Ebirango Bikuru

   Kagiira Skills Development Center, Agriculture With New Skills
   Diary Farm Training By Kagiira Skills Development Center in conjunction with Eiraka Radio

Manya Ekyaanga Kyaawe - Omuruka gwa Kabaare


Emihanda etari emwe nemwe omumuruka gwa Kabaare, Bisheshe Divijoni Ibanda munisiparite.
Nekya Agoweitu
1077

Orwakabiri 2021-12-28

Omuruka gwa Kabaare nigushangwa omuri Bisheshe Divijoni, Ibanda munisiparite, Ibanda disiturikiti.

Kabaare n'ekorwa ebyaaro ikumi na bitaano(15) kandi omwe harimu _Kagango 1,2,3,4 na 5, Kyembogo 1 na 2,Keihiro 1 na 2, Kabaare 1 na 2, Rushaka 1 na 2 hamwe na Gabaruuri.

Abatuuragye b'omubyaaro ebya Kagango na Kyembogo obushaasi beine bwingi bwanyima y'enguuto zaabo kusiisikara kandi obwahati waaziramu noshusha oti n'ebihandagazi by'ente.

Enguuto ezi nizitwaarwa orukiiko orwa munisiparite baitu abakuru abari kukwaatwaho amatu bagateiremu ebiti ekireteire abatuuragye okweshaaringa.

Okurugirira ahari Gabriel Senior, omutuuragye wa Kagango ashoboreire ngu enaku ninyingi okushanga abeebembezi baabo batari kubafaho kandi obwe baatereirwe akaruuru omumwaka 2021. '... konka ekindi ekirikutushasha omumyaka ebiri ehweire, bakareeta[Gavumenti] ebikondo by'amashanyarazi, baataho n'ewaaya [hamwe] naturansifooma konka abashuma kubareebire haamara obweire [buriingwa gatarikwaaka] ewaaya baaziiba''

Omubi bindi ebibari kwetomboitaho, ni Amashanyarazi okutwaara emyaaka 4 gatari kwaaka, Amashomero, Obwegyese obutari ha mutiindo, amaizi mabi, okubura emibazi ahari Kabaare HC ll n'ebindi.

Musinguzi Stanley orikukiikirira ekyaanga kya Kabaare aha munisiparite yaagira ngu enshonga z'enguuto naazimanya ngu kandi yaaza kukora ekiri kubaatsika okureeba ngu zaatebekanisibwa.

Nikijukwa ngu enguuto z'Ibanda niziteganisibwa munonga enjura nyingi ahabwa enshozi hamwe n'okubura ka _maramu_ ahaiguru.

Omushaki owa Ag'oweitu

Huumura Tuganiire

Abakatoriki (2) Africa (3) Agekibarukiraho (43) Akaruuru 2011 (1) Akaruuru 2021 (26) Amagara (2) Amaka (5) Amakuru (535) America (1) Ebaruha (8) Ebirango (8) Eizooba Eri (5) Ekyanga Kyawe (9) Enfumu (3) Enganda (2) Esente (1) Haaya (1) Obugabe (8) Obutare (4) Okwiruka (2) Omuntu Waawe (12) Omupiira (24) Omushaho (1) Puriyamare (2) Ruhuuta (18) Senyiga Ya Corona (29)