Ebirango Bikuru

   Kagiira Skills Development Center, Agriculture With New Skills
   Diary Farm Training By Kagiira Skills Development Center in conjunction with Eiraka Radio

Balinda Julius na Kamiro kukwatana butsyo bw'antama


Kamiiro na Balinda
Nekya Eiraka Radio
719

Orwakashatu 2021-12-15

Ahitukugambira ebi, abahagizi b'ebyemizaano omuri Ibanda enkeito bazijwire obwo nibatambura kuuza Kagongo kureeba empaaka z'okwiruka ahagati ya Balinda Julius na Kamiro. Balinda Julius naruga omuri Ibanda Munisiparite kandi ogu ayiine obureemezi bwa kilroguramu 110 (110kgs). Kandi Kamiro akusibuka omu matemba ga Ibanda nareemera obureemezi bwa kiro 140 (140kgs). Aba nibaija kwiruka obureingwa bwa miita 100. Okugambaho n'abahagizi baabo aha Eiraka Radio 89.7fm, Balinda ahamisiriize abahagizi be ngu naazakusinga empaaka ezi kandi n'omuntu atwiire n'akoora ebisaasayizi kandi ayiine waaka. Kamiro abaire ashendekyerezibwe omukyaara we, agizire ngu nayiiruka nka Maaya Kandi Balinda naaza kumureba ahansi y'ebigyeere. Abandi bantu nyamwingi abaine obureemezi bwa Kiro 100 (100kgs) n'okugarura ah'eiguru naabo nibaija kuraara bayetaba omumpaaka ezi. Endijo mizaano neeza kuba eri emipiira y'abakaazi kandi abebeembezi ba Ibanda. Omwe omubeebembenzi Owekitinisa Obeith Asimiire ayetsire abantu kwiija kuhagiira Kandi n'okwerebera n'agaabo. Empaaka ezi zigyendereire kuronda sente z'okuhunduza Ibanda Baby's Home nainga eikumiro rya abaana abataine baabo Kandi abaingi abanagirwe aha mihanda. Ekindi ekikyendererwa n'okubutuura amagara marungi n'amunonga ahamibiri yeitu obwo oteebirwe kureeta enkoragana ahagati ya Ibanda ey'amashuuma, eyamatemba, munisiparite na Kitagwenda. Bamwe abahagizi ba Kamiro, abarimu Lumumba Denis na Osborn Mushabe nibagyira ngu ekyaabo kyahweire obuhangunzi n'obwa Ibanda eyamatemba. Ibanda disiturikikiti, nekorwa amashaaza eshaatu kandi g'oona geine abantu abokuhagira eby'emiizano. Nihaija kubaaho n'okwiruka kwobuuti obwo ba LC1 bakuruga Ibanda disiturikikiti aharaabeho okuhayana Okusiika emiguha n'endijo mizaano nyamwingyi.

Huumura Tuganiire

Abakatoriki (2) Africa (3) Agekibarukiraho (43) Akaruuru 2011 (1) Akaruuru 2021 (26) Amagara (2) Amaka (5) Amakuru (535) America (1) Ebaruha (8) Ebirango (8) Eizooba Eri (5) Ekyanga Kyawe (9) Enfumu (3) Enganda (2) Esente (1) Haaya (1) Obugabe (8) Obutare (4) Okwiruka (2) Omuntu Waawe (12) Omupiira (24) Omushaho (1) Puriyamare (2) Ruhuuta (18) Senyiga Ya Corona (29)