Kagiira Skills Development Center, Agriculture With New SkillsPasita Yiga asigire yataho ebiragiro bigumire okwarashendekyerezibwe.
Ekanisa ya Pasita Augustine Yiga
Nekya Agoweitu
857
Orwakataano 2020-10-30
Entegyeka y'okuziika Pasita Augustine Yiga Abizayo zahwa Kandi nizija kuyambaho omuzitamburiraho okurugirira omubigambo ebyahandikirwe omugenzi Pasita Yiga atakafiire .
Yiga nayija kuzikwa aha Ssande aha kanisa ye hihi n'ekituro kya nnyina , Elizabeth kwagala owafire omumwaka gwa 2018.
Samuel Jengu, mutabani wa Yiga yahamya ngu okurugirira aha bigambo by'ishe obwahati Omugenzi ,akasiga yagira ngu kwarifa bamuziike bwanyiima y'okuhwaho ebiro bitaano .
Pasita Yiga akaruga omumagara g'ensi egi ebiro 26/10 kubara ebiro bitaano nikwo kushanga nibyija kuhwayo aha Sande .
Richard Kimbowa oubeingyi barikumanya nka Kojja Kimbowa abaire ari munywani w'omugenzi abaire agumize ngu omubiri gw'omugenzi nigwija kuretwa ahakanisa kawaala aharwa erizooba
Nihija kubaho okushabira omubiri gw'omugenzi n'abantu kumurebaho erisho ryamuhereru reru okuziika nikwija kubaho aha Sande ahakanisa ye hihi n'ekituro kyanyiina nikwo Pasita Yiga yasigire yagamba.
Ishe wa Yiga arikumuzaara omugenzi Yosef Matovu owafire omumwaka gwa 1995 beitu owazikirwe omuri Bukomansimbi Buddu
Gamwe aha mateeka Pasita Augustine Yiga asigiire yataho agubarakuratire batakamuzikire .
Akasiga yagira ngu bamuziike kwarahweho ebiro bitaano
Ekituro kyangye munyombekyereho enju .
Omunju eyimuranyombekyere munteremu tiivi Kandi erikworeka kurungi .
Kandi munziike hihi n'ekituro kya maama wangye.
Ariho ababandize kuhakana aha ntekateka y'okuziika Pasita Yiga ahakanisa barikwenda ngu bamuziike Bukomansimbi eyi bazikiire Ishe kwonka bwanyiima nikwo kubagambira ngu Yiga abaire nakukunda ekanisa ye munonga niyo enshonga ahabwaki asigiire yagira ngu bamuziike ahakanisa ye .
Beitu ngu eki nikija kuyamba abantu ababaire nibamukuratira kuguma nibamwiika ayahumurire hamwe n'okukuma ebintu bye namunonga okwabiire nayikirija ngu abafu tibafa .
Eizooba rya nyomwebazo batandikire kushomba ebintu ebirayambe okwombeka ekituro ky'omugenzi Pasita Yiga ebirimu nka amabare ga kajjansi .
Shoma oreebe ebigamba ebi Yiga asigiire yagamba atakafiire. Bimwe aha bigambo ebi Yiga asingire yagamba n'okumwombekyera akaju kakye aha kituro kye reru bamuteremu tivii empango
Ekituro Kya nyiina Kiri enyima y'ekanisa ariho n'omusharaba ogurikwera hamwe n'amabare getorire ekituro kyoona konka tigombekire nka ebituro ebindi ebyabagiga biba nibushushana .Ttivi eine kuba neyoreka ebirikugyenda omumaisho ekyo nikyoreka ngu akaju akarayombekwe beine kutekamu amashenyarazi okubakozire ekituro Kya canan James Ddungu orugire kuzikwa Nateete
Kyapambalaasi akesiimira ekituro kye ahakanisa ye Uganda Martyrs Church Bushega erimu n'amatribona kuruga ahanju eyebeyi ,amashanyarazi hamwe n'ebihandiko by'okumwijuka.
Oyihireho ekanisa,Yiga ekintu ekyabaire nakunda munonga ni Ttivi yeye ya ABS
Okurugirira aha bantu b'omunda babaire bagumize ngu Yiga okushaba ngu azikwe na Ttivi kabaire Kari akabonero kw'okworeka okwabiire nakunda Ttivi ye.
Huumura Tuganiire
Abakatoriki (2) Africa (3) Agekibarukiraho (43) Akaruuru 2011 (1) Akaruuru 2021 (26) Amagara (2) Amaka (5) Amakuru (538) America (1) Ebaruha (8) Ebirango (8) Eizooba Eri (5) Ekyanga Kyawe (9) Enfumu (3) Enganda (2) Esente (1) Haaya (1) Obugabe (8) Obutare (4) Okwiruka (2) Omuntu Waawe (12) Omupiira (24) Omushaho (1) Puriyamare (2) Ruhuuta (18) Senyiga Ya Corona (29)