Kagiira Skills Development Center, Agriculture With New SkillsReeba ahindugire ya Rev. Jastina Bashemaire
Rev. Justina Bashemaire
Nekya Diva Da Blogger
938
Orwakashatu 2022-03-30
Nooha Reverand Jastina Bashemaire?
Itwe nk'Agoweitu nitugyezaho munonga kukuretera abantu batari bamwe na bamwe, namunonga abariyo nibakora emirimo etari emwe n'emwe oteireho n'okutungura emyanya eyibarikurugamu.
Erizooba twakuretera empangare y'amaani kandi omunyadiini orikumanywa nka Revurandi Justina Bashemaire .
Egyi mpangare nezarwa omuri Karindiriro erikushangwa omuri Kashangura,Kagongo Divison, Ibanda Municipality, District.
Revurandi Justina Bashemaire nazarwa omuka y'abakurisitayo .
Ishe n'omugurutsi Edward Kugonza Kandi nyina ni Aidah Kugonza owarugire omumagara g'ensi egi. Omuka, n'abaana mushanju kandi niwe arikuhererukayo ninga mweete last born, kandi obwahati aine emyaka 28 y'obukuru . Justina ahabw'okuzarirwa omuka yaba nyadiina akajunwa omumwaka gwa 2007 obuyabaire ari omu seniya ya kabiri kwiha obwe nahati takagarukaga nyiima .
Akatandikira okushoma ahari Kashangura primary school, yaaza Mukara primary school ahiyahereize ekibiina kya mushanju. Justina Bashemaire akeija yaaza Equatorial college school Ibanda ehiyaherize seniya ya kana nikwo kuza Citizen sec school Ibanda kandi ahiyamariire siniya ya Mukaaga .
Kuyaherize siniya ya mukaaga nikwe kweyongyerayo aha yunivasite Makerere ehiyakorire diguri y'obushomesa (Bachelor of Arts with Education) .
Bwanyima akeyongyerayo yaaza Uganda Christian University Mukono nikwo kukora Masters of Divinity .
Justina tarakomire aho, akeyongyerayo yaaza omwihanga rya Kenya nk'omuburizi w'engyiri mwete Missionary omurwa Seeri kuruga 2020 omukwezi kw'okubanza kuhisya 2021 omukwezi kw'obanza, nabwanyima Rev. Bashemeire nikwe kugaruka omwihanga rya Uganda kandi akahebwa obwa Chaplain ahari Kibubura Girls Secondary School Ibanda, eishomwero ryamaani erikushangwa omuri Ibanda ahansi y'obureberezi bwa North West Ankore Diocese oburikukurirwa Taata-itwe omuri Ruhanga Bishop Amos Magezi .
Revurandi Jastina Bashemeire obwahati agarukire omwihanga rya Kenya ahariyo nashomera P.H.D nengashi degree ya kashatu omuby'okuburira engyiri ahari univasite erikumanywa nka Africa International University .
Ahamyaka 28 y'obukuru Revurandi Justina Bashemeire takashwiirwe.
Jastina Bashemeire n'oburabe atakashwirwe kandi ataine mwana, abasize kureberera abaana baingi munonga kandi baingi tibakiikiriza ngu tiwe arikubazara ahakuba nabatwara nk'abaana abeye abarikwezarira. Abaingi ekibarikugamba, nibagira ngu egi mpangare rukundo eyi ayiniire abaana bato tekarebwaga.
Revurandi Justina tarikukoma ahakuba omuburizi w'engyiri kwonka ,Justina n'omukozi w'amaani munonga nimweta Business lady kandi aine za business nyamwingi ezirimu nka Glocery ,Cleaning Company hamwe n'ekitongore ekirikuhereza obuyambi aharyabo abatarikwebasa ekirikumanywa nka Kashangura Raising Hope Uganda, oteebirwe n'okuba omuhingi w'amaani omuri Kashangura .
Rev Jastina Bashemaire n'omuntu arikukunda entunguka ,kandi abaasize kutambura omumahanga meingi agarimu Kenya,Tanzania,Egypt,Zambia Congo, Burundi, Rwanda n'agandi.
Rev Justina Bashemaire obwahati n'omwe aharyabo abarikukirayo okukuratirwa ninga kyete following omurwa Seeri aha mitimbagano etari emwe n'emwe nka aha Facebook ahi ayine facebook gurupu mugeita mahanga omukuburira engyiri erikumanywa nka 'Proudly Anglican" aine endijo erikwetwa Anglican world wide ministry erikugeita abantu ba Nigeria,aine ministry endijo omwihanga rya Kenya erikwetwa A.C.k kandi hamwe na page ye eya Justina Bashemaire neshangwa aha mikutu etari emwe n'emwe ya karimagezi . Justina Bashemaire n'omwe aharyabo abarikukirayo kuburira engyiri aha sosholo mediya kandi egyo enshonga n'emwe ahabwaki niwe arikukirayo okukuratirwa eminyeeto ninga beete ensinganto.
Justina kutumuburize ahabwenki ahamyaka eyayine atakatungire mushaija atugizire ngu takenzire kushwerwa ngu beitu Ku arayende nayija kuba natumanyisa. Oyijukye ngu obwiire obwingi abantu nka Revurandi Justina nibakira kutinwa abashaija ahakuba nibabareba nka kirasi endeijo eri ahaiguru ahabw'okugira ngu nibaba baine ahibahikire oteireho n'okugira ekitinitsa kyobwa Revurandi, kutumuburize ahanshonga niyo emwe Jastina atugizire ngu n'ekishuba, omushaija nasigara ari omushaija .
Revurandi Justina omubwiire bweye yaaba atari aha buzinesi ze ninga atari mukuburira engyiri nakunda kushoma ebitabo,n'okuzaana n'abaana.
Nobaasa kukuratira Rev.Justina ahamitimbagano yeye yoona obwe orikuronda eiziina Justina Bashemeire.
Huumura Tuganiire
Abakatoriki (2) Africa (3) Agekibarukiraho (43) Akaruuru 2011 (1) Akaruuru 2021 (26) Amagara (2) Amaka (5) Amakuru (535) America (1) Ebaruha (8) Ebirango (8) Eizooba Eri (5) Ekyanga Kyawe (9) Enfumu (3) Enganda (2) Esente (1) Haaya (1) Obugabe (8) Obutare (4) Okwiruka (2) Omuntu Waawe (12) Omupiira (24) Omushaho (1) Puriyamare (2) Ruhuuta (18) Senyiga Ya Corona (29)