Ebirango Bikuru

   Kagiira Skills Development Center, Agriculture With New Skills
   Diary Farm Training By Kagiira Skills Development Center in conjunction with Eiraka Radio

Twakuretera Abany'Ibanda b'ataano(5) abataryebwa orurembo Kampala.


Dr. Panadol, Divasi, Franc, Smith na Lydia
Nekya Diva Da Blogger
1969

Orwakana 2022-02-17

Abany'Ibanda abeizire nibashomesibwa ekibuga Kampala "Bakabihamu obunyakyaro"

Ag'oweitu nitugumizamu n'okukuretera oku embeera eyemereire omumyanya etari emwe n'emwe, obwahati twasharamu tukuretera abantu batari bamwe n'abamwe abeizire nibabugana obuzibu omumirimo yaabo obwe bari omururembo rw'eihanga orwa Kampala.

Twakuretera abantu bataano (5) b'amaani kandi enzarwa z'orurembo orw'Ibanda konka abarikukorera emirimo yaabo omuri Kampala.

Abantu aba nikigambwa ngu Kampala ebaasize kuba nebanurira orubaju rumwe, kandi bagaruka bagishangamu okugumirwa, okuterwa kandi hamwe n'okwibwa ebintu byaabo ebirimu amasimu, esente hamwe na za karimagyezi.

1. Dr Ninkusiima John Paul ( Panadol)

Ogu n'omushaija w'amaani munonga kandi obwahati niwe omuny'eishengyero ahabwa Ibanda eyamashuuma beitu oijukye ngu ni Dr muramba konka nkoku abanyankore bagira enfumu ngu "Enkonko y'omukyaro tekokyera omu town" abanya Kampala bakasharamu bamwakiira kurungi omuri Kampala obwe bari kumuha ka werokamu k'empi nangwa n'okumwihaho akasimu keye k'embeyi akuyabaire aguzire omumushara gweye gw'okubanza nk'omunyeishengyero.

Okurugirira ahari Diva Blogger kandi ori Blogger w'amaani omuri burengyerw-izooba kandi oriwe kanyonza ya Dr. Panadol akahandiika arikurabira aha mukutu gweye ogwa facebook arikumanyisa abany'Ibanda n'abanywani ba Dr. Panadol oku munywani waabo yagwa omubatemu bakamutera kandi bakafumura emipiira y'emotoka ye ensya eyiyabeire amazire kugura oteireho n'okumutwaraho esimu ye.

Beitu Diva Blogger tarakomire aho akagumizamu yagabana embozi niyo emwe ahamutimbagano mugeita byaro ogwa Ibanda Community Development group(ICDG) ogwa WhatsApp, kandi abantu nyamwiingi bakashasha na Dr. Panadol obwe barikumugira ngu ahumure ahakuba baaba bariyo nibamwihamu obunyakyaro bw'Ibanda oteireho n'okumwakiira omururembo orukuru orw'eihanga.

2.Franc Kamugisha.

Kandi we Franc Kamugisha ori mukama wa kampuni erikukora amategura okuruga omubintu bya purasitika kandi nawe orikukorera omu rurembo orukuru orwa Kampala kandi oryomwe aharyabo abatambwiire omu muhanga gatari gamwe nagamwe agarimu America, Germany hamwe na Ghana, ekyo tikyiraremeise abaana ba Kampala kumwihamu obunyakyaro.

Franc Kamugisha akaruga omuri Ibanda omumwaka gwa 2018 beitu obwe bwiire akaba nakora na yunivasite ya Ibanda konka n'obuyabaire ashomire kurungi kandi ayetegyereze, aba Kampala bakamuha ka werokamu.

Eizooba rimwe Franc agyenda kurya sente zeye z'ekisigazi owa Muhangi Comedy store mwenu kuzabire shaaha munana Franc asharamu kugaruka oweye, oijukye ngu obwe bwiire akaba narara Najjera beitu abashuma tibaramwikirize kuhikayo nikwe kumushekura bakamwata enyindo n'angwa n'esimu eyiyabaire amazire kugura esente za Uganda zirikwingana emitwaaro ana n'etaano(450,000/) nayo bakagitwara. Okurugirira aha babire bari na Franc omumwanya ogwe ogwa Comedy store nikigambwa ngu kuyamazire kukwatwa omubabiro, ahabw'omweshongozi Eddy kenzo owabaire ari aha sitegi, Franc esimu akagihayo ngu obundi akabaasa kuba nayeteza ekishushani na omweshongozi w'amaani omw'ihanga. Aho niho abagyezi ba Kampala bamurebiremu obunyakyaro nikwo bakasharamu kubumwihamu, nikwo kumurindira aheru ya geti bakamuteera ezi Mbaguta yateire muha, n'esimu bakagitwara.

Franc Kamugisha bakamusigyiraho kakye ak'okwisya beitu nikigambwa ngu munywani weye orikumanywa nka Prince Emmanuel niwe yabasize kuba namuyamba obwe arikumwirukangiza omwirwariro erikuru erya Case Hospital eyiyamazire wiiki yoona arikutunga obujanjabi.

3 .Komugisha Lydia

Egi mpangare erikunyirira munonga nk'ekinya kigwire omumaate, nekora n'ekitongore ky'amaizi ekya National Water & Sewage Cooperation(NWCS) omu rurembo Kampala kandi obwahati n'omwe aha mpangare ezirikuraza abashaija babandi batabyamire. K'orikubuza abashaija enshonga ahabwaki nibarwanira egi mpangare nibagira ngu manya nakora omumeizi kandi ameizi n'amagara oba oryaho oshanga omwana ameizi nagabahereza omubwijwiire atateiremu k'eitima.

Ebyo byoona bikiri aho nobwarabe naraza abashaija batabyamire obunyakyaro tiburamuhwiiremu kuhisya obu aba Kampala bamushomesa okubarikukwata esimu na munonga waba ori omumwanya nka Owino market hamwe na waaba ori omu takisi.

Komugisha esimu bakagitwara bamushaba na risiiti yaayo nikwo kuterera munywani weye owagiretsire nayiruka akagibahereza nikwo bakamurekyera amagara. Nikigambwa ngu akatemba taxi yabashuma kuyahikiremu bamushaba kwabahereza byoona ebiyabire ayine beitu nkokworikumanya empangare z'erigyenda akaba ayine akashaho akabeire karimu ebyokweboneza ahameisho nikwo kumushaba sente konka nazo akaba ataziinemu, omu kashaho akaba ayinemu shs1300 zonka obwe n'eza turansipoti ziri aharyezo.

4 Douglas Smith

Douglas Smith niwe mukama wakampuni emwe yonka erikukora emipiira omw'ihanga rya Uganda.

Ogu natuura omururembo Ibanda konka nakira kumara obwiire bwingi omuri Kampala arikurya aha ka sente oteireho n'okureba ebyaana ebyakozire enyugunyu omururembo orukuru orw'Ihanga Kampala.

Douglas Smith esande eyituteire amabega nikigamwa ngu nawe akagwa omubatemu obamuteire nk'omuguta gwa burangiti oteireho n'okumuha ebibuzo bibiri ngu ayihemu ekigarukwamu ekyarikwenda "amagara n'esimu n'okundaki?" Ebyo nibyo ebibuzo ebyamubuzibwe.

Smith n'obubeingi barikumureba nk'omugyezi munonga tikiraremeise aba Kampala kumwakiira omubitiinisa byamaani munonga obwe barikumweshongoza otweshongoro turungi nka kanyonza obwe barikumubuza kana na katano eyarikuruga n'eyarikuza oteireho n'eshonga ahabwaki natambura ekiro.

Nikigambwa ngu Smith akasharamu kutambura ekiro arikworekyerera omuri Ntugamo eyiyabeire ayine emikoro beitu abashuma ba Kampala tibaramwikirize kwahikayo nikwo kumuhereza ka dozi keye.

Smith akatembe emotoka yabatemu kuyamuhikize omumwanya gumwe omuri Kampala nikwo kumushaba kwabahereza byoona ebiyabaire ayine.

Smith akaba aherize kugura esimu ya miriyoni ishatu (3m) beitu nayo bakagitwara bwanyima y'okumubuza ngu esimu egyo n'amagara gaawe n'okundaki?, Smith ati nyowe ninkunda esimu yangye nikwo kumutera oruhi rurikuremera kiro 30 akureba ba maraika bajwiire ebirikwera.

Okurugirira ahari Smith ngu we akaba namanya ngu bamutemesa omuhoro nikwo kukwataho ngu obundi akayesimura eshagama nikwo kushanga etariho.

Smith akasharamu yaikiriza ngu amagara nigakira esimu beitu n'obuyaikiriize bakamutera ezindi nyingyi munonga yareba abajungu barikurenga 4000 omumaisho geye abuyabaire ayetsire abantu abahandikirwe omu kitabo ekirikwera abubagamba ngu Yesu omwana wa Ruhanga akariisa .

Ogu kubamazire kumukoraho emikoro bamutambika aheru y'emotoka nikwo kukuruza enda ahansi nk'enjoka obwe agumize ati kabunu mpa amaguru ndugye ahampaha.

Nikigambwa ngu abanyambabazi bakamwirukangiza omwirwariro rimwe erikushangwa omuri Namugongo eyiyamazire ebiro 3 arikutunga obuyambi ngu obundi akagaruka aheirugu.

5. Blogger Twijukye Eliya

Wagamba ekigambo Blogger omuri burengyerizooba buri omwe natekateka ahari Diva Blogger !!!!!!. Diva Blogger amaziina gye nibamweta Twijukye Eliya Kandi abandi nibamumanya nka Ssabaswiga ahabwokuba naruga omururembo rukuru rwa Nyamiswiga omuri Kagongo Divijoni.

Ogu nawe omwe aryabo abatandikireho Agoweitu Media beitu n'obu arabe Ari omuhandiki w'amaani oteireho n'okusingayo okutambuza orugambo ahamikutu etari emwe n'emwe nka Facebook, Twitter, WhatsApp nebindi, nawe bakamwihamu obunyakyaro bwa Nyamiswiga eyarikuzarwa.

Diva Blogger omazire omuri Kampala emyaka erikwingana 2, abashuma bakamutangira omu paka enkuru ninga gyete Kampala Old Tax park nikwo kumutwaraho esimu ensya eyiyabeire amazire kugura omu sande nk'emwe.

Shaha emwe z'omumwabazyo Diva Blogger akasharamu kugyenda ahari Business centre Mulago, akanya akarikumanywa nka kamwe ahamyanya y'okuriramu esente omuri Mulago beitu kuyabaire ariyo nazakukwata ka taxi ka 500 kugira obundi kakamutambika Mulago nikwo abarikweyeta abagyezi ba Kampala kumurebamu obunyakyaaro bwa Nyamiswiga bakasharamu kweyambisa aha simu yeye obwe barikumutera omutehimbwa gw'omukono esimu akagibahereza omu busingye.

Nobu arabe yayirukangire aha Polisi erikushangwa hihi na 2K restaurant, n'obwahati esimu egyo takagirebaga.

Mbwenu aba nibo bantu bamwe abakuruga disiturikiti ya Ibanda Kandi bakakirwa omukibuga Kampala.

Nk'omweshongozi Bobi Wine nk'onkuyayeshingwire ngu Kampala tirirurembo rwa ba 'faara'.

Kandi nk'engamba eyabutosha ngu Kampala tibyombeko.

Shutama tuganiire.

Rinda emboozi endijo.

Huumura Tuganiire

Abakatoriki (2) Africa (3) Agekibarukiraho (43) Akaruuru 2011 (1) Akaruuru 2021 (26) Amagara (2) Amaka (5) Amakuru (538) America (1) Ebaruha (8) Ebirango (8) Eizooba Eri (5) Ekyanga Kyawe (9) Enfumu (3) Enganda (2) Esente (1) Haaya (1) Obugabe (8) Obutare (4) Okwiruka (2) Omuntu Waawe (12) Omupiira (24) Omushaho (1) Puriyamare (2) Ruhuuta (18) Senyiga Ya Corona (29)