Ebirango Bikuru

   Kagiira Skills Development Center, Agriculture With New Skills
   Diary Farm Training By Kagiira Skills Development Center in conjunction with Eiraka Radio

Ekibiina Kya NRM Ibanda kubingwa omu offisi zakyo.*



Nekya
392

Orwakataano 2020-03-20

*Ekibiina Kya NRM Ibanda kubingwa omu offisi zakyo.* *Kinyagire kumara ameezi makumi abiri (20).* Turikwetebekanisiza akaruuru k'okutoorana mukuru w'eihanga akorekyereirwe kuteerwa omwaka gwa 2021, obwahati bamwe ab'ekibiina kya rwangisiiriza omu disiturikiti ya Ibanda ebyara bariyo babiteire omunyindo bwanyima y'ab'arikukurira ekibiina nikyo kimwe omuri Ibanda kuremwa kushashura sente z'okupangisa. Nikigambwa ngu abakuru abarikukurira ekibiina kya rwangisiiriza omuri disiturikiti egyo bamazire ameezi garikurenga makumi abiri (20), batarikushashura esente z'okupangisa omwanya ogurimu ofiisi z'ekibiina. Ekibiina kya rwangisiiriza, nikipangisa omwanya gwa ofiisi aha bwa shilling emitwaro makumi abiri (200,000/=) buri kwezi. Tugyerizeho twagamba na mukama w'ekyombeko ekyo omanyirwe nka Ssesanga Mayazi kandi omuhagizi wa NRM enkomba kandi yaahamisiriza ku atashashwirwe kumara obwire obwe bwona, agumize ngu agumisiriize byona byaba ebya busha. Agizire ngu agyerizeho n'okworeka obuntu, nk'omwe aha bantu enkunzi za rwangisiiriza omuri Ibanda, byona byarema, ngu kandi obwahati, naabanja ekibiina ekyo, sente zirikwingana obukaikuru buna nemitwarwo abiiri (4,200,000/=) omu sente eza Uganda. Agumizeemu arikugira ngu agyerizeho kugambaho n'abakuru b'ekibiina omu disiturikiti ya Ibanda, ngu baitu takareebire nteebekanisa yoona ey'okumushashura sente ze, nawe akabaasa kukora ebyashemereire kukora. Kandi akareeberera eka ye. Baitu omushaija ogu, arahiire yaarigasa aha itaka, ngu byona kubiraareme, naija kuraara yaatsiba enju ye, nari ebintu by'ekiibina kya NRM abitambikye aheeru. Bwanyima y'okuhurira ebi byona, abanyamakuru baitu ab'agoweitu, babiteiremu enkaito kubuuza abarikukurira ekibiina kya rwangisiiriza omur'ibanda, konka tibabaasize kubareeba, nikwe kugyezaho kubateerera amasimu , n'ago bakashanga gatariho. Abanyamakuru baitu, tibakomire aho, babaasize kuganiiraho n'abanyakibiina batari bamwe na bamwe, kandi abaherize kworeka ekiteekateeko ky'okwetsimbaho ahantebe zitarikushushana omu disiturikiti ya Ibanda, obwe barikwegamira tikiti ya ekibiina kya NRM. Omuri abo, tubugeineho, Dr. Atuhe Innocent Gamba nookora, orikwenda entebe y'obuny'eishengyero aha bwa Ibanda ey'amashuuma, kandi we agizire ngu tibarikuza kwemera kuhemuka, ahabw'obukaikuru buna nemitwarwo abiri (4.2m) buti, agumize ngu ekibiina ku kiraaremwe kushashura, bo aborekyereire kwetsimba barikwegamira akakongi/tikiti ya, rwangisiiriza, nibeija kwekoramu omurimo.

Huumura Tuganiire

Abakatoriki (2) Africa (3) Agekibarukiraho (43) Akaruuru 2011 (1) Akaruuru 2021 (26) Amagara (2) Amaka (5) Amakuru (538) America (1) Ebaruha (8) Ebirango (8) Eizooba Eri (5) Ekyanga Kyawe (9) Enfumu (3) Enganda (2) Esente (1) Haaya (1) Obugabe (8) Obutare (4) Okwiruka (2) Omuntu Waawe (12) Omupiira (24) Omushaho (1) Puriyamare (2) Ruhuuta (18) Senyiga Ya Corona (29)