazire kukwatagana n'ekitongore ky'abebiragiro aba Aid nikwo kugambira kooti ngu esente bashamerire kuba nibongyeraho ahakuba omwana akaba atandikire eishomero Kandi na nyina akaba arwire arikutunga obujanjabi.
Yiga akakihakanisa nikwo enshonga ze kutwarwa omu kooti eya Buganda Road okushaba kwa Nalubega kwabingwa .
Emboozi ya Pasita Augustine Yiga negumizamu otaruga aha Agoweitu ....
Huumura Tuganiire
Abakatoriki (2) Africa (3) Agekibarukiraho (43) Akaruuru 2011 (1) Akaruuru 2021 (26) Amagara (2) Amaka (5) Amakuru (538) America (1) Ebaruha (8) Ebirango (8) Eizooba Eri (5) Ekyanga Kyawe (9) Enfumu (3) Enganda (2) Esente (1) Haaya (1) Obugabe (8) Obutare (4) Okwiruka (2) Omuntu Waawe (12) Omupiira (24) Omushaho (1) Puriyamare (2) Ruhuuta (18) Senyiga Ya Corona (29)