Ebirango Bikuru

   Kagiira Skills Development Center, Agriculture With New Skills
   Diary Farm Training By Kagiira Skills Development Center in conjunction with Eiraka Radio

Omwahure ateire omutaka yagwa kihumura


Rev Mutambi
Nekya Elia Divasi
1028

Orwakashatu 2021-02-24

Omwahure ateire omutaka yagwa kihumura Obwe abantu amaisho bariyo bagahangire emeeri ya abamerica hamwe n'emotoka etarikurabwamu amasasi abaturagye omukyaro Kya Rwemiyonga ,kibaare nk'omuruka omu gomborora ya Bumbaire erikushangwa omuri Bushenyi Disturikiti ebyaara bariyo babiteire omunyindo bwanyiima y'omwahure kutera omutaka kiboko ezimbaguta yateire muha akagwa kihumura .

Nikigambwa ngu Omwahure oubeingi barikumanya nka Reverand Mutambi esande eyituteire amabega akashanga omutaka arikuraba omwitaka rye nikwo kuronda emiguha yakamba akamukoma amaguru n'emikono nikwo akamutera nk'omushuma w'empunu.

Nikigambwa ngu Omwahure tigwe murundi gwe gw'okubanza kukora ebikorwa bikuhemurana nk'ebi enyiimaho akatahirira kamina y'omuturagye nayo yagishenya tarakomireho omukwezi kw'ikumi nebiri (12) omwaka ogututeire amabega nikigambwa akarete emihiri (goons) nikwo batahirira ekibira ky'ekanisa bakitema kyoona agumize ngu n'Itaka rye .

Rev.Mutambi nikigambwa ngu akahumura emirimo y'okuhereza omu kanisa konka arikuza kuhumura emirimo akaba ari Chaplain wa Ankole Western University erikushangwa omuri Kabwohe Sheema . Omukugambaho na abaturagye babire bagumize ngu Rev.Mutamba n'omushaija mubi munonga Kandi omushuma w'amataka ruranganwa omuri Bushenyi .

Abataka nibagyira ngu nobuyabire atakashomire obwahure bakamukwataho arikwiba ebitookye nikwo kumubinga omu seniya konka ngu yamazire yayeteisa nikwo kugaruka aheishomero.

Omutaka otayenda twature amaziina gye yahamize Agoweitu ngu enyimaho Omwahure Mutambi akabingwa omubwa Reverand obwe arikubingwa Rtd Bishop Bamunoba konka akiiza kuba nagaruka omubuhereza bwanyiima y'okuzaho Bishop omutsya Bishop Magambo .

Beitu nikigambwa ngu Omwahure Mutambi n'obu arabe yahumuzibwa konka n'obwahati nakikora emirimo emwe y'ekanisa nka Okubatiiza ,okushembeza oteireho n'okushabisha .

Abaturagye nibagyira n'ekintu kirikuhemurana kushanga omuntu nk'Omwahure arikuza omubintu ebitarikuhisa mukama ruhanga ekitinisa oteireho n'okushisha ekitinisa ky'ekanisa ya mukama Ruhanga na munonga omunyikiriza y'ekikurisitayo .

Tugyerizeho kugambaho na Rev .konka esiimu ye ebaire etarikurabamu

Nitwija kugumizamu turikuhitsyaho byoona ebirikugyenda omumaisho

Huumura Tuganiire

Abakatoriki (2) Africa (3) Agekibarukiraho (43) Akaruuru 2011 (1) Akaruuru 2021 (26) Amagara (2) Amaka (5) Amakuru (538) America (1) Ebaruha (8) Ebirango (8) Eizooba Eri (5) Ekyanga Kyawe (9) Enfumu (3) Enganda (2) Esente (1) Haaya (1) Obugabe (8) Obutare (4) Okwiruka (2) Omuntu Waawe (12) Omupiira (24) Omushaho (1) Puriyamare (2) Ruhuuta (18) Senyiga Ya Corona (29)