Kagiira Skills Development Center, Agriculture With New SkillsNkamuhutira ahabugyenyi, yanshuka supu
Empangare
Nekya Google
1854
Orwakataano 2022-07-01
Uh!! Haha haha haha hoo hoo hooooo!!
Ruhuuta nanye ndarebire! Omwaka ogu ninkyenda kusiima Nyamuhanga ahabwokumpa amaani n'amagara.
Mbwenu nanye nkaba ndyomwe ayayetsirwe aha bugyenyi bwa munywani wangye owabeire nagaitwa n'omukundwa we.
N'omanya omubintu nk'ebyo tinkaburamu ahabwokuba ndi omuntu wabantu. Emotoka ngitamu ekishumuruzo, aheihi n'ahamwanya. Kumpika ahamwanya abaakiizi bampa akatebe haihi n'emeza y'abagore. Gutyo omukoro gutandika, reeru embazo baziha, ebirabo babihayo haza emikoro enura.
Konka kubaba nibahayo ebirabo, hijamu empangare nyamurungi yoona eboneire kandi eyine eshinyanya ekwasire ekirabo nayo erikuza kurabika abagore. Mbwenu mbagambireki? nkaba nteine kirabo ky'okurabika omugore konka omwishiki ogwo akareta neimuka nanye kureba narabika omugore kandi ntine kirabo kyoona. Obwo nfa ngu empangare ekandeba nanye obundi enkoni y'eifundo ekaagira omugasho.
Mbwenu nkokwomanya eby'abashaija, nkagyenda enyima ye, nanye ninyehuta obwo ekyeshongoro kya 'its a wedding Day' kiriyo nikijumeera.
Nikwo muribataho kakye aha nkaito, ahinduka andeeba, nti 'i am very sorry madam'.
Kwonka omukaire ako kakye mukwasa kaadi yangye y'omurimo hariho enamba ya WhatsApp. Atyo anyebaza, nikwo kurabika omugore, tukagaruka omuntebe zeitu.
Mbwenu owakozire WhatsApp nayebare. Omukaire kakye mpurira akasimu kangye kagamba, obundi ntenkateka nti n'obutumwa bwa Momo Nyabo, konka nshanga n'obutumwa bwa WhatsApp, burukigira 'Hi'.
Nanye mbugarukamu, nti 'Hi'
Amangu ago, ayeyanjura nka Phiphi, kandi ari aha bugyenyi nibwo bumwe, nanye nk'omuntu arikumanya WhatsApp nyiruka nza kureba aha kishushanikye ekya purofayiri.
Ayayaya, nkareba amate, nkareba enyangyi, nkareba ekyomujungu yatumire omwiraguju kikabura, nkareba, ai bambe nkareeba!! Nkareeba obwooki bwa Ankole, nkareba efeeza. Oh oh, eifundo ryangye rikaremeera.
Mbwenu nanye mugarukamu nti ninye Ruhuuta mutabani w'omugaiga omuri Bushenyi.
Atyo angira ati Phiphi Nabukalu, 'muwahara wa Hajji e Zirobwe.
Ngu, Ruhuuta ayepanka, ngira nti hati nagwerwa, nti obu Nabukalu yatandika kuganira nanye kandi ey'omuganda tinkagiryahoga, nti mbwenu nti Omugabe abireebe.
Tugumizamu tuganira nkwoka omukuganira kweitu mushaba nti atakagarukulire Zirobwe abanze andabeho musiibure.
Haza mbwenu nkaba ningira oruganda nindumanya, nkonka orwangye nirubi nirusinga aha rw'omunyishengyerokazi wa Ibanda disiturikiti.
Mbwenu ekigambo ky'orurimi kukyayangyire, natandika kushogota orw'omugabekazi wa bungyereza, bambi, nkareeba Nabukaru yamwenya, yasheka. Omubugufu, akakunda emboozi yangye.
Nkeshanga shutamire omumoteka ye eyekika kya benzi, haza eminwa ekwateine. Akatandika kuhizera nk'empiri eri omumasinde.
Akankwata empare otambuza orukoba ahiyarutiire nkoka nk'eshanga ndi omubusuti ya Adam na Eva.
Ekirungi, ebirwaniso byangye ngy'enda nabyo, nikwo kukwata omunshaho y'enyima nkihayo shabashaba nikwo kugijwara, haza endingiri ngikwata, ntera endingiri, ntera endingiri, nikwo kuhurira omucuuzi, mpora mpora mpora nikwo nkogyera amaani, yamawe! suupu ekwasire ekatika, nahurira y'agamba oruganda, ati Ruhuuta 'oli wakabi nyo, Waka wali'. Ahamutima nti oije ogaruke ozanise abanyankore.
Omwana arayira akomba ahansi, ati, 'kino sikilabangako, mbade ndowoza nti ndi Nabukalu, naye olwalelo nzikiriza. Nga you know how to dance'.
Nanye mugira nti ' I learnt to dance when Amin was still our president'.
Ekirungi, emotoka akaba agiiziremu wenka, nikwo kwetereeza nkasiibura Nabukalu akagaruka owabo.
Nasigara ndi Ruhuuta 2022.
Huumura Tuganiire
Abakatoriki (2) Africa (3) Agekibarukiraho (43) Akaruuru 2011 (1) Akaruuru 2021 (26) Amagara (2) Amaka (5) Amakuru (535) America (1) Ebaruha (8) Ebirango (8) Eizooba Eri (5) Ekyanga Kyawe (9) Enfumu (3) Enganda (2) Esente (1) Haaya (1) Obugabe (8) Obutare (4) Okwiruka (2) Omuntu Waawe (12) Omupiira (24) Omushaho (1) Puriyamare (2) Ruhuuta (18) Senyiga Ya Corona (29)