Ebirango Bikuru

   Kagiira Skills Development Center, Agriculture With New Skills
   Diary Farm Training By Kagiira Skills Development Center in conjunction with Eiraka Radio

Tiimu ya Ibanda disiturikiti kwetaba omuza Ankole


Egyenderwaho yeempaka
Nekya Osborn Mushabe
2075

Orwakana 2022-06-30

Ahitukugambira ebi, tiimu y'omumpiira eya Ibanda disiturikiti eriyo n'eyetebekanisiza omumpiira rwatamigongo ogw'empaka za Ankole ezirikwija kuzanwa omukweezi kwa mushanju 2022.

Empaka ezi nizija kwigurwaho omururembo rwa Ntungamo obwo Ntungamo disiturikiti erikushengurana buso bwantaama na disiturikiti ya Sheema.

Obwahati abebembenzi ba tiimu ya disiturikiti ya Ibanda bariyo nibashaba obuyambi kuyambaho tiimu y'omumpiira egi, ahabwokuba obwahati tiimu egi terikurungi omuby'esente.

Saadi kandi ori omubiiki wa tiimu yashaba omuntu weena owakubasa kuba ayine obuyambi bwa burimuringo gwona kwija kwirukangirira tiimu ya Ibanda disiturikiti.

Omukugamba na Agoweitu, Saadi yatugira ngu tiimu za disiturikiti ezindi ziriyo nizizana emipiira y'emikago konka Ibanda disiturikiti tekatandikire kugizana.

Saadi yayongyera yatushomera akakiiko akarikwebembera tiimu ya Ibanda kandi akakiiko niko aka;

1. Lord- Ceyemani

2. Khan- omuhandiki

3. Saadi- omubiiki

4. Kirunda Saul- omutendeki

5. Faizo- Omutendeki

6. Osborn Mushabe- omuhabuzi

7. Gilbert Mukama- moborayiza

8. Mudigido Tusiimire Peter- moborayiza omukuru.

Enamba y'omubiiki ni 0775329283 omumaziina ga Kansiime Godfrey.

Gurupu ya A erimu tiimu ezi;

1. Bushenyi disiturikiti

2. Ntungamo disiturikiti

3. Rubirizi disiturikiti

4. Buhweju disiturikiti

5. Sheema disiturikiti

Gurupu ya B erimu tiimu ezi;

1. Mbarara City

2. Mbarara disiturikiti

3. Ibanda disiturikiti

4. Rwampara disiturikiti

5. Isingiro disiturikiti.

Osborn Mushabe arikushobororera omunyamakuru w'eitu, yagira ngu empaka ezi ninka empaka eza 'amasaza' ga Buganda.

Obwahati Ankole eyine disiturikiti 11 n'ekibuga kikuru kimwe.

Abahagizi b'omupiira nibashabwa kwiija omubwingi kuhagiira tiimu zaabo.

Okumanya ebirikukiraho, tayayira omukutu ogu

https://ugandafootball.com/tournament_fixtures.php?t=uftn0016

http://www.ugandafootball.com/tournament_teams.php?t=uftn0016

Huumura Tuganiire

Abakatoriki (2) Africa (3) Agekibarukiraho (43) Akaruuru 2011 (1) Akaruuru 2021 (26) Amagara (2) Amaka (5) Amakuru (535) America (1) Ebaruha (8) Ebirango (8) Eizooba Eri (5) Ekyanga Kyawe (9) Enfumu (3) Enganda (2) Esente (1) Haaya (1) Obugabe (8) Obutare (4) Okwiruka (2) Omuntu Waawe (12) Omupiira (24) Omushaho (1) Puriyamare (2) Ruhuuta (18) Senyiga Ya Corona (29)