Kagiira Skills Development Center, Agriculture With New SkillsMpaka nitufeera aha Itaka ry'Isaaza -Abanyibanda
Ekihandiko ekyarebwaho aba Agoweitu
Nekya Elia Divasi
954
Orwakashatu 2021-03-03
Abaturagye ba Ibanda barugayo bayoreka obutashemerwa bwabo aharyabo boona abarikutekwatekwaho kuba bari omurukwe rw'okwiba ekibira kya aha Isaaza.
Nikigambwa ngu 2007 kanso y'Ibanda District eyabeire eyebembirwe kamugisha nka sipika,Deputy spiiki Bamya ,kazwengye melichiadisi nka mukuru w'entebe ya katano hamwe nabandi bakashutamu basharamu kubahanisa ekibira ekirikushangwa aha Ishaazi barikuhanisamu n'orushozi rwa Bamu orukushangwa omuri Rukokoma kagongo
Enshonga ekaba eri ngu bafurure ekibiri kuruga omu town bakitwara rukokoma nkagumwe ahamuringo gw'okwenda kutungura ogwe mwanya gw'ekibira obwe barikwombekaho ebizimbe.
Nikigambwa bakasharamu ngu Bamu bamuhereze plots 50 z'aha kibira nikwo naawe abahereza heka 50 z'orushozi kanso ekagumizaamu yaragira kuguma neshohoza akasente kw'okuyambaho omukureberera ekibira nikyo kimwe babahereza esente zirikwingana miriyoni 15 kufuruura ekibira kuruga aha'Ishaza kukitwara omuri rukokoma omurushozi obwe barikubyarayo emiti
Esande eyituteire amabega kanso ekasharamu kutambura kuza Rukokoma kurambura ekibira nikyo kimwe beitu kikaba ekyobusasi kushanga ngu tihariyo n'obugwakuba omuuzi gw'omuti kandi oijukye ngu kanso etwiire neshohoza esente nyamweingyi z'okureberere ekibira nikyo kimwe kuruga 2007 kuhitsya hati.
Beitu oijukye ngu kamugisha nka sipiika atwiire nagambira za kanso zoona okubiine ekibiira ekibarikureberera ngu beitu esaaha kwerihika baryakishara emiti nikwo esente zigarukye omu local revenue ya Distrikiti .
Nikigambwa ngu kubagireyo ekibiira kukihanisa paramenti yayanga ahakuba kikaba kiri ekya NFA National Forest Authority .
Nikwo enshonga kuzitwara omukooti okurugirira aha bantu abagiire omurushozi kureba ekibiira ekyo nibagira ngu n'obwokupiima eitaka eryo tiribasa kuhiika heka 50.
Agahurihuri nigagira ngu abo boona abari aha deki bakehereza buri omwe plot zirikwingana 17 ahaitaka rya Ishaza abarimu Kamugisha ,Kazwengye nabandi
Eizooba rya nyomwebazo nikigambwa kamugisha asangirwe ariyo narambuza abantu plots ezayine ah'ishaaza arikwenda kubamuherezamu sente ngu obwahati plot nagiguza obukadde 70 omusente za uganda abamushangiremu nikwo kumwirutsya bagumize ngu orugye aha'Itaka rya abany'Ibanda otaryete eryasho ninga eryanyoko naawe ati nimunkorakyi byoona byahwire murekye kwetereza busha omutwe .
Beitu ngu timurundi gw'okubanza barikugyezaho kwiiba eitaaka eryo omugeiga Mutara akaba yagyerizeho okuryangatanisaho plot zirikwingana 2 abanyibanda bamuremesa'
omukugamabaho na Mwine Innocent mwine bakamuhara yaba agumize ngu bagyerizeho kwetegyereeza eryo Itaka ryekibiira eri kamugisha na tiimu yeye barikugamba kuba niryingana ploti makumi atano zonka bashanga ariho plots zirikwingana 80 nokurengamu ekirikumanyisa ngu bakapiimaho makumi atano ezibabire nibenda kuhereza Bamya owarukokoma kubahamu orushozi nikwo kusharamu kubagana eziindi ezabire nizirengamu obwahati ezi bariyo nibarwanisa kuba baguza abantu batakamanyire kyenyini ekiriyo nikigyenda omumasho.
Ahindikuhandikira ebi byoona abanyibandi bamazire kuba nibakoraho ekibanza ky'omumwanya ekimanywa nka watsap group eyetsirwe 'SAVE ISAAZA FOREST' beitu egi gurupu egyendereire kukunga abany'Ibanda n'okubashomesa oku abarikweyendeza ebyabo bariyo nibagyezaho kwiiba eitaka ryabantu ba IBANDA.
Beitu Joveline Kalisa oriwe omunyeishengyero ahabw'abakyara ba Ibanda District arikurabira aha gurupu niyo emwe save Isaaza forest yahamiza abany'Ibanda okwarinabo omurugyendo oru orw'okuremesa abarikwenda kwiba itaaka eryo agumize ati 'Good morning abanyibanda .I pray that we overcome yet this challenge as explained here. Be strong enough to win this war,cz these guys are dangerous' Anyway there is alot to investigate as far as our district land is concerned ;All has been robbed by the king makers n thats why they fight to stay their wrong deeds'' ebyo nebigambo bya Joveline kalisa kandi we mwine Innocent naawe yarebwa agumize ngu obwahati nafuna amasiimu garikumutinisiriza ahabwenshonga y'itaka niryo rimwe kandi yahamwe okwayehireyo kuffa nitaka eryo kuhisya obu agogashuma runkunku baragaruuze eitaka eryo omumikono yabany'Ibanda
kandi we Kamagara Godfrey oubeingi barikumanya nk'owempare nguffu rugamba bwiiso yagambira Agoweitu ngu abehooki oba mushana oba njura y'eihunga mpaka eitaka ry'Ishaaza nirigaruka omumikono yabanyibanda tirikwija kwikiriza itaka eryo kwibwa barikureba .
Okurugirira aha gurupu egyo eya Save Isaaza Forest barebwa barikutongoza eizooba ry'orwamukaga nk'izooba ry'okworeka obutashemererwa kwabo ninga ryete eizooba ryokwesharinga ahabwa Itaka eryo
Obeth nawe yarebwa agumize ngu Abany'Ibanda egi niyo saaha y'okukwatanisa nikwo tukaremesa aba baninyeyendeza nk'owabuyanja .
Kandi we Mutabaruka yahamya okubamazire kuba nibafuna ebipapura byoona ebirize kuyambaho omukutambuza kampeyini egi kuhisya obu eitaka eri riragarukye omumikona yaba Nyibanda .
AGOWEITU twagyezaho kuteera esiimu ya kamugisha konka yaba etarikurabamu beitu naawe nitwija kumuronda turebe ekyarikugamba ahanshonga egi
Huumura Tuganiire
Abakatoriki (2) Africa (3) Agekibarukiraho (43) Akaruuru 2011 (1) Akaruuru 2021 (26) Amagara (2) Amaka (5) Amakuru (538) America (1) Ebaruha (8) Ebirango (8) Eizooba Eri (5) Ekyanga Kyawe (9) Enfumu (3) Enganda (2) Esente (1) Haaya (1) Obugabe (8) Obutare (4) Okwiruka (2) Omuntu Waawe (12) Omupiira (24) Omushaho (1) Puriyamare (2) Ruhuuta (18) Senyiga Ya Corona (29)