Kagiira Skills Development Center, Agriculture With New SkillsOmugabekazi wa Bungyereza afiire
Omugabekazi omu mwaka gwa 2015
Nekya Agoweitu
501
Orwakataano 2022-09-09
Amakuru g'enaku agashohoire ekiro ekyasheesha eryanyakazooba n'agokufa Kwa Omugabekazi wa Bungyereza, Omugabekazi Elizabeth owa kabiri.
Omugabekazi Elizabeth owu amaziina gye gari Elizabeth Alexandria Mary atwire ari omugabekazi wa Bungyereza kwiha omumwaka gwa 1952 Kandi obwe abiire omugabekazi kumara emyaka nshanju.
Ebyafaayo nibyoreka ngu ogu akazaarwa omumwaka gwa 1926 obwe ari muhara w'omwinginya ayizire kuba Omugabe bwanyima ya mukuru we kurekura entebe. Akeija kuba omugabekazi bwanyima y'okufa kw'ishe.
Omubushwere bwe, omugabekazi akazaara abaana bana Kandi hati omutabani, Omugabe Charles owa kashatu niwe aramuze omubigyere.
Omugabekazi Elizabeth (Shoma Zabeeti) nuwe Mugabe wa Bungyereza akirizeyo kutegyeka obwire bureingwa munonga Kandi niwe wa kabiri omunsi yoona obwo akurateire Omugabe Louis XIV owa Bufaransa.
Amakuru nigoreka ngu omugabekazi afereire omu Makagye ag'okuhumuriramu aha myaka 96.
Elizabeth akabaho omugabekazi w'eitware rya Uganda kuruga omumwaka gwa 1961 kuhitsya 1962 obu Uganda efuna okwetegyeka.
Beitu ebyokufakwe byayakirwa omu miringo etakushushana abwe abantu abamwe bagumize ngu ogu akabemberaho ebyokwiba efeeza n'ezaabu omu Africa Kandi nahati ekirunga kye kibiire kikozire omu dayamanda eyarugire omu Africa. Egi neryanyakazooba niyo ekisingireyo obuhango omunsi yoona.
Itwe aha Agoweitu nitwija kukuhitsyaho ebyokuziika kwe obwe kirikutekwatekwa ngu omubiri gwe nigwija kutwara omu Kikaari Kya Burkingham erizooba.
Huumura Tuganiire
Abakatoriki (2) Africa (3) Agekibarukiraho (43) Akaruuru 2011 (1) Akaruuru 2021 (26) Amagara (2) Amaka (5) Amakuru (535) America (1) Ebaruha (8) Ebirango (8) Eizooba Eri (5) Ekyanga Kyawe (9) Enfumu (3) Enganda (2) Esente (1) Haaya (1) Obugabe (8) Obutare (4) Okwiruka (2) Omuntu Waawe (12) Omupiira (24) Omushaho (1) Puriyamare (2) Ruhuuta (18) Senyiga Ya Corona (29)