Kagiira Skills Development Center, Agriculture With New SkillsOKU IBANDA EGIIRE AHA RURENGO RWAHAIGURU.
IBANDA TOWN
Nekya Diva Blogger
709
Orwakabiri 2022-09-06
Aba kampasa ba Ibanda University bagihindwire amaziina.
Obwe itwe Agoweitu turikugumizamu turi kukuretera orugambo namunonga orukuba niruffa omushonda zoona namunonga omuri burengyerw'eizooba eryanyakazooba twakuretera etowuni ya Ibanda eri aharuguto nyeigyendwa orwa Mbarara Fortportal .
Ibanda n'etawuni yamaani munonga omuby'obushubuzi otebirwe nabo abari kukunda ebyaana ebirikubereshana nk'enyangi
Beitu kutubaire niturabaramu omu town twashanga ngu obwahati ni emwe ahari ezo ezirikusingayo ebyana ebiri kunyirira wagyeragyeranisha namatowuni agandi agutwayikiremu nka Kamwengye,Kazo ,kiruhura ,Kitagwenda na Mbarara .
Kwonka kutugire kubuza twashanga ngu obwahati Ibanda eriyo nekurira aha sipiidi y'ekijungirizi bwanyiima yokutunga University erikumanywa nka Ibanda University beitu aba kampasa eyibarikweta "IBU "
Beitu kutubiire niturabaramu omu town twashanga ngu obwahati etowuni yoona abakampasa abamaziire kuba nibagihindura amaziina obwe barikugyeta agaabo okurugirira aha kukurakurana kw'emyanya niyo ni emwe oteireho n'emirimo erikukorerwa omumyanya egyo obwahati waaza omuri Ibanda orikuronda situriti nka Mpiira ,kasuku,Bufunda,Jubilee,Kyereta,Kyaruhanga nobaasa kurara aha muhanda kuba abany'Ibanda tibakimanya ago maziima ago.
Mpiira
Obwahati situriti ya Mpiira ekahindurwa aba kampasa nibagyeta Makindye beitu egi ekahangura eryo eiziina ahabw'okugira nesingayo okukora nyekiro obwe bizinesi enyingi eziriyo neza amabara otebirwe n'empangare ezirikunyirira nk'eza makindye omuri Kampala ezirikushangwa nka aha Club Mirano.
Ekyorora .
Obwahati waba noronda omwanya gw'okuriramu kyamushana ninga kyakiro ori omuri Ibanda okabuza omuntu ngu akuragirire omu kyorora fuuzi nobaasa kurara enzara ahakuba obwahati ekyorora fuuzi nikyetwa Toninyila beitu eiziina eryo rikakomoka ahari Toninyila eyabaire neshangwa hihi na Park ahari Bufunda situriti.
Beitu enshonga ahabwaki Ekyorora kyahindwirwe eiziina kyiketwa Toninyila nokugira ngu warabaho saaha musanju z'eihangwa nobaasa kugiira oti shaana n'oruffu eby'okurya nibaaha ebyabusha aha kuba noshanga obwingi bw'ebyiruka nka emotoka,zapiki zipakingire nkaha nakuri beitu wagira oti kantahemu ndebe ekirikugyenda omumaisho waba otari sitede nobaasa n'okurekayo enono obwe waaba otebirwe omuhanda gwakutatysamu ahakubi n'eba eri mpuguza ndabeho obwe buri omwe omugeiga n'omworo barikushaba eky'okuhereza rugondo.
Beitu oijukye ngu obwahati eby'okurya omukyorora nibatandikira ahari sente zirikwingana 1000 kuza aha 2000 obwe waba orire enyama kandi washaba ekirengye noyeshanga omu 3000 kuza aha 4000 beitu kutugyerizeho kubuza twashanga ngu abageiga nyamweingi abakurire omuri Ibanda 99/100 boona bararirire omu kyorora fuuzi nikyo kibakurize oba oryaho oshanga niyo nshonga ahabwaki nikyetwa ekyorora fuuzi ahakuba kiyambire abantu nyamwingi oteireho nanye kenyini obwo obwiire obweitu tukaba turya eby'okurya bya shs 400 kuza ahari 500 otaaha ogwa empiiha ahabw'omwiguto.
Obwahati Toninyila bwanyima y'okwihwaho eryo eiziina ahabw'okuriisa abantu nyamweingi kandi b'ebitinitsa namunonga aba kampasa ekahindurwa obwahati neyetwa omukijungu beitu katuburize enshonga ahabwaki yahindwirwe twashanga ngu warabaho saaha mushanju z'eihangwa nobaasa kugiira tihakabahoga kataare k'ebyokurya beitu warabaho saaha mwenda z'omumwebazyo norebera okutangara obwe empangare nyamweingi zekorire obuseferiya, n'entebe za fomu obwe barikuza kwetebekanisiza kutandiika emirimo yaabo .
Beitu warabaho saaha ebiri z'ekiro noshanga abantu namunonga aba kampasa bashutamire obukuku bw'abantu bashatu kuza ahari batano buri omwe akwatsire eshuwani yakatogo k'ebitookye n'ebinyobwa otebirwe abandi akatogo k'ebitookye n'ebihimba kwonka boona bajwiire kurungi wahikaho nobaasa kutiina kushaba ebyokurya orikutekateka ngu nabakoozi ba govumenta ya rwangisiriza ninga ba minisita beitu wamaraho edakiika nk'ebiri noreba ondeijo muntu naawe ajwiiregye oreba yashaba eby'okurya obwe arikugambisa amaani ati Nalongo mpa enkoko yo 10000 obwe arikumanyisa akatogo k'ebinyebwa oteiremu ebinjari ka shs 1000 ,otakarugireho oreba zareta ondeija nawe agumize ati Nalongo mpa "Ebi clothes bya 20000" obwe arikumanyisa akatoogo k'ebyenda ka shs 2000 aho waba otemerire kurungi omunshaho nobaasa kugarukayo otatungire eby'okurya oteireho n'okugyenda orikugamba wenka ogumize oti Omukijungu nibashera eby'okurya byabo oti kandi nibariisa abagaiga boonka ahakuba nikikubera eky'okutangaza wareeba nibarya eby'okurya bya 10000 kuza aha 20000 obwe barikumanyisa 1000 kuza aha 2000 (omuru kampasa).
Kasuku Road.
Obwahati Kasuku road nayo bamazire kuba nibagihereza eiziina obwahati neyetwa Omukikoni beitu tushangire ngu eshonga ahabwaki yahindwirwe eiziina n'okugira ngu obwahati nigwo mwanya ogurikusingayo Chapati ,muhogo eshikire ,amandazi ,chai ya majani beitu ngu kandi nahwaza omuri kampala omwanya ogurikwetwa ekikono noshanga nayo nikwo birikutambura beitu ekirikuretwaho enkurakurana ya University
Ekikoni obwahati nigwo mwanya okurikusingayo enyana nungi munonga ahari abo boona abarikwenda ez'okuriisa ,okuryamu ,oba okutasya namunonga nka Baruhuuta okwe niyo barikunywera aka beer obwahati obwe bategyerize zirabeho zirikuruga aha kampasi nikwo bazishutamise bazihe ebyokunywa obwe bagumize itwe turiho buriho nk'eyomugore esente kwarahweho turakora ezindi kwonka mpaka tinkwitwa bunyata obwe enyana ziri ahampaha zizwiire
. Beitu tihakuhwaho edakiika ebiri oba emwe otakarebire empangare nungi erikubereshana nkanyamunyonyi waba oyina omurururu noshanga enkoni yayeregire .
Muyenga.
Beitu reka ngumizemu nkutware Kitwe ninga kyaruhanga obwahati wabuza ago maziina nobaasa kweshanga omuri Zambia ahakuba abaingi hati nibahamanya nka Muyenga .
Kutugire kubuuza enshonga ahabwaki ahindwirwe amaziima tushangire ngu obwahati buri mugaiga weena omuri Ibanda niyo arikwombeeka kandi ekindi nakashozi nka Muyenga eya Kampala eyi abagaiga batuura .
Nitwiiza kukwongyera endijo myanya beitu reka erizooba tugarukiire ahampaha.
Ninye Diva Blogger nkaburijo ndonda aha mitambagano yoona nka Facebook,Twiter,Instagram onkuratiire
Huumura Tuganiire
Abakatoriki (2) Africa (3) Agekibarukiraho (43) Akaruuru 2011 (1) Akaruuru 2021 (26) Amagara (2) Amaka (5) Amakuru (538) America (1) Ebaruha (8) Ebirango (8) Eizooba Eri (5) Ekyanga Kyawe (9) Enfumu (3) Enganda (2) Esente (1) Haaya (1) Obugabe (8) Obutare (4) Okwiruka (2) Omuntu Waawe (12) Omupiira (24) Omushaho (1) Puriyamare (2) Ruhuuta (18) Senyiga Ya Corona (29)