Ebirango Bikuru

   Kagiira Skills Development Center, Agriculture With New Skills
   Diary Farm Training By Kagiira Skills Development Center in conjunction with Eiraka Radio

Abarikwenda embendera ya NRM ahabwa Kagongo Divijoni b'ehandikise, n'abantu mweenda (9)


Abetsimbiireho omuri Kagongo Divijoni
Nekya Agoweitu
1964

Orwakashatu 2021-11-24

Ny'omwebazo, 23/11/2021 abantu ba Kagongo Divijoni omuri Ibanda munisiparite amaantu b'agategiire aha Rediyo Eiraka bw'anyiima y'okubagambira ku abantu abesimbire aha entebe y'akashaatu (LC3) ahabwa Kagongo Divijoni.

Abantu mweenda abetsimbiire, boona na'bekiibiina kya Rwangisiiriza ekya NRM kandi akaruuru nikazakuterwa eizooba ry'orwaakatano ebiiro 26/11/2021. Ekibiina kya Rwangisiiriza ekya NRM kikashoohoza ekyenderwaho esaabiti ehwiire.

Okutandika kuswiziima abantu abarikwenda entebe egi kukatandiika ah'izooba ry'orwokuubanza ebiiro 22/11/2021 kandi kuhendire eizooba ry'anyomwebazo orwakabiiri ebiiro 23/11/2021.

Bw'anyiima, y'okuteera akaruuru aka, orwakaatano rw'ebiiro 26/11/2021, nihiiza kubaaho akaruuru akandi akatebekanisibwe abekiintongore eky'obuururu omwihanga ry'ona. Okwehandikisa okw'ebiibina ebindi kuraabaho ebiiro 28/11/2021 na 29/11/2021 bw'anyiima akaruuru katerwe ebiiro 15/12/2021.

Okugambaho na Rediyo Eiraka, arikuukurira akakiiko k'ebyoburuuru omuri Ibanda disiturikikiti omukiibina Kya Rwagisiriza ekya NRM, Moses Arimwerenga, y'ashooma amaziina g'abantu abehandikitse kandi abariyo nibaaritanira entebe egyo. Omuri mweenda abetsimbiire hariimu Mukama Gilbert Rutobo, Tukundane Josephson, Emmanuel Natureeba, Ssesanga Godwin, Kevin Kabulaya Kategaya, Adrian Kweyamba, Tusiime Vadio, Bamya T Francis na Mujuni Vicent.

Gilbert Mukama Rutobo; Ogu n'enzaarwa y'ekyaaro kya Saza, omuruka gwa Kyaruhanga. Omukoshoborora abantu ba Kagongo Divijoni agiziire nguwe n'ayenda kuheereza kandi n'omuntu w'abantu. Omuntu ayine egooga y'okukoora. Obwaahati n'akuriira ekibiina ekibarikweta Ibanda Community Development Group (ICDG) kandi ni Mr. Eiraka Radio 2021. Gilbert ni mutaabani w'omwami n'omukyaara Rutobo Salongo aba Saza.

Gilbert Mukama, eby'omwebenzi abimaziiremu obwiire buringwa kandi akesimbaho aha ntebe y'omunyishengyero 2015/2016 eya Ibanda ey'amashuuma.

Ahabimwe ebyayoorekyerire okukoora harimu, amarwariro marungi, egundo nungi, okuhanga hangaho obuutare kandi n'okurebereera purojekiti za gavumente.

Josephson Tukundane; Ogu n'enzarwa ya Mahega omuri Kyeikucu. Obwaahati ayiine emyaaka 21 y'onka y'obukuru. Josephson Tukundane agiizire ngu abantu ba Kagongo Divijoni baheeza kumuha obushagiki, naija kutungura amagaara g'eminyeto kandi areeteho ekwatanisa.

Natureeba Emmanuel; Ogu abaingi nibamunya nk'Omuguuda. Ogu n'aruga omumuuruka gwa Nyakatokye. Omuguuda aketsimbaho omukaruuru akahwiire konka tibiragyenziregye. Asiimire abantu abamushagiikire kandi agiziire nguwe amaani meingi n'ayenda kugata omuminyeeto. Obwaati na'ngira ngu y'aresiire ekyooma ky'okwatura obwaana b'wenkoko kandi omukaruuru akahwiire akagaba etundubaare omu miruuka ya Kagongo Divijoni.

Kabulaya Kategaya Kevin; Ogu obwahati niiwe ari omuntebe y'akagongo Divijoni nka Ceyamaani LC3. Kevin niiwe ariyo akumiire entebe egi okwitsa akaruuru katerwa. Omubigambobye, y'araganitsa okwinegyeza ebya amagaara kandi akaata omunkora puroguramu za gavumente. Kevin n'aruga omuumuruka gwa Kanyasheko.

Steven Mujuni; Ogu n'aruga Karindiriro omumuuruka gwa Kashangura. Steven naakora na Rediyo Eiraka kandi omubigambobye naawe y'araganitsa okwinegyeza ebya amagaara. Obuhereza obumwe obuyahikize abantu ba Kagongo Divijoni ninka okuceebera kansa y'omunwa gwa nyina enda n'okubakura amaino.

Tusiime Vadiyo; Ogu naawe n'aruga omumuuruka gwa Nyakatokye kandi nikigabwa akaba naawe y'ayesimbireho aha ntebe y'omunyishengero wa Ibanda munisiparite omukaruuru akahwiire. Ogu y'agiira n'ayenda okubinga okushabiiriza kwa abantu ba Kagongo Divijoni kandi n'ayija okureeta purojekiti y'obuume. Agiizire purojekiti y'obume erimu edinaari nyamwingi munonga.

Kweyamba Adrian; Ogu abaingi nibamunya nka 'Faaza'. Kweyamba naawe n'aruga omukyaro ekya Mahega omuri Kyeikucu. Ogu akashoma ebya inginiyaringi. Omukugambakwe, agiizire ngu n'ayiija kuhwera abaana ba Kagongo Divijoni b'ashoome ebyomikoono.

Ssesanga Godwin; Obwahati niiwe Ceyamaani LC1 wa situriti ya Jubilee omuri Kyaruhanga. Ogu akahereezaho omuri Ibanda Tauni Kanso kandi akajwekyeraho omuruuka Kyaruhanga aha Kagongo Divijoni. Ogu agiizire ngu n'akutebekanisa embaaririra erayambe Kagongo Divijoni okutunguka.

Bamya T Francis; Ogu obwahati ayiine emyaaka 60 y'obukuuru. Bamya T omukugambakwe agiizire akaherezaho omuri Ibanda Tauni Kanso nka LC III Ceyamaani Kandi n'omuhingi w'omwami n'emiiti.

Ogu agiziire naijakukoreera abantu ba Kagongo Divijoni okurabiira omu bumanyi obwayiine omukishayi ky'obwembezi.

Kagongo Divijoni ayiine emiruka mushaanju (7). Kagongo, Kyaruhanga, Rwenshuri, Kyeikucu, Nyakatokye, Kashangura na Kanyasheko.

Entebe y'akashaatu (LC3) ekiija y'arugaho bw'anyiima y'okufa kwohwabaire ari Ceyamaani LC3 Kagongo Divijoni Aggrey Mushaabe.

Huumura Tuganiire

Abakatoriki (2) Africa (3) Agekibarukiraho (43) Akaruuru 2011 (1) Akaruuru 2021 (26) Amagara (2) Amaka (5) Amakuru (535) America (1) Ebaruha (8) Ebirango (8) Eizooba Eri (5) Ekyanga Kyawe (9) Enfumu (3) Enganda (2) Esente (1) Haaya (1) Obugabe (8) Obutare (4) Okwiruka (2) Omuntu Waawe (12) Omupiira (24) Omushaho (1) Puriyamare (2) Ruhuuta (18) Senyiga Ya Corona (29)